വിഴിഞ്ഞം പദ്ധതിയുമായി ബന്ധപ്പെട്ട സി.എ.ജി റിപ്പോര്‍ട്ട്‌ പുറത്തുവന്നിട്ടൊരാഴ്‌ചയായി. സാധാരണയുള്ള കണ്‍സെഷന്‍ കാലം 30 വര്‍ഷത്തില്‍ നിന്ന്‌ 40 വര്‍ഷമാക്കിയതുവഴി സംസ്ഥാനത്തിന്‌ 29217 കോടി രൂപ നഷ്‌ടം വരുമെന്നും, അത്‌ പത്തുവര്‍ഷമെന്നനിലയില്‍ നിലനിര്‍ത്തിയിരുന്നുവെങ്കില്‍ സ്റ്റേറ്റിന്‌ 61095 കോടി രൂപ കൂടുതല്‍ കിട്ടുമായിരുന്നുവെന്നും ഇപ്പോഴത്‌ കമ്പനിക്കാണ്‌ ലഭിക്കുകയെന്നുമുള്ളതാണ്‌ സിഎജി ചൂണ്ടിക്കാട്ടിയ നിരവധി ക്രമേക്കേടുകളില്‍ ഏറ്റവും പ്രധാനം.

ആദ്യദിവസങ്ങളില്‍ ഉമ്മന്‍ചാണ്ടി നടത്തിയ മെഗാ അഴിമതിയുടെ ഒരു തെളിവായി വലിയകൊട്ടിഘോഷമുയര്‍ത്തിയ ഇടതുമുന്നണി നേതാക്കളെല്ലാം ഇപ്പോള്‍ പത്തിമടക്കി ഒരുജൂഡിഷ്യല്‍ അന്വേഷണം നടത്തും, കരാര്‍ നടപ്പാക്കാന്‍ സര്‍ക്കാരിന്‌ ബാധ്യതയുണ്ട്‌, അതുചെയ്യും ഇതു ചെയ്യും എന്ന മുഖ്യമന്ത്രിയുടെ പ്രസ്‌താവനക്കു കൈയ്യടിക്കുകയാണ്‌.
ഇവിടെ ഒരു ചോദ്യമുയരുന്നു ഇക്കാര്യത്തിലെന്തിനാണ്‌ ജൂഡിഷ്യല്‍ അന്വേഷണം? അതുകൊണ്ട്‌ പറ്റിക്കാന്‍ പോന്ന അധികം പൊട്ടന്മാരൊന്നും ഈ കേരളത്തിലില്ല.

ഇവിടെ ഈ വികൃതനടപടിയുടെ പൊള്ളത്തരം തുറന്നുകാട്ടാന്‍ സിപിഐ(എം) മുമായി ബന്ധപ്പെട്ട രണ്ടുസംഭവങ്ങള്‍ ചൂണ്ടിക്കാട്ടാം. ഇപ്പോള്‍ ആന്ധ്രയില്‍ ആണവനിലയത്തിനെതിരെ പാര്‍ട്ടി പ്രക്ഷോഭം നടത്തുകയാണ്‌. അവ റദ്ദാക്കണമെന്നാവശ്യം ഒരു സിഎജി റിപ്പോര്‍ട്ടിന്റെയും അടിസ്ഥാനത്തിലല്ല. സ്വന്തം രാഷ്‌ട്രീയ നിലപാടിന്റെയും സാമ്പത്തികവും പരിസ്ഥിതിപരവും ശാസ്‌ത്രീയവുമായ ബോധ്യങ്ങളുടെയും അടിസ്ഥാനത്തിലാണത്‌. കടലിന്റെയും പശ്ചിമഘട്ട മലനിരകളുടെയും പരിസ്ഥിതിയെ വരാന്‍പോകുന്ന കാലത്തേക്കു മുഴുവന്‍ ഗുരുതരമായി താറുമാറാക്കുന്ന ഒരു മെഗാപദ്ധതിയെക്കുറിച്ച്‌ അത്തരത്തില്‍ പാര്‍ട്ടിയൊരു നിലപാട്‌ സ്വീകിരക്കേണ്ടതല്ലേ? ഈ കാര്യം സിപിഐക്കും ബാധകം തന്നെയാണ്‌.

മറ്റൊരുദാഹരണം മഹാരാഷ്‌ട്രയിലെ ധാബോളില്‍ 90 കളില്‍ എന്‍റോണുമായി ഒപ്പിട്ട വൈദ്യുതിക്കരാറാണ്‌. അന്ന്‌ ആ കരാര്‍ കൊടിയ രാജ്യദ്രാഹമാണെന്നു പാര്‍ട്ടി കണ്ടെത്തിയത്‌ സ്വന്തം നിലപാടില്‍ നിന്നല്ലേ. അതിനെതിരെ സിഐടിയു കേസ്സും കൊടുത്തു. രാജ്യവ്യാപകമായ പ്രക്ഷോഭസമയത്ത്‌ ഇന്ന്‌ പിണറായി പറയുന്ന അതേവാക്കുകളിലാണ്‌ കോണ്‍ഗ്രസ്സുകാര്‍ പദ്ധതിയെ ന്യായീകരിച്ചത്‌. ഇനി പിന്മാറിയ വന്‍തുക നഷ്‌ടപരിഹാരം നല്‌കേണ്ടിവരും, കരാര്‍ പാലിക്കാന്‍ ബാധ്യതയുണ്ട്‌. എന്നവര്‍ പറഞ്ഞു. ഒടുവില്‍ മാധവ്‌ ഗോബോള്ളയുടെ വിദഗ്‌ധമസമിതി കരാര്‍ പുന:പരിശോധിക്കുകയും കാര്യമായി പുതുക്കിയെഴുതുകയും താരിഫ്‌ നിരക്ക്‌ കുറക്കുകയും ചെയ്‌തു. എന്‍റോണ്‍ എന്ന ബഹുരാഷ്‌ട്രകുത്തക തന്നെ പൊളിഞ്ഞ്‌ ഒടുവില്‍ വന്‍തുക സ്റ്റേറ്റ്‌ സര്‍ക്കാരിനും കടം നല്‌കിയ ബാങ്കുകള്‍ക്കും നഷ്‌ടമായി.

Like our Facebook Page

എന്തുകൊണ്ട്‌ കേരളസര്‍ക്കാരിന്‌ മാധവ്‌ഗോഡ്‌ബോള കമ്മിറ്റി പോലെ ഒരു വിദഗ്‌ദകമ്മിറ്റിയെ വെച്ച്‌ പഠനം നടത്തി പദ്ധതി ദോഷകരമാണെങ്കില്‍ റദ്ദാക്കികൂടാ? അതുചെയ്യാതെ അദാനിക്കായി പദ്ധതി ഭക്തിപൂര്‍വ്വം നടപ്പാക്കാന്‍, നാട്ടുകാരുടെ കണ്ണില്‍ പൊടിയിടാന്‍ ഒരു ജൂഡിഷ്യല്‍ അന്വേഷണം എന്ന ഇരട്ടത്താപ്പ്‌ ആര്‍ക്കും മനസ്സിലാകും. അദാനിയെ പിണക്കിയാല്‍ ഡല്‍ഹിയിലെ പാദുഷ വിശ്വരൂപമെടുക്കും എന്ന പേടിയായാലും, അദാനി വച്ചു നീട്ടുന്ന പ്രലോഭനങ്ങളായാലും, രണ്ടും പദ്ധതി നടപ്പാക്കുമെന്ന പ്രഖ്യാപനത്തിനു ന്യായീകരണമല്ല. സംസ്ഥാന താല്‌പര്യമിത്രമാത്രം ഹനിക്കുന്ന ഒരു പദ്ധതി നടപ്പാക്കുകതന്നെ ചെയ്യുമെന്നതീര്‍പ്പ്‌ ഉമ്മന്‍ചാണ്ടിയുയര്‍ത്തിയ കല്ല്‌ സ്വന്തം കാലിലേക്കിടാന്‍ തയ്യാറാകുന്നതിനുതുല്യമാണ്‌. 

Studies and Blogs

അമേരിക്കന്‍ പ്രസിഡന്റ് ട്രംപ് ചൈനക്കെതിരെ ശക്തമായ നടപടികളെടുക്കുമെന്...
സാമ്പത്തിക വര്‍ഷത്തിന്റെ മൂന്നാം പാദത്തില്‍ എസ്.ബി.ഐ-ക്കു പിന്നാലെ പ...
ഒരു പുഞ്ചിരി മിക്കപ്പോഴും സന്തോഷത്തിന്റെ പ്രതിഫലനമാണ്. ഒരു ചിരി മിക്...
യു.പി.എ സര്‍ക്കാര്‍ 54000 കോടിക്ക് ഒപ്പിട്ട റാഫേല്‍ കരാര്‍ നേരിട്ട്...
'L D F വരും എല്ലാം ശരിയാക്കും' എന്നതായിരുന്നു കഴിഞ്ഞ തെരഞ്ഞെടുപ്പിലെ...
തന്റെ വലിയ ധീരതയെക്കുറിച്ച് '56 ഇഞ്ച് നെഞ്ചുകാരന്‍' എന്നാണ് പ്രധാന മ...
കൊല്ലം ജില്ലയിലെ ഒരു പ്രാദേശിക പൊതുയോഗത്തില്‍ പങ്കെടുത്തു മടങ്ങുകയായ...
താന്‍ പ്രധാനമന്ത്രിയായരിക്കുന്ന കാലത്ത് ഇന്ത്യയിലെ പരമാവധി സംസ്ഥാന ഭ...
കേരള പോലീസില്‍ ഉന്നതങ്ങളിയിരിക്കുന്ന നിരവധി ഓഫീസര്‍മാര്‍ രഹസ്യ ആറെസ്...
അധികം വൈകാതെ ശമ്പളവും പെന്‍ഷനും കൊടുക്കാന്‍ കെ എസ് ആര്‍ ടി സി മാത്രമ...
മാധ്യമങ്ങള്‍ക്ക് തലക്കെട്ടുകള്‍ക്കുവേണ്ടി, സംഘപരിവാര്‍ വാട്സാപ്പ് ഗ്...
ഗുജറാത്ത് തെരഞ്ഞെടുപ്പിന് ശേഷം നടന്ന സുപ്രധാനമായ ഉപതെരഞ്ഞെടുപ്പുകളില...
പ്രസാദ് എഡ്യുക്കേഷന്‍ ട്രസ്റ്റിന്റെ മെഡിക്കല്‍ കോളജിന് അനുമതി ലഭിക്ക...
2019-ലെ ലോകസഭാ തെരഞ്ഞെടുപ്പിനു മുമ്പുള്ള പൂര്‍ണ്ണ ബജറ്റവതരിപ്പിക്കുന...
യു പി യിലെ കാസ്ഗഞ്ചില്‍ റിപ്പബ്ലിക്ക് ദിനത്തില്‍ പൊട്ടിപ്പുറപ്പെട്ട...
ഭാരതീയ വിചാരകേന്ദ്രം ഡയറക്റ്ററും ദീര്‍ഘകാലമായി കേരളത്തില്‍ ആറെസ്സെസ്...
ഇതെഴുഴുതുമ്പോള്‍ സഞ്ജയ് ലീലാ ബെന്‍സാലിയുടെ പത്മാവത് റിലീസായിരിക്കുകയ...
അതിരൂക്ഷമായ തര്‍ക്കങ്ങള്‍ക്കൊടുവില്‍ സി.പി.ഐ (എം) കേന്ദ്രക്കമ്മിറ്റി...
See all Stories

Sponsored Advertisments

Facebook
Like Facebook Page and Follow