Loading Page: ഗോരഖ്പുർ ശിശുമരണങ്ങളും മോഡിയുടെ മൗനവും

ഗോരഖ്പുർ ബി.ആര്‍.ഡി മെഡിക്കള്‍ കോളജില്‍ ഓക്‌സിജന്‍ കിട്ടാതെ പിഞ്ചുകുഞ്ഞുങ്ങള്‍ പിടഞ്ഞു മരിച്ച വാര്‍ത്ത രാജ്യത്തെയാകെ ഞെട്ടലിലും രോഷത്തിലും സങ്കടത്തിലുമായിട്ട് ദിവസങ്ങള്‍ കഴിഞ്ഞിട്ടും പ്രധാനമന്ത്രി നരേന്ദ്രമോഡി മൗനം വെടിയാന്‍ തയ്യാറല്ല. രാജ്യത്തു നടക്കുന്ന നിസ്സാര സംഭവങ്ങളില്‍പ്പോലും രാഷ്ട്രീയ എതിരാളികള്‍ക്കെതിരെ മുതലെടുപ്പിനു സാധ്യതയുണ്ടെങ്കില്‍ അതീവ വാചാലനാകുന്ന മോഡിയുടെ സ്ഥിരം പരിപാടിയാണ് തനിക്കും തന്റെ പാര്‍ട്ടിക്കും മെച്ചമില്ലാത്ത കാര്യങ്ങളില്‍ മൗനം പാലിക്കല്‍.

ഗോരഖ്പുർ സംഭവത്തിന് തൊട്ടുമുമ്പാണ് ഉപരാഷ്ട്രപതിയായിരുന്ന ഹമീദ് അന്‍സാരി പത്തുവര്‍ഷത്തെ തന്റെ ടേം അവസാനിപ്പിച്ചു വിടവാങ്ങിയത്. ആ വിടവാങ്ങല്‍ പ്രസംഗത്തില്‍ ഇന്ത്യയിലെ മുസ്ലീങ്ങള്‍ അരക്ഷിതാവസ്ഥ അനുഭവിക്കുന്നു എന്ന പച്ചയായ യാഥാര്‍ത്ഥ്യം അദ്ദേഹം തുറന്നുപറഞ്ഞു. അതിഷ്ടപ്പെടാതിരുന്ന മോഡി ഉടനടി തന്നെ അന്‍സാരിയെ ഹീനമായി പരിഹസിച്ചുകൊണ്ട് തിരിച്ചടിച്ചു. അന്‍സാരി വളരെ ഇടുങ്ങിയ ചില ഇന്ത്യന്‍ യാഥാര്‍ത്ഥ്യങ്ങള്‍ മാത്രം കാണുന്നവനാണെന്നും ലോകത്തെ മുഴുവന്‍ കാണാനദ്ദേഹത്തിനു കഴിവില്ലെന്നുമാണ് മോഡി തട്ടിവിട്ടത്. ലോകരാഷ്ടീയം മനസ്സിലാക്കുന്നതില്‍ മാത്രമല്ല, ഇന്ത്യന്‍ യാഥാര്‍ത്ഥ്യങ്ങള്‍ മനസ്സിലാക്കുന്നതിലും മോഡിക്ക് യാതൊരു കഴിവുമില്ലെന്ന യാഥാര്‍ത്ഥ്യം അമ്പേ പരാജമായ വിദേശനയവും തകര്‍ന്നു കിടക്കുന്ന സാമ്പത്തിക നയവും നോട്ടുനിരോധനം പോലുള്ള ഭ്രാന്തന്‍ നടപടികളും തെളിയിച്ചതാണ്. ഇങ്ങനെ അനാവശ്യ വിമര്‍ശനം നടത്തി സ്വന്തം അല്പത്തം തെളിയിച്ച മോഡിക്ക്, പക്ഷേ, ഗോരഖ്പൂരിലെ ശിശുമരണങ്ങള്‍ വാതുറക്കണ്ട കാര്യമല്ല. ഇതിനുമുമ്പ് ബ്രിട്ടനിലെ മാഞ്ചസ്റ്ററില്‍ നടന്ന ഭീകരാക്രമണത്തില്‍ വാചാലമായി അനുശോചിക്കുകയും ബ്രിട്ടനോട് ഐക്യാദാര്‍ഢ്യം പ്രകടിപ്പിക്കുകയും ചെയ്ത മോഡി തൊട്ടുപിന്നാലെ ജാര്‍ഖണ്ടില്‍ നടന്ന ഏഴു മുസ്ലീങ്ങളുടെ കൊലയെക്കുറിച്ച് ഇന്നേ വരെ വാതുറന്നില്ല. പാക്കിസ്ഥാനെ പാഠം പഠിപ്പിക്കുമെന്ന് എത്രയോ തവണ വിളിച്ചു കൂകിയ മോഡി ചൈന ഡോക്‌ലാമിന്റെ പേരില്‍ എത്രയോ കര്‍ക്കശമായ പ്രസ്താവന നടത്തിയിട്ടും വായതുറന്നിട്ടേയില്ല. മോഡി മാത്രമല്ല, അരുണ്‍ ജെയ്റ്റ്‌ലിയും ഗോരഖ്പൂര്‍ സംഭവമറിഞ്ഞിട്ടില്ല.

അതിനിടെ കിഴക്കന്‍ ഇത്തര്‍പ്രദേശിന്റെയും ബി.ആര്‍.ഡി. ആശുപത്രിയുടെയും ദയനീയവസ്ഥകള്‍ മുഴുവന്‍ പുറത്തുവരികയാണ്. ഇതിനിരയായി വര്‍ഷം തോറും നൂറുകണക്കന് പിഞ്ചു കുഞ്ഞുങ്ങള്‍ മരിച്ചൊടുങ്ങിയിട്ടും കൊതുകുനശീകരണം നടത്താനോ പ്രതിശോധ കുത്തിവെപ്പ് നല്കാനോ ഒരു നടപടിയുമുണ്ടായില്ല. യോഗിയുടെ സന്ദര്‍ശനത്തിനായി അശുപത്രിയുടെ രണ്ടു കി.മീ. ചുറ്റളവില്‍ ഗതാഗതം നിരോധിച്ചതോടെ മതാപിതാക്കള്‍ക്ക് കുഞ്ഞുങ്ങളുടെ മൃതദേഹം ചുമന്നുകൊണ്ടുപോകണ്ട ദുര്‍ഗതിയും വന്നുചേര്‍ന്നു. യോഗിയെപ്പോലുള്ള വര്‍ഗ്ഗീയ ഭ്രാന്തന്മാര്‍ അമ്പലം പണിയുടെയും പശു സംരക്ഷണത്തിന്റെയും പേരില്‍ അഴിച്ചുവിടുന്ന വര്‍ഗ്ഗീയ പ്രചരണം പത്തിലൊന്നു പരിശ്രമം കൊതുകു നിര്‍മ്മാര്‍ജ്ഞനത്തിനും മതിയായ ആരോഗ്യചികിത്സാ സംവിധാനത്തിനുമതി ചെലവക്കിയിരുന്നുവെങ്കില്‍ ഇന്ന് യു.പിക്ക് ഈഗതി വരുമയിരുനില്ല, കേരളം ദൈവം കൈയ്യൊഴിഞ്ഞ നാടാണെന്നു വിളിച്ചുകൂകിയ മീനാക്ഷി ലേഖിമാര്‍ ഈ തുടരുന്ന ശിശുമരണങ്ങളെ എങ്ങനെയാണ് വിശേഷിപ്പിക്കുക? കേരളം, തമിഴ്‌നാട്, കര്‍ണ്ണാടകം, ആന്ധ്രപ്രദേശ്, തെലുങ്കാന സംസ്ഥാനങ്ങളുടെ ശിശുമരണ നിരക്കും യു.പി, ബീഹാര്‍, രാജസ്ഥാന്‍, മധ്യപ്രദേശ്, ഗുജറാത്ത് തുടങ്ങിയ സംസ്ഥാനങ്ങളുടെ ശിശുമരണ നരിക്കും തമ്മില്‍ സ്വാതന്ത്ര്യം കിട്ടിയ ശേഷമുള്ള ഈ 70 വര്‍ഷങ്ങളില്‍ വന്നു ചേര്‍ന്ന അന്തരത്തേക്കുറിച്ച് മോഡിയും മോഹന്‍ഭഗവതും മുതലുള്ള ഹിന്ദുത്വ ചാമ്പ്യന്‍മാര്‍ക്കുള്ള വിശദീകരണം എന്താണമോ? കോണ്‍ഗ്രസ് പിന്തുടര്‍ന്നു പോന്നതും ഇന്ന് സംഘപരിവാര്‍ കൂടുതല്‍ തീവ്രമാക്കിയതുമായ പശുബെല്‍റ്റ് രാഷ്ടിയത്തിന്റെ ഇരകളാണാ പിഞ്ചുകുഞ്ഞുങ്ങള്‍. അവരില്‍ ഭൂരിപക്ഷവും ദളിതരും മുസ്ലീങ്ങളും പിന്നോക്കക്കാരുമാണ്. ഇതെല്ലാം പരിഗണിക്കുമ്പോള്‍ ഈ മരണങ്ങളെ കൊലപാതകങ്ങളായാണ് കാണണ്ടതെന്ന ഇന്നുയര്‍ന്നു വരുന്ന പൊതുവഭിപ്രായം തികച്ചും ശരിയാണ്.

Studies and Blogs

യൂറോപ്യന്‍ യൂണിയനും അമേരിക്കയും തമ്മില്‍ നടക്കുന്ന വ്യാപാരയുദ്ധത്തിന...
ഒരു അഭിമന്യു ഇത്തരത്തില്‍ നിഷ്ഠുരമായി കൊലചെയ്യപ്പെട്ടതുകൊണ്ട് പൊളിറ്...
താജ്മഹലിന്റെ സംരക്ഷിക്കല്‍ എന്നത് ഒരു പക്ഷേ ഒരു 'പ്രതീക്ഷയില്ലാത്ത സ...
കേരളത്തിലപ്പോള്‍ രാമായണ വിവാദം കൊഴുക്കുകയാണ്. CPI(M) രാമായണ പ്രഭാഷണങ...
അഭിമന്യുവിന്റെ വധം കൊല്ലാന്‍ നല്ല പരിശീലനം കിട്ടിയ സംഘം അതിന്റെ മുകള...
സിനിമ താരരാജക്കള്‍ക്കായി രാജാക്കളാല്‍ നടത്തപ്പെടുന്ന രാജാക്കളുടെ സംഘ...
യുപിഎ ഭരണകാലത്ത്, 2013 ജൂണ്‍ 23ന്, നരേന്ദ്രമോഡി ട്വിറ്ററില്‍ കുറിച്ച...
കേരളത്തിലെ ക്രൈസ്തവ സഭകളുമായി ബന്ധപ്പെട്ട് ലൈംഗിക പീഡന-കൊലപാതക വിവാദ...
ഡല്‍ഹിയിലെ കെജ്രിവാള്‍ സര്‍ക്കാരിനെ പ്രവര്‍ത്തിക്കാനനുവദിക്കാത്ത രീത...
സ്വാതന്ത്ര്യം കിട്ടിയയത്ര പ്രധാമപ്പെട്ട ഒരു കാര്യമാണ് ജി.എസ.ടി നടപ്പ...
വിദേശകാര്യമന്ത്രി സുഷമ സ്വരാജ് മിശ്രവിവാഹിത ദമ്പതികളെ സഹായിക്കാനെത്ത...
ചില ഹിന്ദു സുഹൃത്തുക്കള്‍ പറഞ്ഞതാണ്. അവരുടെ കുടുംബങ്ങള്‍ ഉള്‍ക്കൊള്ള...
സ്വതന്ത്ര ഇന്ത്യയുടെ ചരിത്രത്തിലാദ്യമായി ഇന്ത്യന്‍ സാമ്പത്തിക രംഗം ക...
കേരളത്തില്‍ ഇന്ന് വൈദ്യുതിക്ക് പണമടക്കാത്ത എത്ര കുടുംബങ്ങളുണ്ട്? എന്...
മലയാളസിനിമയിലെ A. M. M. A വിവാദവുമായി ബന്ധപ്പെട്ടാണ് ഇത് പറയേണ്ടി വര...
സ്വന്തം സഹപ്രവര്‍ത്തകയെ ലൈംഗികമായി ആക്രമിക്കാന്‍ കൊട്ടേഷന്‍ കൊടുത്തത...
അമേരിക്കന്‍ രാഷ്ട്രീയം കാര്യമായ വ്യത്യാസമൊന്നുമില്ലാത്ത റിപ്ലബ്ലിക്ക...
ലോകത്ത് സ്ത്രീകള്‍ക്ക് ഏറ്റവും അപകടകരമായ രാജ്യം ഇന്ത്യയാണെന്ന് തോംസണ...
See all Stories

Sponsored Advertisments

Facebook
Like Facebook Page and Follow