Loading Page: കണ്ണൂരിലെ കൊലപാതക രാഷ്ട്രീയവും സി.പി.എമ്മും

കണ്ണൂരിലെ മട്ടന്നൂര്‍ പ്രദേശത്ത് ഷുഹൈബ് എന്ന ചെറുപ്പക്കാരനായ കോണ്‍ഗ്രസ്സ പവര്‍ത്തകന്‍ കൊല്ലപ്പെട്ടിട്ട് ദിവസങ്ങള്‍ കഴിഞ്ഞു. ഇന്ന് സി.പി.ഐ (എം) ന്റെ രണ്ടു പ്രവര്‍ത്തകര്‍ പോലീസിനു മുന്നില്‍ കീഴടങ്ങിയിരിക്കുന്നു. അവര്‍ രണ്ടും ഒരു R S S പ്രവര്‍ത്തകന്റെ കൊലപാതകത്തിലെ പ്രതികളാണ്. അവര്‍ പോലീസിന്റെ നിരന്തരശല്യം കാരണം പോലീസില്‍ കീഴടങ്ങിയതാണ് എന്നാണ് സി.പി.ഐ.(എം) സംസ്ഥാന സെക്രട്ടറി കോടിയേരി ബാലകൃഷ്ണന്‍ പറയുന്നത്. അതനുസരിച്ച് അവരല്ല യഥാര്‍ത്ഥ പ്രതികള്‍. ഇതിനു തൊട്ടുമുമ്പ് നടന്ന ബി.ജെ.പി പ്രവര്‍ത്തകന്റെ കൊലപാതകത്തില്‍ പ്രതികളെ പോലീസ് ഉടനടി പിടികൂടിയിരുന്നു. ഈ കൊലപാതകത്തില്‍ അതു നടക്കാത്തത് ഭരണകക്ഷിയായ സി.പി.ഐ.(എം) കാരാണ് പ്രതികള്‍ എന്നതുകൊണ്ടാണ് എന്നാണ് കോണ്‍ഗ്രസ്സിന്റെയും മറ്റുപല പ്രതിപക്ഷ കക്ഷികളുടെയും ആരോപണം.

തങ്ങള്‍ക്ക് കൊലയില്‍ ഒരു പങ്കുമില്ല എന്നാണ് സി.പി.ഐ (എം) നേതാക്കള്‍ പറയുന്നത്. കണ്ണൂരില്‍ ന്യായമായ കാരണങ്ങളാല്‍ തന്നെ അതാരും മുഖവിലക്കെടുക്കില്ല. പ്രമാദമായ ടി.പി. ചന്ദ്രശഖരന്‍ വധം നടന്നപ്പോള്‍ വരെ, ഇതാണ് പറഞ്ഞത്. ഒടുവില്‍ കൃത്യം നടന്നത് സി.പി.ഐ. (എം) പ്ലാനിട്ട് കൊട്ടേഷന്‍ സംഘത്തെ ഏല്പിച്ചിട്ടാണെന്നു തെളിഞ്ഞു. കഴിഞ്ഞ നിരവധി വര്‍ഷങ്ങളായി ഓരോ കൊലപാതകങ്ങളിലും സി.പി.ഐ (എം), ബി.ജെ.പി. കക്ഷികള്‍ യഥാര്‍ത്ഥ കൊലപാതക സംഘങ്ങളെ രക്ഷിക്കാന്‍ ഡമ്മിപ്രതികളെ കൊടുക്കുകയാണ് എന്നതും ഇന്നെല്ലാ കേരളീയര്‍ക്കുമറിയാം. അതുകൊണ്ട്, കൊലചെയ്യപ്പെട്ട പാര്‍ട്ടിക്കാര്‍ തങ്ങളുടെ പ്രവര്‍ത്തകനാണ് കൊല്ലപ്പെട്ടത് എന്നു പറയുന്നതൊഴിച്ചാല്‍, എതിര്‍പക്ഷക്കാരുടെ അവകാശവാദകള്‍ ആര്‍ക്കും മുഖവിലയ്ക്ക് എടുക്കാനാവില്ല.

രണ്ടു സി.പി.ഐ (എം) പ്രവര്‍ത്തകര്‍ കീഴടങ്ങിയെങ്കിലും അവര്‍ യഥാര്‍ത്ഥ പ്രതികളാണ് എന്നു പറയാനാകില്ല. സി.പി.ഐ എമ്മുമായി ചില ചെറിയ സംഘര്‍ഷങ്ങള്‍ കൊല്ലപ്പെട്ടയാള്‍ക്കുണ്ടായിരുന്നു. പക്ഷേ ഇത്ര മൃഗീയമായ വിധം കൊല്ലപ്പെടാന്‍ തക്ക കാരണങ്ങളൊന്നു മുണ്ടായിരുന്നില്ല. ഇക്കാര്യം പാര്‍ട്ടിയിലെ ചില മാഫിയാ-സ്ഥാപിത താല്പര്യക്കാര്‍ മറ്റുചിലരെ കുടുക്കാനും, ചില വിഷയങ്ങളില്‍ നിന്ന് ജനശ്രദ്ധതിരിക്കാനും ചെയ്തതാണ് എന്ന സംശയങ്ങളും പലരും പ്രകടിപ്പിക്കുന്നുണ്ട്. കണ്ണൂരില്‍ അങ്ങനെയും കാര്യങ്ങള്‍ നടന്നേക്കാം എന്നതിനുംസാധ്യതയുണ്ട്. വെറുതെ രാഷ്ട്രീയത്തിന്റെ പേരില്‍ മനുഷ്യരെ വെട്ടിക്കൊല്ലുന്നതിനെ രാഷ്ട്രീയപ്രവര്‍ത്തനമെന്നു പറയാനാവില്ല. യഥാര്‍ത്ഥ രാഷ്ട്രീയ പവര്‍ത്തനം സാധ്യമല്ലാത്തവിധം ഭീതി സൃഷ്ടിക്കാനും മേധാവിത്വം നിലനിര്‍ത്താനും ചെയ്യുന്നതാണ് ഇത്തരം കൊലപാതകങ്ങള്‍. ഈ ഭയത്തെയും ഭീതിയെയും മുതലെടുത്ത വന്‍തോതില്‍ മാഫിയാ പ്രവര്‍ത്തനങ്ങളും നടക്കുന്നു. ഏറ്റവുമധികം കുന്നിടിക്കലും നിലം നികത്തലും നടന്ന ജില്ലയും കണ്ണൂരാണെന്നും പറയപ്പെടുന്നു. മഹാനായ മാര്‍ക്സിന്റെ പേരിലുള്ള പാര്‍ട്ടിയാണ് ഇതില്‍ പ്രതിക്കൂട്ടിലുള്ള മുഖ്യകക്ഷിയെന്നത് ഇതിലെ ഏറ്റവും അപമാനകരമായ കാര്യമാണ്. തങ്ങളുടെ പ്രവര്‍ത്തകര്‍ കൊല്ലപ്പെട്ടതിന്റെ നീണ്ട ലിസ്റ്റ് കാട്ടി അവര്‍ക്കീ അവസ്ഥയെ ന്യായീകരിക്കാന്‍ കഴിയില്ല. ഇപ്പോള്‍ പ്രത്യേകിച്ചും, അധികാരമുള്ള നിലക്ക് കര്‍ശനമായവിധം പോലീസിനെ ഉപയോഗിച്ച് അക്രമികളെ അറസ്സുചെയ്തകത്തിട്ടും സ്വന്തം അണികളെ നിരുപാധികമായി അക്രമത്തില്‍ നിന്നും പിന്തിരിപ്പിച്ചും സമാധാന സ്ഥാപനത്തിന് മുന്‍കൈയ്യെടുക്കാന്‍ സിപിഐ(എം) തയ്യാറാകണം. ഇതര പാര്‍ട്ടിക്കാരുടെ ആക്രമണങ്ങളെ പ്രതിരോധിക്കാന്‍ പോലീസിനെക്കൊണ്ട് പറ്റില്ല എന്നാണെങ്കില്‍, മഖ്യമന്ത്രി രാജിവച്ചുപോകാനുള്ള മാന്യത കാട്ടണം രണ്ടിലൊന്ന് നടന്നേ പറ്റൂ.

Studies and Blogs

യൂറോപ്യന്‍ യൂണിയനും അമേരിക്കയും തമ്മില്‍ നടക്കുന്ന വ്യാപാരയുദ്ധത്തിന...
ഒരു അഭിമന്യു ഇത്തരത്തില്‍ നിഷ്ഠുരമായി കൊലചെയ്യപ്പെട്ടതുകൊണ്ട് പൊളിറ്...
താജ്മഹലിന്റെ സംരക്ഷിക്കല്‍ എന്നത് ഒരു പക്ഷേ ഒരു 'പ്രതീക്ഷയില്ലാത്ത സ...
കേരളത്തിലപ്പോള്‍ രാമായണ വിവാദം കൊഴുക്കുകയാണ്. CPI(M) രാമായണ പ്രഭാഷണങ...
അഭിമന്യുവിന്റെ വധം കൊല്ലാന്‍ നല്ല പരിശീലനം കിട്ടിയ സംഘം അതിന്റെ മുകള...
സിനിമ താരരാജക്കള്‍ക്കായി രാജാക്കളാല്‍ നടത്തപ്പെടുന്ന രാജാക്കളുടെ സംഘ...
യുപിഎ ഭരണകാലത്ത്, 2013 ജൂണ്‍ 23ന്, നരേന്ദ്രമോഡി ട്വിറ്ററില്‍ കുറിച്ച...
കേരളത്തിലെ ക്രൈസ്തവ സഭകളുമായി ബന്ധപ്പെട്ട് ലൈംഗിക പീഡന-കൊലപാതക വിവാദ...
ഡല്‍ഹിയിലെ കെജ്രിവാള്‍ സര്‍ക്കാരിനെ പ്രവര്‍ത്തിക്കാനനുവദിക്കാത്ത രീത...
സ്വാതന്ത്ര്യം കിട്ടിയയത്ര പ്രധാമപ്പെട്ട ഒരു കാര്യമാണ് ജി.എസ.ടി നടപ്പ...
വിദേശകാര്യമന്ത്രി സുഷമ സ്വരാജ് മിശ്രവിവാഹിത ദമ്പതികളെ സഹായിക്കാനെത്ത...
ചില ഹിന്ദു സുഹൃത്തുക്കള്‍ പറഞ്ഞതാണ്. അവരുടെ കുടുംബങ്ങള്‍ ഉള്‍ക്കൊള്ള...
സ്വതന്ത്ര ഇന്ത്യയുടെ ചരിത്രത്തിലാദ്യമായി ഇന്ത്യന്‍ സാമ്പത്തിക രംഗം ക...
കേരളത്തില്‍ ഇന്ന് വൈദ്യുതിക്ക് പണമടക്കാത്ത എത്ര കുടുംബങ്ങളുണ്ട്? എന്...
മലയാളസിനിമയിലെ A. M. M. A വിവാദവുമായി ബന്ധപ്പെട്ടാണ് ഇത് പറയേണ്ടി വര...
സ്വന്തം സഹപ്രവര്‍ത്തകയെ ലൈംഗികമായി ആക്രമിക്കാന്‍ കൊട്ടേഷന്‍ കൊടുത്തത...
അമേരിക്കന്‍ രാഷ്ട്രീയം കാര്യമായ വ്യത്യാസമൊന്നുമില്ലാത്ത റിപ്ലബ്ലിക്ക...
ലോകത്ത് സ്ത്രീകള്‍ക്ക് ഏറ്റവും അപകടകരമായ രാജ്യം ഇന്ത്യയാണെന്ന് തോംസണ...
See all Stories

Sponsored Advertisments

Facebook
Like Facebook Page and Follow