Loading Page: കഴുകന്മാരെന്ന് വിളിച്ചും സമരപന്തല്‍ കത്തിച്ചും നുണകളും കൊണ്ടും സമരത്തെ നേരിടുന്ന രാഷ്ട്രീയം

വാര്‍ത്താ വിശകലനം

കീഴാറ്റൂരില്‍ സമരം ചെയ്യുന്നവര്‍ വയല്‍കിളികളല്ല; കഴുകന്മാരാണെന്ന് പ്രഖ്യാപിച്ചുകൊണ്ട്് മന്ത്രി ജി.സുധാകരന്‍ നടത്തിയ ആക്ഷേപം പെട്ടെന്ന് താരത്മ്യം ചെയ്യാവുന്നത് ഒരു ഫ്യൂഡല്‍ പ്രഭുവിന്റെ ധാര്‍ഷ്ട്യത്തോട് കിടപ്പിടിക്കാവുന്ന ഒന്നായിട്ടാണ്. (ഇത്തരത്തിലുള്ള പ്രതികരണങ്ങള്‍ അദ്ദേഹത്തിന് പുതിയതല്ലെന്നതും ഓര്‍മ്മിക്കാം). സമരം നടത്തുന്നവരെ കഴുകന്മാരായി ചിത്രീകരിക്കുക; വാക്കുകള്‍ കൊണ്ട് ആക്രമിച്ച് നിര്‍വീര്യമാക്കുക എന്ന നേതൃ നിലപ്പാട് സമരപന്തല്‍ കത്തിച്ചും നുണകള്‍കൊണ്ടും സമരത്തെ നേരിട്ട കണ്ണുര്‍ സി.പി.എം പ്രവര്‍ത്തകരില്‍ നിന്നും എന്തെങ്കിലും അകലം പുലര്‍ത്തുന്നുണ്ടോ?

കീഴാറ്റൂരിലെ നെല്‍വയലുകള്‍ നാഷണല്‍ ഹൈവേക്കു വേണ്ടി ഏറ്റടുത്ത് നികത്തുന്നതിനെതിരെ വയല്‍ക്കിളികള്‍ എന്ന പേരില്‍ CPI (M) ബ്രാഞ്ച് സെക്രട്ടറി അടക്കമുള്ളവര്‍ നടത്തുന്ന സമരം ഒരു വര്‍ഷമെത്തിയപ്പോള്‍, പോലീസിനെ ഇറക്കി ബലം പ്രയോഗിച്ച് പാടം അളന്നു തിരിച്ചതും, സി.പി.ഐ(എം) പ്രവര്‍ത്തകര്‍ വയല്‍കിളികളുടെ സമരപ്പന്തല്‍ തകര്‍ത്തതും സോഷ്യല്‍ മീഡിയയിലാകെ വലിയ ചര്‍ച്ചാവിഷയമായതാണ്. സമരം ചെയ്യുന്നവര്‍ ബദലൊരു മാര്‍ഗ്ഗവും മുന്നോട്ടു വക്കാതെ ഹൈവേയുടെ വികസനം മുടക്കുകയാണ്. അവരെ പിന്താങ്ങാന്‍ സകലവിധ തീവ്രവാദ സംഘടനകളും (മാവോയിസ്റ്റുകളടക്കം) മുന്നോട്ടു വന്നിരിക്കുന്നു. ഭൂവുടമകളില്‍ രണ്ടോ മൂന്നോ പേരൊഴിച്ച് സകലരും സ്ഥലമേറ്റെടുക്കാന്‍ സമ്മതപത്രം നല്കി. ചില വ്യക്തികളുടെ ഈഗോ മാത്രമേ ഇപ്പോള്‍ സമരം നടത്തുന്നതിനു കാരണമായുള്ളു എന്നൊക്കെയാണ് സി.പി.ഐ (എം) നേതാക്കളും ഹൈവേ വികസനവാദികളും പ്രചരിപ്പിച്ചിരുന്നത്. മറുവശത്ത്, കീഴാറ്റൂര്‍ സമരക്കാര്‍, കീഴാറ്റൂര്‍ വയലിലുള്ളവര്‍ സമ്മത പത്രം നല്കിയിട്ടില്ല, അഥവാ സമ്മത പത്രം നല്കിയാലും കളിപ്പറമ്പിന്റെ പ്രധാന ശുദ്ധജല ശ്രോതസ് നശിപ്പിക്കുന്ന പരിപാടി തീരുമാനിക്കുന്നത് ഭൂവുടമകളുടെ പ്രശ്നമല്ല, ഹൈവേക്ക് ബദല്‍ മാര്‍ഗ്ഗങ്ങളുണ്ട് എന്നും സമരം ചെയ്യുന്നവര്‍ വ്യക്തമാക്കുന്നുണ്ട്.

കണ്ണൂരില്‍ സമരം ചെയ്യുന്നവരെയോ, മറ്റു സംഘടനാ പ്രവര്‍ത്തകരെയോ, ഞങ്ങള്‍ ആക്രമിക്കാറെയില്ല എന്നു അവകാശപ്പെടുന്ന സി.പി.ഐ(എം) ഷുഹൈബ് വധത്തില്‍ ഇത്രയേറെ വിമര്‍ശന വിധേയരായിട്ടും സമരപ്പന്തല്‍ തകര്‍ക്കാന്‍ മടിച്ചില്ല എന്നത് ആരെയും ഞെട്ടിക്കും. കണ്ണൂര്‍ക്കാരെയൊഴികെ മറ്റാരെയും അങ്ങോട്ടു പ്രവേശിപ്പിക്കില്ലെന്ന 'സാര്‍വ്വദേശീയ' നയവുമുണ്ട്! ജില്ലയിലെ സി.പി.ഐ.(എം) എത്രമാത്രം ആഴത്തില്‍ ഫാസിസ്റ്റ് പ്രവര്‍ത്തനശൈലി സ്വീകരിച്ചിരിക്കുന്നുവെന്നതാണ് കീഴാറ്റൂരിലെ സമരപ്പന്തല്‍ കത്തിക്കല്‍ കാണിച്ചു തന്നത്. പിണറായിയുടെ പോലീസ് പന്തല്‍ കത്തിച്ചതിന് 12 സി.പി.ഐ(എം)-കാരെ പ്രതിയാക്കിയിരിക്കുന്നു. അവരെ പാര്‍ട്ടിയില്‍ നിന്നു പുറത്താക്കാതെ കണ്ണൂരില്‍ ഞങ്ങള്‍ ജനാധിപത്യപരമായി പ്രവര്‍ത്തിക്കുന്നുവെന്നു പറഞ്ഞാല്‍ കേരളത്തിന്റെ ബാക്കി ജില്ലകളിലുള്ള സി.പി.ഐ(എം) കാര്‍ പോലും വിശ്വസിക്കില്ല. ഞങ്ങള്‍ക്കു ഭൂരിപക്ഷമുണ്ട്, അതുകൊണ്ട് പോലീസിന്റെയും സര്‍ക്കാരിന്റെയും പണി ഞങ്ങളെടുക്കും, ഞങ്ങളനുവദിച്ചാല്‍ മാത്രം മതി സമരവും സമരപ്പന്തലും എന്ന ജയരാജന്മാരുടെ പ്രഖ്യാപനം കേരളം മുഴുവന്‍ ആദ്യ ചര്‍ച്ച ചെയ്യണം. അതുകഴിഞ്ഞ് കീഴാറ്റൂരില്‍ തീവ്രവാദമെവിടെ വരെ എന്നു നമുക്കു ചര്‍ച്ച ചെയ്യാം.

ഇന്ത്യന്‍ ഓട്ടോമൊബൈല്‍ കുത്തകകളും സര്‍ക്കാരും ബാങ്കുകളും ചേര്‍ന്ന് പരമാവധി സ്വാകാര്യ വാഹനങ്ങള്‍ വിറ്റഴിച്ച് വ്യവസായ വികസനവും ജി.ഡി.പി യും വര്‍ദ്ധിപ്പിക്കാന്‍ തീരുമാനിച്ചതിന്റെ ഫലമാണ് ഇത്രയേറെ സ്വകാര്യവാഹനങ്ങള്‍ പെരുകാന്‍ കാരണം. കേരളത്തിലത് വീടൊന്നിന് രണ്ടിലേറെ സ്വകാര്യവാഹനങ്ങള്‍ എന്ന നിലയിലെത്തി. ഭീമമായ തോതില്‍ ഡീസല്‍ കത്തിക്കുന്ന ആഡംബര സ്വകാര്യക്കാറുകളുടെ എണ്ണപ്പെരുപ്പം വന്‍തോതിലുള്ള വായു മലിനീകരണവും കാര്‍ബണ്‍ ഉത്സര്‍ജ്ജനവുമാണ് നടത്തുന്നത്. ഇന്ധനക്ഷമത തീരെയില്ലാത്ത ആഡംബരക്കാറുകള്‍ കോടികള്‍ കൊടുത്ത് സ്വന്തമാക്കി മാതൃക കാട്ടുന്നവരാണ് കേരളത്തിലെ സെലിബ്രിറ്റികള്‍ ഭൂരിപക്ഷവും. അതോടെ ഉയര്‍ന്നു മധ്യവര്‍ഗ്ഗം 'BMW' വിനും 'ഓഡി'ക്കുമൊക്കെ വേണ്ടി ഓടി നടക്കുന്നു. അത്തരമൊരു സ്ഥിതിയില്‍ ഭാവി തലമുറയെ കുരുതി കൊടുക്കുന്ന ഈ പ്രവണത എതിര്‍ക്കപ്പെടണം. എന്നാല്‍ നിലവിലെ സ്ഥിതി റോഡു വികസനം പാടില്ല എന്ന് ഒറ്റയടിക്ക് പറയുക സാധ്യമല്ല.

പക്ഷേ തല്ക്കാലമെങ്കിലും കീഴാറ്റൂരിലെ പ്രശ്നം ഹൈവേ കീഴാറ്റൂരിലൂടെ വേണോ വേണ്ടയോ എന്നതിലുപരി സി.പി.ഐ(എം) ന്റെ പ്രവര്‍ത്തന രീതിയില്‍ കണ്ണൂരില്‍ അവരവലംബിക്കുന്ന ഫാസിസ്റ്റ് രീതിയുടേതാണ് എന്നു വരുന്നു. വയല്‍ക്കിളികള്‍ കീഴാറ്റൂര്‍ നിവാസകളുടെ ഒരു ശതമാനമാകാം; അവര്‍ ചെയ്യുന്ന സമരം തെറ്റുമാകാം. എന്നാലും അതിനെ അടിച്ചമര്‍ത്താന്‍ സി.പി.ഐ. (എം) ന് അവകാശമുണ്ടോ? അവകാശമുണ്ട് എന്നാണ് പരോക്ഷമായി പി ജയരാജനും ഇ.പി. ജയരാജനുമെല്ലാം വാദിക്കുന്നത്.

സി.പി.ഐ (എം) പ്രവര്‍ത്തകര്‍ക്ക് സമരപ്പന്തല്‍ തീവക്കാന്‍ അവകാശമുണ്ടോ ഇല്ലയോ? ഇല്ല എന്നു രണ്ടുപേരും പറയുന്നില്ല. പകരം പറയുന്നത് ഭൂവുടമകളില്‍ രാണ്ടോ മൂന്നോ പേരെ സമ്മതപത്രം നല്കാതുള്ളു, കീഴാറ്റൂര്‍ ജനത ഞങ്ങള്‍ക്കൊപ്പമാണ് എന്നാണ്. അത് ശരിയാണെങ്കില്‍ത്തന്നെ പന്തല്‍ പൊളിക്കാനുള്ള അവകാശം സി.പി.ഐ.(എം)-ന് കിട്ടുമോ?

ത്രിപുരയില്‍ ജയിച്ചയുടന്‍ ബി.ജെ.പി. ക്കാര്‍ സി.പി.ഐ(എം) ഓഫീസുകള്‍ തകര്‍ത്തു. ലെനിന്‍ പ്രതിമ മറിച്ചിട്ടു. ഞങ്ങള്‍ ജയിച്ചു, ഞങ്ങള്‍ക്ക് ജനപിന്തുണയുണ്ട് എന്ന് RSS വക്താവായിരുന്ന രാം മാധവ് പറയുന്നു. ആ വാദത്തെ നാം ഫാസിസം എന്നു വിളിക്കുന്നു. അങ്ങനെയെങ്കില്‍ അതേവാദമല്ലേ പി.ജയരാജനും ഇ.പി. ജയരാജനും കണ്ണൂരില്‍ പറയുന്നത്?

ഈ കുറിപ്പെഴുതുമ്പോള്‍ തുലാമാസ പൂജക്ക് നട തുറന്നപ്പോള്‍ അയ്യപ്പദര്‍ശന...
മോഹന്‍ലാല്‍ A.M.M.A യുടെ പ്രസിഡന്റായ ശേഷം തങ്ങളെ ചര്‍ച്ചക്ക് വിളിച്ച...
നരേന്ദ്ര മോഡി സര്‍ക്കാര്‍ അധികാരമേറ്റശേഷം ലോകസഭാ തെരഞ്ഞെടുപ്പിനു മുമ...
നരേന്ദ്ര മോഡി സർക്കാരിന് ആറുമാസം കൂടി ഭരിക്കാം. അതിനിടയിൽ എപ്പോൾ വേണ...
'ബാങ്കുകളുടെ കിട്ടാക്കടം 20.70 ലക്ഷം കോടി ' - മലയാളനോരമ പത്രത്തില്‍...
തന്റെ ഭരണകാലത്ത് ഇന്ന് വന്ന ഭരണഘടനാ പ്രശ്‌നങ്ങളെല്ലാം കേള്‍ക്കാന്‍ ത...
സഖാവ് കൊടിയേരി ബാലകൃഷ്ണന്‍ കേളത്തിലെ കമ്യണിസ്റ്റ് എന്നവകാശപ്പെടുന്ന...
കെ.എം മാണി ഉള്‍പ്പെട്ട ബാര്‍ കോഴക്കേസ് പൂട്ടിക്കെട്ടിക്കൊണ്ടുള്ള കോട...
കേരളം കണ്ട മഹാപ്രളയത്തിന് ഒരു മാസമെത്തുന്നു. ആഗസ്റ്റ് 17-ഓടെയാണ് ഏറ്...
രാജ്യത്തിന്റെ സമ്പദ്ഘടനയെ തകര്‍ത്ത പെരുങ്കൊള്ളകള്‍ മോഡിയും ധനമന്ത്രി...
കന്യാസ്ത്രീകള്‍ ഫ്രാങ്കോ ബിഷപ്പിനെതിരെ നടപടിയാവശ്യപ്പെട്ട് തെരുവില്‍...
അനുദിനം പെട്രോളിയം വില വര്‍ദ്ധിപ്പിക്കുന്ന മോഡി സര്‍ക്കാര്‍ നയത്തിന...
കേരളത്തിന്റെ ചരിത്രത്തില്‍ ഈ ദിവസം ( September 8 ) ഒരു ചരിത്ര നിമിഷമ...
ഇന്ത്യന്‍ പീനല്‍ കോഡിലെ 377-ാം വകുപ്പ് റദ്ദാക്കിക്കൊണ്ട് ഇന്നലെ സുപ്...
തൊട്ടു കഴിഞ്ഞ സാമ്പത്തിക പാദത്തില്‍ ഇന്ത്യയുടെ ജി.ഡി.പി 8.2 ശതമാനം വ...
ഇന്ത്യാ ചരിത്രത്തിലെ ഏറ്റവും വെറുക്കപ്പെട്ട കഥാപാത്രമാണ് ജാലിയന്‍വാല...
ഭീമാ-കോറേഗാവ് ദളിത് കൂട്ടായ്മക്കെതിരെ സംഘപരിവാര്‍ പിന്നില്‍ നിന്നു ക...
കേരളം ഇപ്പോള്‍ നേരിട്ട പെരുമഴ ദുരന്തം ഭാവി കേരളം എങ്ങനെയായിരിക്കണം എ...
See all Stories

Sponsored Advertisments

Facebook
Like Facebook Page and Follow