Loading Page: പരമേശ്വര്‍ജിക്ക് ലഭിക്കുന്ന പത്മവിഭൂഷണ്‍

വാര്‍ത്താ വിശകലനം

ഭാരതീയ വിചാരകേന്ദ്രം ഡയറക്റ്ററും ദീര്‍ഘകാലമായി കേരളത്തില്‍ ആറെസ്സെസ് സൈദ്ധാന്തികനുമായി പ്രവര്‍ത്തിക്കുന്ന പി പരമേശ്വരന് ഇത്തവണ പത്മവിഭൂഷണ്‍ ബഹുമതി ലഭിച്ചിരിക്കുകയാണ്; അഥവാ മോഡിജി കനിഞ്ഞു നല്കിയിരിക്കുകയാണ്.

ഈ വാര്‍ത്ത കേള്‍ക്കുന്ന മലയാളികള്‍ക്കു ഉടനടി ഓര്‍മ്മ വരിക പൊന്‍കുന്നം വര്‍ക്കിയുടെ 'അന്തോനീ നീയും അച്ചനായോടാ' എന്ന ചോദ്യമാണ്. 'പരമേശ്വര്‍ജി നീയും പത്മവിഭൂഷണനായോടാ' എന്നാണ് ഓരോ മലയാളിയും ഇന്ന് ചോദിച്ചുകൊണ്ടിരിക്കുന്നത്.

രാജ്യത്തിന്റെ ഉയര്‍ച്ചക്കുവേണ്ടി വിവിധ മണ്ഡലങ്ങളില്‍ വലിയ സംഭാവനകളര്‍പ്പിക്കുന്നവര്‍ക്കാണ് പത്മപുരസ്‌കാരങ്ങള്‍ നല്കിപ്പോന്നത്. പിന്നീടത് രാഷ്ട്രീയ ലക്ഷ്യങ്ങള്‍ വച്ച് പലര്‍ക്കും നല്കപ്പെടുന്ന ഒന്നായി. പിന്നീടത് വമ്പന്‍ പണച്ചാക്കുകള്‍ക്കും നല്കിത്തുടങ്ങി. അതിനിന്ന് വലിയ വിലയൊന്നുമില്ല. സിനിമാതാരങ്ങള്‍, ക്രിക്കറ്റ് താരങ്ങള്‍, തങ്ങളോടൊപ്പം വരുന്ന മറ്റു കളിക്കാര്‍ എന്നിവര്‍ക്കും ഓരോ സര്‍ക്കാരുകളും പത്മപുരസ്‌കാരങ്ങള്‍ നല്കിയിട്ടുണ്ട്.

പക്ഷേ ഓരോ പാര്‍ട്ടിയും തങ്ങളുടെ പാര്‍ട്ടിനേതാക്കന്മാര്‍ക്ക് പത്മപുരസ്‌കാരം നല്കുന്ന രീതി ഇതുവരെയുണ്ടായിരുന്നില്ല. അവര്‍ക്കു പോലും, അവര്‍ ഭരണ നേതൃത്തിലിരുന്ന് സംഭാവനകള്‍ നല്കിയതിന് എന്ന പേരില്‍ പുരസ്‌കാരം നല്കിയാല്‍, അതില്‍ പേരിനൊരു മുക്തിയുണ്ടായിരിക്കും. പക്ഷേ, പരമേശ്വരന് കൊടുക്കുന്നതില്‍ എന്ത് യുക്തി? ഇന്ത്യന്‍ ഭരണഘടനയെ കുഴിച്ചുമൂടി ആര്‍ഷഭാരതം (ചാതുര്‍വര്‍ണ്ണ്യ വ്യവസ്ഥ) കൊണ്ടുവരാന്‍ ജീവിതം മുഴുവന്‍ വിചാരം നടത്തിയയാള്‍ക്ക് പത്മവിഭൂഷന്‍ ഇതൊരു പരീക്ഷണമാണെന്നു തോന്നുന്നു. വലിയ എതിര്‍പ്പൊന്നുമില്ലെങ്കില്‍, താന്‍ അധികാരത്തില്‍ നിന്നു പോകുന്നതിനു മുമ്പ് അടുത്ത റിപ്പബ്ലിക്ക് ദിനത്തില്‍ വി ഡി സവര്‍ക്കര്‍ക്ക് ഭാരത രത്നം തന്നെ നല്കിയാലോ എന്ന ശക്തമായ ആലോചന ഇതിനു പിന്നിലുണ്ടായിരിക്കാം. വീണ്ടും അധികാരത്തില്‍ വന്നാല്‍ സര്‍ സംഘചാലകന്മാര്‍ക്കെല്ലാം ഓരോന്നായി ഭാരതരത്നം കൊടുക്കാം!

സ്വാതന്ത്ര്യദിനത്തിനു പിന്നാലെ മോഹന്‍ ഭഗവത് വീണ്ടും കേരളത്തില്‍ വന്ന് ഭരണഘടനയെ വെല്ലുവിളിച്ച് ദേശീയ പതാകയുയര്‍ത്തി ആ പതാകയെ അവഹേളിക്കുന്നു. ജീവിതം മുഴുവന്‍ ഭാരതീയത എന്ന പേരില്‍ ഇന്ത്യന്‍ ഭരണഘടന വിഭാവനം ചെയ്യുന്ന മതേതരത്വം കപടമാണ്, കുഴിച്ചു മുടേണ്ടതാണ് എന്ന പ്രചരിപ്പച്ചയാള്‍ക്ക് പത്മവിഭൂഷണ്‍ നല്കുന്നു. രാജ്യത്തിന്റെ റിപ്പബ്ലിക്ക് ദിനത്തില്‍ ഇന്ന് റിപ്പബ്ലിക്കിനാധാരമായി നല്കുന്ന അടിസ്ഥാനാശയങ്ങളൊന്നും ഞങ്ങള്‍ അംഗീകരിക്കുന്നില്ല, ഞങ്ങളുടെ റിപ്പബ്ലിക്ക വേറെയാണ് എന്നൊരു പ്രഖ്യാപനമാണ് മോഡി സര്‍ക്കാര്‍ ഈ പത്മവിഭൂഷണിലൂടെ നടത്തിയിരിക്കുന്നത്.

എന്താണ് പരമേശ്വരന്‍ നേടിയത്? കേരളത്തിലെ ജാതിമേധാവിത്വ ചിന്താഗതിക്കാരായ നായന്മാരിലൊരു വിഭാഗത്തെ സംഘപരിവാറിലേക്കടുപ്പിച്ചു. പക്ഷേ 'ഭാരതീയ' ചിന്ത പുലരുന്ന ഹിന്ദുരാഷ്ട്രത്തില്‍ ആ നായന്മാര്‍ക്ക് ഈയം ഉരുക്കിയൊഴിക്കാനായി ചെവികാട്ടിക്കൊടുക്കേണ്ടിവരും എന്ന വസ്തുതയുണ്ട്. കടുത്ത ദളിത് -പിന്നോക്ക-മുസ്ലീം-ക്രിസ്ത്യന്‍ വിരോധം കൊണ്ടു കണ്ണു കാണാതായ ശൂദ്ര ജാതിക്കോമരങ്ങള്‍ കേരളത്തില്‍ വച്ചു പുലര്‍ത്തിയ വെറുപ്പിന്റെ ചിന്തക്കു കിട്ടിയ അംഗീകാരം. ഒപ്പം തന്നെ, 'വേദമൊന്നും കേള്‍ക്കാതിരിക്കാന്‍ സ്വയം സന്നദ്ധമായി ചെവി നീട്ടിത്തന്നോളൂ, ഞങ്ങള്‍ സൗജന്യമായി ഈയമുരുക്കിയൊഴിക്കാം' എന്ന ക്ഷണം. ഇതുമാത്രമാണ് ഈ പത്മവിഭൂഷണത്തിന്റെ സന്ദേശം. മോഡിയും സംഘപരിവാറും ഇന്ത്യന്‍ റിപ്പബ്ലിക്കിന് എത്ര വലിയ അപകട ഭീഷണിയാണുയര്‍ത്തുന്നത് എന്ന് ഇനിയും ബോധ്യമാകാത്തവരുണ്ടെങ്കില്‍ അവരുടെ കണ്ണുതുറപ്പിക്കാനും ഈ പത്മവിഭൂഷണം ഉപകരിക്കും.
മിനിഞ്ഞാന്ന് വടക്കന്‍ ജില്ലകളിലാരംഭിച്ച കനത്ത പേമാരി ഇന്നലെ രാവിലെ മ...
കേരളാ പോലീസിന്റെ ബിഷപ്പ് ഫ്രാങ്കോയെ ചോദ്യം ചെയ്യല്‍ നാടകം സോഷ്യല്‍ ഔ...
കണ്ണാടകത്തില്‍ ഞങ്ങള്‍ അധികം പേരൊന്നും അതേക്കുറിച്ച് വളരെയൊന്നും സംസ...
വലിയ പ്രസംഗവീരന്‍ എന്ന പരിവേഷത്തോടെ അധികാരത്തിലേറിയയാളാണ് നരേന്ദ്ര മ...
പൊതു തെരഞ്ഞെടുപ്പിന് വെറും എട്ടു മാസം അവശേഷിക്കുമ്പോള്‍ സമ്പദ്ഘടനയെ...
ഇപ്പോള്‍ കേരളത്തിലെ എല്ലാ വാര്‍ത്താ ചാനലുകളും കേരള ജനതയെ 24 മണിക്കൂറ...
രാജാവും പ്രജകളും പരസ്പരം സ്‌നേഹിച്ചു ജീവിച്ച തിരുവനന്തപുരം!! ശ്രീപദ്...
തമിഴക രാഷ്ടീയത്തിലെ ബാക്കിയായ ഏക അതികായനായ കരുണാനിധി വിടവാങ്ങുമ്പോള്...
മധ്യ തിരുവിതാംകൂറിലെ നായര്‍ മേധാവിത്വ മേഖലകളില്‍ ഒരു പരീക്ഷണം നടക്കു...
ബിഷപ്പ് ഫ്രാങ്കോ മുളക്കല്‍ ബലാത്സംഗം ചെയ്തുവെന്ന് കന്യാസ്ത്രീ പരാതിപ...
സുല്‍ത്താന്‍ബത്തേരി വഴി വന്യജീവി സങ്കേതത്തിലൂടെയുള്ള രാത്രിയാത്രാ നി...
കൊട്ടിയൂര്‍ പീഡനക്കേസില്‍ പെണ്‍കുട്ടി താന്‍ ഫാദര്‍ റോബിനുമായി സമ്മതത...
ഇത്രമാത്രം ഗുരുതരമായ തെറ്റുകള്‍ വരുത്തിയും, 40 ലക്ഷം പേരെ ഒഴിവാക്കിയ...
ആസ്സാമില്‍ അനധികൃത കുടിയേറ്റക്കാരെയെല്ലാം പുറത്താക്കും എന്ന തെരഞ്ഞെട...
കഴിഞ്ഞ നാല് വര്‍ഷക്കാലം മോഡി സര്‍ക്കാരില്‍ ഏറ്റവുമധികം അച്ചടക്കത്തോട...
കുമ്മനത്തെ മിസോറാമിലേക്ക് കെട്ടുകെട്ടിച്ച് രണ്ട് മാസത്തിനു ശേഷം ബി.ജ...
ചേര്‍പ്പ് CNN സ്‌കൂളില്‍ പാദപൂജ നടത്തിയത് ഇടതുപക്ഷ സര്‍ക്കാരിന്റെ അന...
ജനാധിപത്യ സാംസ്‌കാരിക കൂട്ടായ്മ ജൂലൈ28ന് തലശ്ശേരിയില്‍ സംഘടിപ്പിച്ച...
See all Stories

Sponsored Advertisments

Facebook
Like Facebook Page and Follow