നര്‍മ്മദ നദിയിലെ സര്‍ദാര്‍ സരോവര്‍ അണക്കെട്ടിന്റെ ബഹിര്‍ദ്വാരമടക്കുന്നതിനെത്തുടര്‍ന്ന് കുടിയൊഴിപ്പിക്കപ്പെടുന്ന കുടുംബങ്ങളെ പുനരധിവസിപ്പിക്കണമെന്നാവശ്യപ്പെട്ട് നര്‍മ്മദ ബച്ചാവോ അന്ദോളന്‍ (എന്‍ബിഎ) നേതാവ് മേധ പട‌ക്കര്‍ നടത്തിവരുന്ന അനിശ്ചിതകാല നിരാഹാരസമരം ഒരാഴ്ച പിന്നിട്ടു.

സമരത്തിനു പിന്തുണയുമായി ഇതിനകം ആഗോളപ്രശസ്തരായ പ്രമുഖ വ്യക്തികള്‍ രംഗത്തുവന്നു. അമേരിക്കന്‍ ചരിത്രകാരനും തത്വജ്ഞാനിയുമായ നോം ചോസ്‌കി ഇവരിലൊരാളാണ്.

അണക്കെട്ട് പദ്ധതിയിലൂടെ ജീവനോപാധികളും ദൈനംദിന ജീവിതവും താറുമാറായ ജനങ്ങള്‍ക്ക് നീതി ഉറപ്പാക്കാന്‍ പ്രധാനമന്ത്രി നരേന്ദ്രമോഡി ഇടപെടണമെന്ന ഓണ്‍ലൈന്‍ പരാതിയില്‍ ചോംസ്കിയും ഒപ്പുചാര്‍ത്തി. ഭരണഘടനാപരമായ ഭരണത്തിലും അവകാശങ്ങള്‍ക്കുവേണ്ടിയുള്ള ജനാധിപത്യപരവും അഹിംസാമാര്‍ഗ്ഗത്തിലുമുള്ള സമരങ്ങളിലും ജനങ്ങള്‍ക്കുള്ള വിശ്വാസം കാത്തുസൂക്ഷിക്കുന്നതിനു സമരക്കാരുടെ ന്യായമായ ആവശ്യങ്ങള്‍ അംഗീകരിക്കേണ്ടതുണ്ടെന്ന് ചോംസ്കി ചൂണ്ടിക്കാട്ടി.

"നാടും വീടും വെള്ളത്തില്‍ മുങ്ങിപ്പോകുമെന്ന ഭീഷണി നേരിടുന്ന ജനങ്ങളെ രക്ഷിക്കാന്‍ അങ്ങയുടെ അടിയന്തിര ശ്രദ്ധയും ഇടപെടലുമുണ്ടാവണമെന്ന് നര്‍മ്മദ താഴ്വരയിലെ ജനങ്ങള്‍ക്കു വേണ്ടി ഞാന്‍ അഭ്യര്‍ത്ഥിക്കുന്നു" എന്ന് ചോംസ്കി ഒപ്പിട്ട അപേക്ഷ പ്രധാനമന്ത്രിയോട് അഭ്യര്‍ത്ഥിക്കുന്നു.

കുടിയൊഴിപ്പിക്കപ്പട്ടവരെ ശരിയായ വിധം പുനരധിവസിപ്പിക്കണമെന്ന ആവശ്യം നേടിയെടുക്കും വരെ നിരാഹാരസമരം അവസാനിപ്പിക്കില്ലെന്ന ഉറച്ച തീരുമാനത്തിലാണ് മേധയെന്ന് അവരുടെ സഹപ്രവര്‍ത്തകന്‍ ഹിംഷി സിംഗ് അറിയിച്ചു. മധ്യപ്രദേശിലെ ധര്‍ ജില്ലയില്‍ ഛിധാല്‍ഡ ഗ്രാമത്തിലാണ് മേധ ഒരാഴ്ച മുമ്പ് സമരമാരംഭിച്ചത്.

മേധയുടെ ആരോഗ്യം തൃപ്തികരമാണെന്ന് ഹിംഷി പറഞ്ഞു.

വെള്ളത്തില്‍ മുങ്ങിപ്പോകുന്ന പ്രദേശത്തെ 7010 കുടുംബങ്ങളോട് കുടിയൊഴിഞ്ഞുപോകാന്‍ അഭ്യര്‍ത്ഥിച്ചിട്ടുണ്ടെന്ന് മധ്യപ്രദേശ് നര്‍മ്മദ വാലി ഡവലപ്പ്മെന്റ് അഥോറിറ്റിയുടെ വക്താവ് പറഞ്ഞു.

കുടിയൊഞ്ഞുപോകുന്നതിന് അന്തിമദിവസമായി പ്രഖ്യാപിച്ചിട്ടുള്ളത് ജൂലൈ 31 ആണ്. അതിനുശേഷവും കുടിയൊഴിഞ്ഞുപോയില്ലെങ്കില്‍ അവരെ ബലപ്രയോഗത്തിലൂടെ കുടിയൊഴിപ്പിക്കാന്‍ മധ്യപ്രദേശ് സര്‍ക്കാറിനു സുപ്രീം കോടതി ഫെബ്രുവരിയില്‍ അനുവാദം നല്കിയിട്ടുണ്ടെന്നും വക്താവ് പറഞ്ഞു. എന്നാല്‍ ബലപ്രയോഗം അറ്റകൈ പ്രയോഗമാണെന്നും അദ്ദേഹം കൂട്ടിച്ചേര്‍ത്തു.

അണക്കെട്ടിന്റെ ജലസംഭരണ പ്രദേശത്തുനിന്നും ഇനിയും കുടിയൊഴിയാത്തവര്‍ക്കായി സംസ്ഥാനസര്‍ക്കാര്‍ താല്ക്കാലിക വീടുകള്‍ നിര്‍മ്മിച്ചിട്ടുണ്ടെന്ന് അദ്ദേഹം പറയുന്നു. മറ്റുള്ളവര്‍ക്കായി പകരം ഭൂമിയോ സാമ്പത്തികമായ നഷ്ടപരിഹാരമോ നല്കിയിട്ടുമുണ്ട്.

എന്നാല്‍ കുടിയൊഴിപ്പിക്കപ്പെടുന്ന കുടുംബങ്ങളുടെ എണ്ണം 40,000 വരുമെന്നാണ് എന്‍ബിഎ പറയുന്നത്. മധ്യപ്രദേശിലെ ബര്‍വാണി, അലിരാജ്‌പൂര്‍, ഖാര്‍ഗോണ്‍, ധര്‍ ജില്ലകളിലായിട്ടാണ് ഇത്രയും പേര്‍ അണക്കെട്ടിന്റെ ജലസംഭരണപ്രദേശത്തുനിന്നും കുടിയൊഴിപ്പിക്കല്‍ ഭീഷണി നേരിടുന്നത്. ഗുജറാത്തില്‍ അണക്കെട്ടിന്റെ ബഹിര്‍ദ്വാരമടക്കാന്‍ കേന്ദ്രസര്‍ക്കാര്‍ അനുമതി നല്കിയതിനെത്തുടര്‍ന്നാണ് ഈ സ്ഥിതിവിശേഷമുണ്ടായത്.

ബുധനാഴ്ച ധര്‍ ജില്ലയില്‍ കല്‍മാല്‍ ഗ്രാമത്തില്‍ ജനങ്ങള്‍ മധ്യപ്രദേശ് നര്‍മ്മദ താഴ്വര വികസനമന്ത്രി ലാല്‍ സിംഗ് ആര്യയുടെ കോലം കത്തിച്ചു പ്രതിഷേധിച്ചു.

അണക്കെട്ടു പദ്ധതിമൂലം കുടിയൊഴിപ്പിക്കപ്പെടുന്ന 40,000 ഓളം കുടുംബങ്ങളെ ശരിയായ വിധം പുനരധിവസിപ്പിക്കണെമെന്ന് സിപിഐ (എം) ഒരു പ്രസ്താവനയിലൂടെ ആവശ്യപ്പെട്ടു. പുനരധിവാസത്തിന് വേണ്ട സജീകരണങ്ങള്‍ ചെയ്തിട്ടില്ലെന്നും കര്‍ഷകര്‍ക്ക് നഷ്ടപരിഹാരം ലഭിച്ചിട്ടില്ലെന്നും സിപിഎം പ്രസ്താവനയില്‍ പറയുന്നു. കാര്‍ഷികതൊഴിലാളികള്‍, കടയുടമകള്‍, മീന്‍പിടിത്തക്കാര്‍, മണ്‍പാത്രനിര്‍മ്മാതാക്കള്‍ മുതലായവര്‍ നഷ്ടപരിഹാരം ലഭിച്ചവരുടെ പട്ടികയില്‍ വരുന്നില്ല. ഗുജറാത്ത് നിയമസഭ തെരഞ്ഞെടുപ്പ് അടുത്ത സാഹചര്യത്തില്‍ രാഷ്ട്രീയസമ്മര്‍ദ്ദം കൊണ്ടാണ് തിരക്കുപിടിച്ച് പദ്ധതി നടത്തിപ്പുമായി സര്‍ക്കാരുകള്‍ മുന്നോട്ടു പോകുന്നതെന്നും പ്രസ്താവനയില്‍ കുറ്റപ്പെടുത്തി.

 

Studies and Blogs

Sponsored Advertisments

നവോഥാന കേരളത്തിന്റെ ശില്പികളില്‍ പ്രഥമ സ്ഥാനീയനായ സഹോദരന്‍ അയ്യപ്പന്...
അണ്ണാ ഡി.എം.കെയില്‍ ജയലളിതയുടെ മരണത്തെത്തുടര്‍ന്ന് നടന്ന കുഴമറിച്ചില...
ഗോരഖ്പുരിലെ ബി.ആര്‍.ഡി മെഡിക്കല്‍ കോളേജില്‍ ഓക്‌സിജന്‍ കിട്ടാതെ കുഞ്...
ഹൈദരാബാദ് യൂണിവേഴ്സിറ്റിയില്‍ രോഹിത് വെമുല എന്ന ദലിത് ഗവേഷക വിദ്യാര്...
നമുക്ക് വസ്തുതകള്‍ക്കായി പാര്‍ലമെന്റില്‍ വച്ച സാമ്പത്തികസര്‍വ്വേകളില...
വിര്‍ജീനിയയിലെ ചാര്‍ലോട്ട്‌സ്വില്ലെയിലെ റോബര്‍ട്ട് ലീയുടെ പ്രതിമ നീക...
ഏതാനും ദിവസങ്ങളിലായി ടി.വി ചാനലുകളിലെ ഒരു പ്രധാന ചര്‍ച്ചാവിഷയം മന്ത്...
ചെങ്കോട്ടയില്‍ നടത്തിയ സ്വാതന്ത്ര്യദിന പ്രസംഗത്തില്‍ പ്രധാനമന്ത്രി ന...
പ്രധാനമന്ത്രി മോദി അധികാരമേറ്റ മൂന്നു വര്‍ഷമാകുന്നു. വമ്പന്‍ വാക്പ്ര...
ആശങ്കാജനകവും സങ്കീര്‍ണവുമായ സംഭവഗതികള്‍ക്കിടയിലാണ് ഈ സ്വാതന്ത്ര്യദിന...
ഗോരഖ്പുർ ബി.ആര്‍.ഡി മെഡിക്കള്‍ കോളജില്‍ ഓക്‌സിജന്‍ കിട്ടാതെ പിഞ്ചുകു...
അറേബ്യയിലെ കഥപറച്ചില് കാരിയെപ്പോലെ അത് നിര്‍ത്താതെ പറഞ്ഞുകൊണ്ടിരിക്ക...
ആഗസ്ത് 9നു മുംബൈ നഗരത്തില്‍ മറാഠ ജാതിസംഘടനകളുടെ വന്‍ മൗനജാഥ നടന്നു.
യു .പി യിലെ ഗോരഖ്‌പൂരിലെ ജില്ലാ ആശുപത്രിയിൽ 30 പിഞ്ചു കുഞ്ഞുങ്ങൾ ഓക്...
തൃശൂര്‍ ജില്ലയിലെ തീരദേശ പഞ്ചായത്തായ ഏങ്ങണ്ടിയൂരിലെ ഒരു കോളനി നിവാസി...
മൂന്നാർ കൈയ്യേറ്റങ്ങളുമായി ബന്ധപ്പെട്ട് ഹരിത ട്രിബ്യുണലിനു കേരള സർക്...
നമ്മുടെ സാംസ്‌കാരികനവോത്ഥാനത്തിന് യൂറോപ്യന്‍ ആധുനികതയുമായി പ്രത്യക്ഷ...
ഒരിക്കല്‍കൂടി ക്വിറ്റിന്ത്യാദിനം കടന്നു വരികയാണ്. പതിവുമട്ടില്‍ കോണ്...
See all Stories
Facebook
Like Facebook Page and Follow