ഇന്ത്യയിലെ ഏറ്റവും വലിയ റിയല്‍ എസ്റ്റേറ്റ് ഗ്രൂപ്പായ DLF ചെലവന്നൂര്‍ കായല്‍ കൈയ്യേറി നിര്‍മ്മിച്ച ബഹുനിലക്കെട്ടിടത്തിന് ഒരു കോടി പിഴയിട്ടുകൊണ്ട് അനുമതി നല്കാന്‍ സുപ്രീംകോടതി പുറപ്പെടുവിച്ച വിധി തികച്ചും പ്രതിഷേധാര്‍ഹമാണ്. ഈ ഒരു കോടി എന്നത് കമ്പനിക്ക് ബീഡി വലിക്കുന്നതുപോലയെ ഉള്ളൂ!

കായലും കടലും അവയുടെ തീരങ്ങളും സംരക്ഷിക്കുന്നതുമായി ബന്ധപ്പെട്ട് കേന്ദ്രസര്‍ക്കാര്‍ കൊണ്ടുവന്ന തീരദേശ പരിപാലന നിയമം വളരെ കര്‍ശനമായി നടപ്പാക്കപ്പെടുന്നു എന്നാണ് വപ്പ്. ആ നിയമ പ്രകാരം മത്സ്യത്തൊഴിലാളികള്‍ക്ക് അവരുടെ അധിവാസമേഖലയില്‍ വാസയോഗ്യമായ ഒരു ചെറിയ വീടുവക്കുന്നതുപോലും നിയമവിരുദ്ധമാണ്. പക്ഷെ കേന്ദ്ര-സംസ്ഥാന സര്‍ക്കാരുകള്‍ക്കോ വന്‍കിട കുത്തകകള്‍ക്കോ എത്ര കടുത്ത നിയമലംഘനവും നടത്താം. അതാണ് ഇന്നു നിലനില്ക്കുന്ന സ്ഥിതി. അങ്ങനെയാണ് വൈപ്പിനിലെയും പയ്യന്നൂരിലെയും ഐ.ഒ.സി. പ്ലാന്റുകളും, വിഴിഞ്ഞം തുറമുഖവുമെല്ലാം പണിനടന്നുകൊണ്ടിരിക്കുന്നത്; മൂന്നാര്‍ മുഴുവന്‍ മൊട്ടയടിച്ചുകൊണ്ടിരിക്കുന്നത്. അത്തരം നിയമലംഘനങ്ങള്‍ ഒരു നിശ്ചിത വലിപ്പത്തില്‍ക്കൂടിയ വ്യക്തികളോ കമ്പനികളോ ആയാല്‍ യാതൊരു പ്രശ്നവുമല്ല എന്നൊരു നിലപാടാണ് കേന്ദ്ര-സംസ്ഥാന സര്‍ക്കാരുകള്‍ എടുത്തുകൊണ്ടിരിക്കുന്നത്. മുംബൈയിലെ അംബാനിയുടെ അയ്യായിരത്തിലേറെ കോടിയുടെ കൊട്ടാരം മുതല്‍ തോമസ് ചാണ്ടിയുടെ കായല്‍ കയ്യേറ്റവും മൂന്നാറിലെ റിസോര്‍ട്ടുകളും വനം കൈയ്യേറ്റവും, ബോണക്കാട്ടെ കുരിശു കൃഷിയുമെല്ലാം അതാണ് പറയുന്നത്. അത്തരമൊരു നിലപാടിന് സുപ്രീം കോടതി കൂടി അംഗീകാരം നല്കുന്നതാണ് നാമിപ്പോള്‍ കണ്ടത്.

നിര്‍മ്മാണത്തിനു മുമ്പ് അനുമതി വാങ്ങിയില്ല എന്നൊരു നിയമലംഘനം മാത്രമേ ഡി.എല്‍.എഫ് നടത്തിയുള്ളൂ എന്ന് സുപ്രീംകോടതി നിരീക്ഷണം നടത്തിയതായും വാര്‍ത്തകള്‍ വരുന്നു. അങ്ങനെയെങ്കില്‍ തീര്‍ത്തും നിരാശാജനകമായ കാര്യമാണത്. യമുനാതടത്തില്‍ ശ്രീശ്രീക്ക് മഹാസമ്മേളനം നടത്താനനുമതി നല്കിയ ഹരിത ട്രിബ്യൂണല്‍ നടപടിക്കൊപ്പം തികച്ചും തെറ്റായ സന്ദേശമാണിത് നല്കുന്നത്.

പക്ഷേ പ്രകൃതിയോടുള്ള ഈ യുദ്ധത്തില്‍ എത്രനാള്‍ ഈ വന്‍ പ്രമാണിമാര്‍ വിജയിക്കും? സകലവിധ നിയമലംഘനങ്ങളും നടപ്പാക്കി വികസിച്ചുപോയ ഡല്‍ഹിയുടെ മാത്രമല്ല, ലക്നോ മുതല്‍ ചണ്ഡിഗഡ് വരെയുള്ള ഒരു വലിയ നഗര ബല്‍റ്റിലാകെ ദീപാവലി കഴിഞ്ഞ് മാസം രണ്ടര കഴിഞ്ഞിട്ടും മലീനീകരണത്തോത് ഭീകരമാണ്. 380 -450 പി.പി.എം എന്ന തോതില്‍ വായുഗുണനിലവാരം അങ്ങേയറ്റം അപകടരമായി തുടരുന്നു. ലക്ഷക്കണക്കായ കുട്ടികളാണ് രോഗങ്ങളും വളര്‍ച്ചത്തകരാറുകളുമായി ജീവിതം നഷ്ടപ്പെട്ടവരായി വളര്‍ന്നുകൊണ്ടിരിക്കുന്നത്. ഡല്‍ഹിയില്‍ ആസ്ഥാനമായ സുപ്രീം കോടതിയുടെ പരസ്ഥിതി-വികസന നിലപാട് പരമാബദ്ധമായിരുന്നുവെന്നും മറ്റും അനതിവിദൂരഭാവിയില്‍ ചരിത്രവും ജനതയും വിധിയെഴുതുമെന്നത് തീര്‍ച്ചയാണ്.

Studies and Blogs

കേരളത്തില്‍ യുഡിഎഫിനെ പിന്തള്ളി ആദ്യം പ്രതിപക്ഷവും അടുത്ത നിയമസഭാ തെ...
ക്ഷേത്രങ്ങളിലെ പ്രശ്‌നം വെപ്പുകള്‍ ഏതെല്ലാം താല്പര്യങ്ങള്‍ സംരക്ഷിക്...
മലയാറ്റൂരിന്റെ പട്ടാളക്കഥകള്‍ പ്രസിദ്ധം. പക്ഷേ കേരളത്തിലിപ്പോള്‍ പോല...
കീഴൂട്ട് രാമന്‍ പിള്ളയുടെ ചെറുമകനാണ് ഗണേശ്കുമാര്‍ കേരളത്തില്‍ അഴിമതി...
ഇന്നും നമ്മുടെ 'ഇടതുപക്ഷ ജനാധിപത്യ' കേരളമടക്കം, ലോകം എത്രമാത്രം യൂറോ...
കഴിഞ്ഞ മെയ് ആരംഭം മുതല്‍ കേരളത്തില്‍ സാധാരണഗതിയില്‍ നിന്നു വ്യത്യസ്ത...
കണ്ണൂരിലെ രാഷ്ട്രീയക്കൊലപാതകങ്ങളുടെ ചരിത്രവും വര്‍ത്തമാനവും കൈാര്യം...
ഇന്ത്യന്‍ പൊതുമേഖലാ ബാങ്കുകളുടെ കിട്ടാക്കടം 7,77,280 കോടിയും സ്വകാര്...
സിംഗപ്പൂരില്‍ നടന്ന ചര്‍ച്ചകളില്‍ അമേരിക്കന്‍ പ്രസിഡന്റ് ട്രംപും ഉത്...
ലോകത്തെ ഏറ്റവും വികസിത മുതലാളിത്ത രാജ്യങ്ങളുടെ വേദിയായ ജി-7 യോഗം ഇത്...
കേരളത്തിലെ സംഘപരിവാര്‍ പത്രമായ ജന്മഭൂമിയുടെ ഫ്രണ്ട് പേലിലെ കഴിഞ്ഞ ദി...
പ്രധാനമന്ത്രി നരേന്ദ്രമോഡിയെ റോഡ് ഷോയ്ക്കിടെ രാജീവ് ഗാന്ധിയെ വധിച്ചത...
കഴിഞ്ഞ 40 ലേറെ വര്‍ഷങ്ങളായി കോണ്‍ഗ്രസ് രാഷ്ട്രീയത്തില്‍ പ്രബലനായി തി...
കഴിഞ്ഞ ധനകാര്യവര്‍ഷത്തില്‍ കേരളത്തിന്റെ സമ്പദ്സ്ഥിതി വഷളായതായി ചൂണ്ട...
ഇന്ത്യന്‍ ബാങ്ക്സ് അസോസിയേഷന്‍ ധനകാര്യ സ്റ്റാന്‍ഡിംഗ് കമ്മിറ്റിക്കു...
ഈവര്‍ഷവും ലോകപരിസ്ഥിതി ദിനത്തിന്റെ ഭാഗമായി വലിയ പരിപാടികളാണ് കേരളത്ത...
കഴിഞ്ഞവര്‍ഷം മഹാരാഷ്ട്രയിലും മധ്യപ്രദേശും രാജസ്ഥാനും ഉള്‍പ്പെടെ ഉത്ത...
കേരളം കഴിഞ്ഞ ചില ദശകങ്ങളായി നടത്തിക്കൊണ്ടിരുന്ന സാമൂഹ്യമായ പിന്‍ നടപ...
See all Stories

Sponsored Advertisments

Facebook
Like Facebook Page and Follow