പ്രകൃതി ദുരന്തത്തെ സംബന്ധിക്കുന്ന മുന്നറിയിപ്പുകള്‍ നല്കുന്ന സംവിധാനമെവിടെ എന്ന ചോദ്യം വ്യാപകമായി ഉയര്‍ത്തുകമാത്രമല്ല ഓഖി ചുഴലിക്കാറ്റ് വിതച്ച ദുരന്തം അനുഭവിക്കെ കേരളം വ്യാകുലപ്പെടേണ്ടത്. ഒപ്പം ഓഖി ചുഴലി കൊടുങ്കാറ്റ് നല്കുന്ന, കേരളത്തിനടക്കം കാലാവസ്ഥാ മാറ്റത്തിന്റെ ദുഷ്ഫലങ്ങള്‍ വന്‍തോതില്‍ അനുഭവിക്കേണ്ടി  വരുമെന്ന മുന്നറയിപ്പിനെ കുറിച്ചുകൂടെയാണ്.

ഏറെക്കുറെ ഒഴാഴ്ചമുമ്പ് ശ്രീലങ്കയുടെ തെക്കുഭാഗത്ത് രൂപം കൊണ്ട ന്യൂനമര്‍ദ്ദമാണ് വടക്കുപഠിഞ്ഞാറേക്കു നീങ്ങി തിരുവനന്തപുരത്തിന് 65 കിലോ മിറ്റര്‍ പടിഞ്ഞാറുഭാഗത്ത് ഒരു ചുഴലിക്കൊടുങ്കാറ്റായി മാറി വന്‍ തിരമാലകള്‍ക്കും കടല്‍ കയറ്റത്തിനും തീരപ്രദേശത്തും കീഴക്കന്‍ മലനിരകളിലും വന്‍ കൊടുങ്കാറ്റ് വീശലിനുമിടയാക്കിയത്. ഇതെഴുതുന്ന സമയത്തും ഒട്ടനവധി മത്സ്യത്തൊഴിലാളികള്‍ കരയില്‍ തിരിച്ചെത്തിയിട്ടില്ല. അവരുടെ കുടുംബങ്ങളെല്ലാം വന്‍ ഭീതിയിലാണ്. ഇതിനകം മത്സ്യത്തൊഴിലാളികളുടെ മൂന്നു നാല് മരണവും റിപ്പോര്‍ട്ട് ചെയ്തു കഴിഞ്ഞു.

ഇന്ന് ആധുനിക കാലാവസ്ഥ പ്രവചന സംവിധാനവും ദുരന്തനിവാരണ അതോറിറ്റിയും ഉപഗ്രഹ നിരീക്ഷണവുമടക്കം ശാസ്ത്രസാങ്കേതിക വിദ്യകള്‍ വളരെയേറെ വികസിച്ചിട്ടുണ്ട്. 1999-ലെ ഒറീസ്സാ ചുഴലിക്കൊടുങ്കാറ്റും പിന്നീട് സുനാമിയും ഒട്ടനവധി ജീവനെടുത്തതോടെ മുന്നറിയിപ്പ് സംവിധാനങ്ങള്‍ കാര്യക്ഷമമാക്കുന്നതിനെക്കുറിച് വലിയ ചര്‍ച്ച നടന്നു. തുടര്‍ന്ന് ഇത്തരം സംവിധാനങ്ങള്‍ ഉണ്ടാക്കി. വലിയൊരു തുക ഇവയുടെ പ്രവര്‍ത്തനത്തിനായി വിനിയോഗിച്ചുകൊണ്ടിരിക്കുന്നു. കാലാവസ്ഥാ നിരീക്ഷണ കേന്ദ്രം ബുധന്‍ ഉച്ചയ്ക്കു തന്നെ ന്യൂനമര്‍ദത്തെക്കുറിച്ചും മഴയും കാറ്റും ശക്തമാകാനുള്ള സാധ്യത വ്യക്തമായിരുന്നു. എന്നിട്ടുമെന്തുകൊണ്ട് യാതൊരു മുന്നറിയിപ്പും ലഭിക്കാതെ 30-ന് രാവിലെ മത്സ്യത്തൊഴിലാളികള്‍ കടലില്‍ പോകുന്ന സ്ഥിതി വരുന്നു? മത്സ്യത്തൊഴിലാളിയുടെ ജീവന് ഭരണകൂടം യാതൊരു വിലയും കല്പിക്കുന്നില്ലേ?

മുഖ്യമന്ത്രി പറയുന്നത് 30-ാം തിയതി ഉച്ചക്കു മാത്രമേ 'സൈക്ലോണ്‍' വാണിംഗ് ലഭിച്ചുള്ളവെന്നാണ്. ഉടനടി നേവിയെയും എയര്‍ഫോഴ്സിനെയുമെല്ലാം വിളിച്ചെങ്കിലും കാലാവസ്ഥ തീര്‍ത്തും മോശമായതിനാല്‍ രക്ഷാപ്രവര്‍ത്തനത്തിന് പറ്റിയില്ല എന്നുമറ്റുമാണ്. ഒരു ന്യൂനമര്‍ദ്ദം രൂപപ്പെട്ടാല്‍ അതിന്റെ നീക്കവും ശാക്തിപ്രാപിക്കലും നിരീക്ഷിക്കാനിന്ന് ആധുനിക സംവിധാനമുണ്ട്. അത് 'ഡീപ് ഡിപ്രഷന്‍'(തീവ്ര ന്യൂനമര്‍ദ്ദം) ആകുമ്പോള്‍ തന്നെ അത്തരമൊരു മുന്നറിയിപ്പ് കേരളദുരന്ത നിവാരണ സേനക്ക് നല്കിയെന്നും അവരത് അവഗണിച്ചുവെന്നുമാണ് വിമര്‍ശമുയരുന്നത്. മാധ്യമങ്ങള്‍ പോലും 30-ന് ഉച്ചക്കുശേഷമാണ് കാര്യങ്ങള്‍ റിപ്പോര്‍ട്ട് ചെയ്യാന്‍ തുടങ്ങിയത്. എന്തുകൊണ്ട് ന്യൂനമര്‍ദ്ദം ശക്തിപ്പെടുന്നു, ചുഴലിക്കൊടുങ്കാറ്റാകാന്‍ സാധ്യതയുണ്ട്, കടലില്‍ പോകരുത് എന്ന മുന്നറിയിപ്പ് മത്സ്യത്തൊഴിലാളികള്‍ക്കു നല്കിയില്ല' തീരദേശ പോലീസ് സേനയും തീരത്ത് രൂപീകരിച്ചുവെന്നു പറയുന്ന തീരദേശ ജാഗ്രാതാ സമിതിയും യാതൊരു മുന്നറിയിപ്പും നല്കാത്ത സാഹചര്യത്തിലാണ് മത്സ്യത്തൊഴിലാളികള്‍ കടലില്‍പ്പോയത്. 30-നു ഉച്ചക്കുശേഷം ചുഴലിക്കൊടുങ്കാറ്റായി എന്ന വിവരം കിട്ടിയിട്ടും രക്ഷാപ്രവര്‍ത്തനങ്ങള്‍ക്ക് ഏകോപനം വരാന്‍ പിന്നെയും ഒരു ദിവസമെടുത്തുതെന്തുകൊണ്ട്? ഒന്നാം തിയതി മാത്രമാണ് പ്രശ്നത്തിന്റെ ഗുരുതരാവസ്ഥക്ക് ചേര്‍ന്ന ഒരു സമീപനം അധികൃതരുടെ ഭാഗത്തു നിന്നുണ്ടായത്.

അടിയന്തര വിഷയം ഈ വീഴ്ചകള്‍ക്കുത്തരവാദികള്‍ ഉത്തരം പറയണമെന്നതും ദുരന്തനിവാരണ സംവിധാനം, ശമ്പളം പറ്റാനല്ലാതെ, വേണ്ടപ്പോള്‍ പ്രവര്‍ത്തിക്കാനുള്ളതാകണമെന്നുമാണ്. പക്ഷേ അതിനുപ്പുറമാണ് കാര്യമായ പ്രശ്നങ്ങള്‍കിടക്കുന്നത്. ഗുരുതരമായ കാലാവസ്ഥാമാറ്റത്തിന്റെ സൂചനയാണ് മുമ്പൊരിക്കലുമില്ലാത്തവിധം ഈ സമയത്ത് അറബിക്കടലിലേക്ക് ചുഴലിക്കൊടുങ്കാറ്റടിച്ചു കയറല്‍ അതിന്റെ ഫലമായി 6 മീറ്റര്‍ വരെയുള്ള തിരകള്‍ കരയിലേക്കടിച്ചു കയറ്റി. ഇതൊന്നും കാണാതെ കടലിലേക്കിറക്കി വൈപ്പിനില്‍ LPG ടാങ്ക് ഉണ്ടാക്കല്‍ വികസനമാണോ? ഒരു തരത്തിലും ലാഭകരമാകില്ലെന്നും വലിയ പാരിസ്ഥിതികമാറ്റങ്ങള്‍ക്കുമിടയാകുമെന്നും ഉറപ്പുള്ള വിഴിഞ്ഞം തുറമുഖം സുരക്ഷിതമാകുമോ? തീരദേശ സംരക്ഷണത്തിന് കണ്ടല്‍ ബെല്‍റ്റടക്കം അടിയന്തിര പദ്ധതികള്‍ വേണ്ടേ? പശ്ചിമഘട്ടവനനശീകരണവും കൈയ്യേറ്റവും വനഭൂമിയിലെ യൂക്കാലി-തേക്ക് കൃഷിയും ഇനിയെങ്കിലും നിര്‍ത്തി വനംസംരക്ഷിക്കണ്ടതില്ലേ? ഇക്കാര്യങ്ങളിലെല്ലാം കാലത്തിന്റെ ആഹ്വാനങ്ങല്‍ക്കെതിരെ പുറം തിരിഞ്ഞുനില്ക്കുകയാണ് പിണറായി സര്‍ക്കാര്‍. ഭാവി ദുരന്തങ്ങളെ തടയാന്‍ ഒന്നും ചെയ്യാത്ത സര്‍ക്കാര്‍ വര്‍ത്തമാന ദുരന്തത്തിനു മുന്നില്‍ മിഴിച്ചുനില്ക്കുകയും ചെയ്യുന്നു. ഈ മൊത്തം സമീപനവും വരുംദിവസങ്ങളില്‍ വിവേകബുദ്ധിയോടെ ചര്‍ച്ച ച്യെപ്പെടണം.

Studies and Blogs

കേരളത്തില്‍ യുഡിഎഫിനെ പിന്തള്ളി ആദ്യം പ്രതിപക്ഷവും അടുത്ത നിയമസഭാ തെ...
ക്ഷേത്രങ്ങളിലെ പ്രശ്‌നം വെപ്പുകള്‍ ഏതെല്ലാം താല്പര്യങ്ങള്‍ സംരക്ഷിക്...
മലയാറ്റൂരിന്റെ പട്ടാളക്കഥകള്‍ പ്രസിദ്ധം. പക്ഷേ കേരളത്തിലിപ്പോള്‍ പോല...
കീഴൂട്ട് രാമന്‍ പിള്ളയുടെ ചെറുമകനാണ് ഗണേശ്കുമാര്‍ കേരളത്തില്‍ അഴിമതി...
ഇന്നും നമ്മുടെ 'ഇടതുപക്ഷ ജനാധിപത്യ' കേരളമടക്കം, ലോകം എത്രമാത്രം യൂറോ...
കഴിഞ്ഞ മെയ് ആരംഭം മുതല്‍ കേരളത്തില്‍ സാധാരണഗതിയില്‍ നിന്നു വ്യത്യസ്ത...
കണ്ണൂരിലെ രാഷ്ട്രീയക്കൊലപാതകങ്ങളുടെ ചരിത്രവും വര്‍ത്തമാനവും കൈാര്യം...
ഇന്ത്യന്‍ പൊതുമേഖലാ ബാങ്കുകളുടെ കിട്ടാക്കടം 7,77,280 കോടിയും സ്വകാര്...
സിംഗപ്പൂരില്‍ നടന്ന ചര്‍ച്ചകളില്‍ അമേരിക്കന്‍ പ്രസിഡന്റ് ട്രംപും ഉത്...
ലോകത്തെ ഏറ്റവും വികസിത മുതലാളിത്ത രാജ്യങ്ങളുടെ വേദിയായ ജി-7 യോഗം ഇത്...
കേരളത്തിലെ സംഘപരിവാര്‍ പത്രമായ ജന്മഭൂമിയുടെ ഫ്രണ്ട് പേലിലെ കഴിഞ്ഞ ദി...
പ്രധാനമന്ത്രി നരേന്ദ്രമോഡിയെ റോഡ് ഷോയ്ക്കിടെ രാജീവ് ഗാന്ധിയെ വധിച്ചത...
കഴിഞ്ഞ 40 ലേറെ വര്‍ഷങ്ങളായി കോണ്‍ഗ്രസ് രാഷ്ട്രീയത്തില്‍ പ്രബലനായി തി...
കഴിഞ്ഞ ധനകാര്യവര്‍ഷത്തില്‍ കേരളത്തിന്റെ സമ്പദ്സ്ഥിതി വഷളായതായി ചൂണ്ട...
ഇന്ത്യന്‍ ബാങ്ക്സ് അസോസിയേഷന്‍ ധനകാര്യ സ്റ്റാന്‍ഡിംഗ് കമ്മിറ്റിക്കു...
ഈവര്‍ഷവും ലോകപരിസ്ഥിതി ദിനത്തിന്റെ ഭാഗമായി വലിയ പരിപാടികളാണ് കേരളത്ത...
കഴിഞ്ഞവര്‍ഷം മഹാരാഷ്ട്രയിലും മധ്യപ്രദേശും രാജസ്ഥാനും ഉള്‍പ്പെടെ ഉത്ത...
കേരളം കഴിഞ്ഞ ചില ദശകങ്ങളായി നടത്തിക്കൊണ്ടിരുന്ന സാമൂഹ്യമായ പിന്‍ നടപ...
See all Stories

Sponsored Advertisments

Facebook
Like Facebook Page and Follow