Loading Page: സ്വാതന്ത്ര്യ ദിനത്തിന്റെ വര്‍ത്തമാന രാഷ്ട്രീയ പരിസരം

ഒപ്പീനിയന്‍

സോമശേഖരന്‍

ഇന്നു മുഴങ്ങിക്കേൾക്കുന്ന വർഗീയദേശീയത രാജ്യസ്നേഹത്താലല്ല പ്രചോദിതമാകുന്നത്. കൊളോണിയൽ വിരുദ്ധ ജനാധിപത്യദേശീയതയുടെ ശവപ്പറമ്പുകളിലാണവ തങ്ങളുടെ ധ്വജം പറപ്പിക്കുന്നത്. ...  ഇന്ത്യൻ രാഷ്ട്രീയ ചരിത്രത്തിലെ മൗലികമായ ഒരു പ്രശ്നമണ്ഡലവ്യതിയാനത്തെയാണ് വർത്തമാനകാലം പ്രതിനിധാനം ചെയ്യുന്നത്...

ആശങ്കാജനകവും സങ്കീര്‍ണവുമായ സംഭവഗതികള്‍ക്കിടയിലാണ് ഈ സ്വാതന്ത്ര്യദിനം കടന്നുവരുന്നത്. ബ്രിട്ടീഷ് കൊളോണിയലിസത്തില്‍ നിന്ന് ഔപചാരികമായി സ്വാതന്ത്ര്യം നേടിയ ദിവസമെന്ന നിലയ്ക്കാണ് ആഗസ്ത് 15 രേഖപ്പെടുത്തപ്പെടുന്നത്. ഇങ്ങനെയൊരു സ്വാതന്ത്ര്യ പ്രഖ്യാപന ദിനത്തിലേക്ക് നയിച്ചതും തുടര്‍ന്നു കൊണ്ടുപോകേണ്ടതുമായിരുന്ന ഒരു ദേശരാഷ്ട്രനിര്‍മാണത്തിന്റെ ചരിത്രവും വര്‍ത്തമാനവും ഭാവിയുമെല്ലാം ഉത്തരവാദിത്ത ബോധത്തോടെ കണ്ടെടുക്കേണ്ട ഒരു ദിവസമാണത്. പൊള്ളയായ ആഘോഷങ്ങള്‍ക്കിടയില്‍ മിക്കവാറുമിന്ന് വിസ്മരിക്കപ്പെട്ട ഒരു കടമയാണത്.

ഇന്ത്യയിലേക്ക് വരുമ്പോള്‍ യൂറോപ്പ് ഇന്നത്തെപ്പോലെ വ്യാവസായികമായി വികസിച്ചതോ കിഴക്കങ്ങനെ താരതമ്യത്തില്‍ ഏറെ പിന്നോക്കമോ ഒന്നുമായിരുന്നില്ല. ഉല്പാദനരംഗത്തെ മേല്‍ക്കയ്യിനേക്കാള്‍ ആധുനിക ദേശരാഷ്ട്രങ്ങളായുള്ള വളര്‍ച്ചയാല്‍ പടിഞ്ഞാറിനുണ്ടായിരുന്ന വികാസമായിരുന്നു അന്ന് നിര്‍ണായകമായിരുന്നതെന്നു വേണം ചിന്തിക്കുന്നത്. പ്ലാസി യുദ്ധമടക്കം ലോകത്തെ സൈനികമായും മറ്റും കൊള്ളയടിച്ചു കിട്ടിയ സമ്പത്തുകൊണ്ടാണ് വ്യാവസായിക വളര്‍ച്ചയും വ്യാവസായിക വിപ്ലവം തന്നെയും യൂറോപ്പ് കൈവരിച്ചത്. ബ്രിട്ടനേക്കാള്‍ എന്തുകൊണ്ടും കരുത്തുറ്റതും വിശാലവും സമ്പന്നവുമായിരുന്ന ഇന്ത്യയെയത് പരാജയപ്പെടുത്തിയത് നമ്മുടെ സമൂഹശരീരത്തിലെ പ്രബലശക്തികളായിരുന്ന ജാതിമതഭാഷാദേശ വിഭാഗീയതകളില്‍ നിന്ന് മുതലെടുത്താണ്. പലവിധമായ ഈ മധ്യകാല ആഭ്യന്തര ഛിദ്രങ്ങളില്‍ നിന്നാണ് കൊളോണിയലിസം വിജയതന്ത്രങ്ങള്‍ രൂപപ്പെടുത്തിയതും തുടര്‍ന്ന് നിലനിന്നതും.

ദേശീയപ്രസ്ഥാനത്തിന്റെ മുന്നില്‍ ഏറ്റവും വലിയ വെല്ലുവിളിയായിരുന്നത് കൊളോണിയല്‍ ഭരണത്തെ എതിര്‍ത്ത് പരാജയപ്പെടുത്തുന്നതോടൊപ്പം അതിനു പ്രാപ്തിയുള്ള ഒരു ദേശരാഷ്ട്രത്തെ നിര്‍മിച്ചെടുക്കുക എന്നതായിരുന്നു. ആധുനിക ദേശരാഷ്ട്രനിര്‍മാണത്തിനും ജനതയുടെ ഐക്യത്തിനും ഇവിടെ എപ്പോഴും പ്രധാന തടസ്സമായി നിലനിന്നത് മതവര്‍ഗീയശക്തികളും ജാതിമേധാവിത്ത ശക്തികളുമായിരുന്നു. കൊളോണിയലിസത്തിന് എന്നും പ്രിയപ്പെട്ട സഹകാരികളായിരുന്നു ഇവ. ദേശീയപ്രസ്ഥാനം ഒടുവില്‍ ഗാന്ധിയുടെ നേതൃത്വത്തില്‍ മുന്നോട്ടു പോവുകയും സ്വാതന്ത്ര്യ പ്രഖ്യാപനത്തിലേക്കടുക്കുകയും ചെയ്തപ്പോള്‍ വര്‍ഗീയശക്തികള്‍ കൊളോണിയലിസത്തിന്റെ പശ്ചാത്തല പ്രേരണയോടെ അതിനു പകരം വീട്ടിയത് ഹിന്ദുക്കളെയും മുസ്ലിംകളെയും ലക്ഷക്കണക്കിന് കൊന്നൊടുക്കി രാഷ്ട്രത്തെ വിഭജിച്ചുകൊണ്ടാണ്. ചരിത്രത്തിനു മുന്നില്‍ തുറന്നുകാട്ടപ്പെട്ട ഇതേ രാജ്യദ്രോഹ ശക്തികളാണ് പലവിധ കുല്‍സിതമാര്‍ഗങ്ങളിലൂടെ ഇന്ന് ഭരണം പിടിച്ചെടുത്തിരിക്കുന്നത്.

ഈ ജാതിമത വിഭാഗീയതകള്‍ ആര്‍ എസ് എസും മുസ്ലിം ലീഗും പോലെ ദേശീയപ്രസ്ഥാനത്തിനു പുറത്തു മാത്രമായിരുന്നില്ല നിലയുറപ്പിച്ചിരുന്നത്. കോണ്‍ഗ്രസിനകത്തും ഇവയുടെ പ്രഭാവം അന്ന് പ്രകടമായിരുന്നു. ഗാന്ധിയന്‍ നേതൃത്വത്തിന്റെ വൈഭവമാണ് ഒരു വലിയ പരിധി വരെ കോണ്‍ഗ്രസില്‍ ഇവയെ ആധിപത്യം നേടാനനുവദിക്കാതെ തടഞ്ഞുനിര്‍ത്തിയത്. സ്വാതന്ത്ര്യപ്രാപ്തിയുടെ ദിവസങ്ങള്‍ വിഭജനവും വര്‍ഗീയകലാപങ്ങളും വഴി ഗാന്ധിയന്‍ നേതൃത്വത്തിന്റെ പരിമിതികളെക്കൂടിയാണ് ദുരന്തങ്ങളായി വെളിവാക്കിയതും. ദേശീയധാരയും നവോത്ഥാനധാരയും കൂടിച്ചേരുന്ന സമവാക്യങ്ങള്‍ക്കകത്തുനിന്നു വേണം ഈ ചരിത്രസംഭവഗതികളുടെ കാര്യകാരണങ്ങള്‍ തിരയുന്നത്. ബാബറി മസ്ജിദിനകത്ത് ഒളിച്ചുകടത്തിയ രാമവിഗ്രഹം പോലെ കോണ്‍ഗ്രസ്സിനകത്തു തന്നെ ഈ ദേശവിരുദ്ധട്രോജന്‍ കുതിരകള്‍ ഇടം കണ്ടെത്തിയിരുന്നു എന്നതാണ് ഇന്ന് തിരിഞ്ഞുനോക്കുമ്പോള്‍ പ്രകടമാവുക.

സ്വാതന്ത്ര്യാനന്തര വര്‍ഷങ്ങളില്‍ രൂപപ്പെട്ട ലോകസാഹചര്യങ്ങളില്‍ ദേശീയത കരുത്താര്‍ജ്ജിക്കുകയല്ല, ദുര്‍ബലമാവുകയാണുണ്ടായതും. കോണ്‍ഗ്രസ്സില്‍ ഗാന്ധിക്ക് മാത്രമായല്ലാതെ നെഹ്രുവിയന്‍ ധാരയ്ക്ക് തന്നെയും പ്രഭാവം നഷ്ടമാവുന്നതാണ് തുടര്‍ന്ന് കാണുക. പിന്നീട് അനുകൂലസാഹചര്യത്തില്‍ കോണ്‍ഗ്രസ്സിലെ ദേശവിരുദ്ധശക്തികള്‍ തന്നെയാണ് വര്‍ഗീയതയ്ക്ക് വാതിലുകള്‍ തുറന്നുകൊടുത്തതും. പകരമിന്ന് മുഴങ്ങിക്കേള്‍ക്കുന്ന വര്‍ഗീയദേശീയതയാകട്ടെ രാജ്യസ്‌നേഹത്താലല്ല പ്രചോദിതമാകുന്നത്. കൊളോണിയല്‍ വിരുദ്ധ ജനാധിപത്യദേശീയതയുടെ ശവപ്പറമ്പുകളിലാണവ തങ്ങളുടെ ധ്വജം പറപ്പിക്കുന്നത്.

ഇന്ത്യന്‍ രാഷ്ട്രീയ ചരിത്രത്തിലെ മൗലികമായ ഒരു പ്രശ്‌നമണ്ഡലവ്യതിയാനത്തെയാണ് വര്‍ത്തമാനകാലം പ്രതിനിധാനം ചെയ്യുന്നതെന്ന് വേണം കരുതാന്‍.

മിനിഞ്ഞാന്ന് വടക്കന്‍ ജില്ലകളിലാരംഭിച്ച കനത്ത പേമാരി ഇന്നലെ രാവിലെ മ...
കേരളാ പോലീസിന്റെ ബിഷപ്പ് ഫ്രാങ്കോയെ ചോദ്യം ചെയ്യല്‍ നാടകം സോഷ്യല്‍ ഔ...
കണ്ണാടകത്തില്‍ ഞങ്ങള്‍ അധികം പേരൊന്നും അതേക്കുറിച്ച് വളരെയൊന്നും സംസ...
വലിയ പ്രസംഗവീരന്‍ എന്ന പരിവേഷത്തോടെ അധികാരത്തിലേറിയയാളാണ് നരേന്ദ്ര മ...
പൊതു തെരഞ്ഞെടുപ്പിന് വെറും എട്ടു മാസം അവശേഷിക്കുമ്പോള്‍ സമ്പദ്ഘടനയെ...
ഇപ്പോള്‍ കേരളത്തിലെ എല്ലാ വാര്‍ത്താ ചാനലുകളും കേരള ജനതയെ 24 മണിക്കൂറ...
രാജാവും പ്രജകളും പരസ്പരം സ്‌നേഹിച്ചു ജീവിച്ച തിരുവനന്തപുരം!! ശ്രീപദ്...
തമിഴക രാഷ്ടീയത്തിലെ ബാക്കിയായ ഏക അതികായനായ കരുണാനിധി വിടവാങ്ങുമ്പോള്...
മധ്യ തിരുവിതാംകൂറിലെ നായര്‍ മേധാവിത്വ മേഖലകളില്‍ ഒരു പരീക്ഷണം നടക്കു...
ബിഷപ്പ് ഫ്രാങ്കോ മുളക്കല്‍ ബലാത്സംഗം ചെയ്തുവെന്ന് കന്യാസ്ത്രീ പരാതിപ...
സുല്‍ത്താന്‍ബത്തേരി വഴി വന്യജീവി സങ്കേതത്തിലൂടെയുള്ള രാത്രിയാത്രാ നി...
കൊട്ടിയൂര്‍ പീഡനക്കേസില്‍ പെണ്‍കുട്ടി താന്‍ ഫാദര്‍ റോബിനുമായി സമ്മതത...
ഇത്രമാത്രം ഗുരുതരമായ തെറ്റുകള്‍ വരുത്തിയും, 40 ലക്ഷം പേരെ ഒഴിവാക്കിയ...
ആസ്സാമില്‍ അനധികൃത കുടിയേറ്റക്കാരെയെല്ലാം പുറത്താക്കും എന്ന തെരഞ്ഞെട...
കഴിഞ്ഞ നാല് വര്‍ഷക്കാലം മോഡി സര്‍ക്കാരില്‍ ഏറ്റവുമധികം അച്ചടക്കത്തോട...
കുമ്മനത്തെ മിസോറാമിലേക്ക് കെട്ടുകെട്ടിച്ച് രണ്ട് മാസത്തിനു ശേഷം ബി.ജ...
ചേര്‍പ്പ് CNN സ്‌കൂളില്‍ പാദപൂജ നടത്തിയത് ഇടതുപക്ഷ സര്‍ക്കാരിന്റെ അന...
ജനാധിപത്യ സാംസ്‌കാരിക കൂട്ടായ്മ ജൂലൈ28ന് തലശ്ശേരിയില്‍ സംഘടിപ്പിച്ച...
See all Stories

Sponsored Advertisments

Facebook
Like Facebook Page and Follow