പുതിയ തൊഴില്‍ വേതന ബില്ലിന് കേന്ദ്രസര്‍ക്കാര്‍ വ്യാഴാഴ്ച അനുമതി നല്കി. നിലവിലെ നാലു കേന്ദ്രനിയമങ്ങളെ ഏകീകരിച്ചാണ് പുതിയ ബില്‍ കൊണ്ടുവരുന്നത്. കേന്ദ്രപരിധിയിലുള്ള എല്ലാ തൊഴില്‍ മേഖലകളിലും ഇതിലൂടെ മിനിമം വേതനം ഉറപ്പാക്കപ്പെടും. നാലു കോടിയോളം തൊഴിലാളികള്‍ക്ക് ഇതിലൂടെ നേട്ടമുണ്ടാവുമെന്ന് പ്രതീക്ഷിക്കുന്നു.

1948ലെ മിനിമം വേതന നിയമം, 1936 ലെ കൂലികൊടുക്കല്‍ നിയമം, 1965ലെ ബോണസ് നിയമം, 1976 ലെ തുല്യ വേതന നിയമം എന്നിവ ക്രോഡീകരിച്ചാണ് പുതിയ തൊഴില്‍ വേതനനിയമം വരുന്നത്. ആഗസ്റ്റ് 11 നു സമാപിക്കുന്ന നടപ്പു പാര്‍ലമെന്റ് സമ്മേളനത്തില്‍ പുതിയ ബില്‍ അവതരിപ്പിച്ചേക്കും.

പാര്‍ലമെന്റ് ബില്‍ പാസ്സാക്കുകയാണെങ്കില്‍, കേന്ദ്രപരിധിയിലുള്ള തൊഴിലാളികള്‍ക്ക് ഇതിന്റെ മെച്ചം ലഭിക്കും. അവിദഗ്ദ്ധ തൊഴിലാളികള്‍ക്ക് മിനിമം വേതനം കൊടുക്കുന്നതിന്റെ രീതി ഇപ്പോഴും ജീവിതനിലവാരസൂചിക അനുസരിച്ചായതിനാല്‍ ഇതിന് ഏകീകൃതസ്വഭാവം വന്നിട്ടില്ല. എങ്കിലും 18,000 രൂപയോളം മിനിമം വേതനമായി ലഭ്യമാകുമെന്ന് അനുമാനിക്കപ്പെടുന്നു.

പുതിയ കേന്ദ്രനിയമം സംസ്ഥാനപരിധിയിലുള്ള തൊഴിലാളികള്‍ക്ക് ബാധകമല്ല. കേന്ദ്രസര്‍ക്കാന്‍ നിശ്ചയിക്കുന്ന മിനിമം വേതനത്തെ സംസ്ഥാനസര്‍ക്കാരുകള്‍ക്ക് പിന്‍പറ്റേണ്ടി വരും എന്നതിനാല്‍ സംസ്ഥാനതൊഴിലാളികള്‍ക്ക് ആശ്വാസകരമാണ്.

കരാര്‍ തൊഴിലാളികള്‍ക്ക് ഈ നിയമം ബാധകമാകുമോ എന്ന കാര്യത്തിലും വ്യക്തതയില്ല. അങ്ങനെയെങ്കില്‍ റഗുലര്‍ തൊഴിലാളികളുടെ അതേ കൂലി കരാര്‍ തൊഴിലാളികള്‍ക്കും ലഭിക്കും. കേന്ദ്രപരിധിയില്‍ തന്നെ പത്തൊമ്പത് ലക്ഷത്തിലേറെ കരാര്‍ തൊഴിലാളികളുണ്ട്. സംസ്ഥാനപരിധിയിലുള്ള കരാര്‍ തൊഴിലാളികളുടെ കണക്ക് ലഭ്യമല്ല. 1970 ലെ കരാര്‍ തൊഴിലാളി നിയന്ത്രണ, നിരോധന നിയമം 12 മാസത്തിനുള്ളില്‍ 20ലേറെ തൊഴിലാളികളെ ഒരു ദിവസമെങ്കിലും ജോലിക്ക് വെച്ച സ്ഥാപനത്തിനു മാത്രമേ ബാധിക്കൂ.

ഇന്ത്യയിലെ തൊഴില്‍ശക്തിയില്‍ ഭൂരിപക്ഷവും അസംഘടിതമേഖലയിലായതിനാല്‍, ഭൂരിപക്ഷം തൊഴിലാളികള്‍ക്കും പുതിയ തൊഴില്‍ നിയമം കൊണ്ട് മെച്ചങ്ങളുണ്ടാവില്ല. എങ്കിലും കേന്ദ്രപരിധിയിലെങ്കിലും മിനിമം വേതനം നടപ്പിലാകുന്നത് അവര്‍ക്ക് ഗുണമായി ഭവിക്കും.

കഴിഞ്ഞ സാമ്പത്തിക സര്‍വ്വെ പ്രകാരം 50 തൊഴിലാളികള്‍ വരെ ജോലി ചെയ്യുന്ന സ്ഥാപനങ്ങളാണ് ഇന്ത്യയില്‍ 78 ശതമാനവും. 500 ല്‍ കൂടുതല്‍ ജോലി ചെയ്യുന്ന സ്ഥാപനങ്ങള്‍ 10 ശതമാനമേ വരൂ. ചൈനയില്‍ ഇത് യഥാക്രമം 15 ഉം 28 മാണ്.

തൊഴിലാളികള്‍ കുറവായ സ്ഥാപങ്ങളില്‍ മിനിമം വേതനം നടപ്പാക്കപ്പെടുന്നില്ല. വളര്‍ച്ചാ മുരടിപ്പും നോട്ട് നിരോധനം മൂലമുള്ള പണഞെരുക്കവും ജിഎസ്ടി നടപ്പാക്കലും ചെറുകിട സ്ഥാപനങ്ങളെ ഇതിനകം ദുരിതത്തിലാക്കിയിട്ടുണ്ട്. ഇതു കാരണം ഈ ചെറുകിട മേഖലയില്‍ മിനിമം കൂലി നടപ്പാക്കുന്നതിനോട് തൊഴില്‍ദായകരില്‍ നിന്ന് കടുത്ത എതിര്‍പ്പുയരും.

കേന്ദ്രതലത്തില്‍ മിനിമം വേതനവ്യവസ്ഥ നിലവില്‍ വരുന്നതിനായി കേന്ദ്ര ട്രേഡ് യൂണിയനുകള്‍ ദീര്‍ഘകാലമായി ആവശ്യമുന്നയിച്ച് വരികയായിരുന്നു. ബില്‍ പാര്‍ലമെന്റില്‍ പാസാക്കി നിയമമാക്കുന്നതുവരെ കേന്ദ്രസര്‍ക്കാര്‍ മുന്നോട്ടുപോകുമോ എന്നാണ് ഏവരും ഉറ്റുനോക്കുന്നത്. നിയമം നടപ്പാക്കുന്നതിനായി സംവിധാനങ്ങളും ഉണ്ടാവേണ്ടതുണ്ട്. ദീര്‍ഘമായ ഈ പ്രക്രിയകള്‍ക്ക് തൊഴിലാളികള്‍ കാത്തിരിക്കണം.

Studies and Blogs

കേരളത്തില്‍ പിണറായി വിജയന്‍ സര്‍ക്കാര്‍ രണ്ടുവര്‍ഷം പൂര്‍ത്തിയാക്കിയ...
28 മണിക്കൂറിനുള്ളില്‍ നിയമസഭ വിളിച്ചു ചേര്‍ത്ത് ഭൂരിപക്ഷം തെളിയിക്കണ...
എന്തു വൃത്തികെട്ട കളികളിച്ചും കര്‍ണ്ണാടക റെഡ്ഡി-യെദിയൂരപ്പ പെരുങ്കള്...
കര്‍ണ്ണാടയില്‍ വര്‍ഗ്ഗീയക്കാര്‍ഡ്, പ്രധാനമന്ത്രിയുടെ ചരിത്രസംബന്ധിയാ...
നിരായുധരായ പാലസ്തീന്‍ പ്രക്ഷോഭകര്‍ക്കു നേരെ ഇസ്രയേല്‍ സേന വെടിയുതിര്...
കണക്കില്ലാത്ത പണമൊഴുക്കിയിട്ടും നിരവധി നുണപ്രചരണങ്ങള്‍ നടത്തിയിട്ടും...
ഇറാന്‍ അണുവായുധക്കരാറില്‍ നിന്ന് അമേരിക്ക പിന്മാറുകയും യുറോപ്യന്‍ രാ...
ഉത്തര്‍ പ്രദേശിലെ ബി.ജെ.പി എം എല്‍ എ സുരേന്ദ്രസിംഗ് നരേന്ദ്ര മോഡി സാ...
2008 ല്‍ ലോകവ്യാപകമായി ആരംഭിച്ച സാമ്പത്തിക പ്രതിസന്ധിക്ക് അഞ്ചുവര്‍ഷ...
ചീഫ് ജസ്റ്റിസ് ദീപക് മിശ്ര തനിക്കെതിരെ സി ബി ഐ യുടെ അന്വേഷണത്തിലിരിക...
എടയന്നൂരിലെ കോണ്‍ഗ്രസ്സ് പ്രവര്‍ത്തകന്‍ ഷുഹൈബിന്റെ കൊലപാതകത്തെത്തുടര...
പ്രായ പൂര്‍ത്തിയായ ആണ്‍കുട്ടിക്കും പെണ്‍കുട്ടിക്കും ഒന്നിച്ചു താമസിക...
കര്‍ണ്ണാടക തെരഞ്ഞെടുപ്പില്‍ ബി ജെ പി യുടെ സ്റ്റാര്‍ കാമ്പെയിനര്‍ പ്ര...
2018 മാര്‍ച്ച് അഞ്ച് മാര്‍ക്സ് ജനിച്ചിട്ട് 200 വര്‍ഷം തികയുകയാണ്. മു...
ദേശീയ ചലച്ചിത്ര അവാര്‍ഡ് വിതരണം ചെയ്യുമ്പോള്‍ പതിനൊന്ന് പ്രമാണിമാര്‍...
'പാക്കിസ്ഥാനും ചൈനയും 'ഭാരത'ത്തിന്റെ ആജന്മ ശത്രുക്കളാണ്; ഇന്നേവരെ രാ...
കേരളത്തിലെ ക്രൈസ്തവസഭകളില്‍ അംഗസംഖ്യകൊണ്ടും രാഷ്ട്രീയ സാമ്പത്തിക സ്വ...
കര്‍ണ്ണാടക തെരഞ്ഞെടുപ്പു പ്രചരണത്തിന് തുടക്കം കുറിച്ച് ആദ്യറാലിനടത്ത...
See all Stories

Sponsored Advertisments

Facebook
Like Facebook Page and Follow