Loading Page: ഇനി ബി.ജെ.പി യുടെ സുഷാസന്‍ അഥവ സല്‍ഭരണ യാത്രയും

മോദിയും അമിത് ഷായും ബി.ജെ.പി.യുടെ സംസ്ഥാന മുഖ്യമന്ത്രിമാരും ഡല്‍ഹിയില്‍ ഒത്തുകൂടി സുശാസന്‍ യാത്ര (സല്‍ഭരണ യാത്ര) നടത്താന്‍ തീരുമാനിച്ചിരിക്കുകയാണ്. തങ്ങള്‍ യഥാര്‍ത്ഥത്തില്‍ നടത്തിക്കൊണ്ടിരിക്കുന്ന ''ദുശ്ശാസന്‍''(ദുര്‍ഭരണം) യു.പി, ഗോരഖ്പൂരില്‍ യോഗിയുടെ ഭരണത്തില്‍ നടന്ന ശിശുഹത്യയോടെ ലോകമെങ്ങും ചര്‍ച്ചയായ സാഹചര്യത്തില്‍ക്കൂടിയാണ് സല്‍ഭരണ യാത്രയെന്നത് ശ്രദ്ധേയമാണ്.

കേന്ദ്രസര്‍ക്കാര്‍ ദരിദ്രരുടെ വികസനത്തിനായി നടത്തുന്ന പതിനേഴു വികസന ക്ഷേമപദ്ധതികളുടെ ഉയര്‍ത്തിക്കാട്ടലാണ് യാത്രയില്‍ ഉന്നമിടുന്നത്. അധികാരം പിടിക്കാനും,ഹിന്ദുത്വരാഷ്ട്രീയം വളര്‍ത്താനും യാത്രകള്‍ വളരെ ഗുണം ചെയ്യുമെന്ന് അദ്വാനിയുടെ 90 ലെ രഥയാത്രയോടെ സംഘപരിവാര്‍ മനസ്സിലാക്കിയിട്ടുള്ളതാണ്. ഇത്തവണത്തെ യാത്ര രഥയാത്രയാണോ, ആണെങ്കില്‍ അതിലെ കൃഷ്ണനും അര്‍ജുനനും ആരാണെന്നോ, എപ്പോഴാണത് നടത്തുകയെന്നോ, ഒന്നും പ്രഖ്യാപിച്ചിട്ടില്ല.

എന്തായാലും ഒരു കാര്യം വ്യക്തമാണ്. സോഷ്യല്‍ മീഡിയയില്‍ ലക്ഷക്കണക്കിന് ആളുകളെ നിയോഗിച്ചു ഗീബല്‍സ് മോഡല്‍ കള്ളപ്രചാരണം നടത്തിയിട്ടും ഇന്ത്യയിലെ മുഖ്യമന്ത്രിമാരില്‍ ഏറ്റവും വലിയ ദുര്‍ഭരണക്കാര്‍ എന്ന് പേരെടുത്തിട്ടുള്ളത് തങ്ങളുടെ മുഖ്യമന്ത്രിമാരാണെന്നത് മോദിക്കും അമിത് ഷാക്കും ബോധ്യപ്പെട്ടിട്ടുണ്ട്. അത് മനസ്സിലാക്കാന്‍ വലിയ രാഷ്ട്രീയ ചാതുര്യമൊന്നുമാവശ്യമില്ല. ഏറ്റവുമധികം കര്‍ഷക ആത്മഹത്യകളും കര്‍ഷക പ്രക്ഷോഭങ്ങളും കഴിഞ്ഞ രണ്ടര മാസത്തിനുള്ളില്‍ നടന്നത് മഹാരാഷ്ട്ര, മധ്യപ്രദേശ്, ഗുജറാത്ത്, രാജസ്ഥാന്‍, ഹരിയാന സംസ്ഥാനങ്ങളിലാണ്. ഏറ്റവുമധികം ''പശുക്കൊല''കളും അക്രമങ്ങളും, ദളിത് വേട്ടകളും, കൂട്ടബലാല്‍സംഘങ്ങളും നടന്നത് ഹരിയാനയിലും, ഹിമാചല്‍പ്രദേശിലും, ജാര്‍ഖണ്ഡിലും,യു.പിയിലുമാണ്. മധ്യപ്രദേശിലെ വ്യാപം കഴിഞ്ഞാല്‍ ഏറ്റവുംവലിയ അഴിമതി ഉയര്‍ന്നു വന്നിട്ടുള്ളതു ഛത്തിസ്ഗഡിലാണ്. സംഘപരിവാര്‍ അജണ്ടയുടെ പ്രത്യക്ഷവക്താക്കളായ ടൈംസ് നൗ, റിപ്പബ്ലിക് ചാനലുകള്‍ രാജ്യദ്രോഹികള്‍ക്കും രാജ്യദ്രോഹത്തിനുമെതിരെ 24 മണിക്കൂറും ആഴ്ചയില്‍ ഏഴു ദിവസവും എന്ന അടിസ്ഥാനത്തില്‍ നടത്തുന്ന തീ തുപ്പലില്‍ പ്രതിസ്ഥാനത്തു നില്‍ക്കുന്നത് ജമ്മു കാശ്മീരിലെ ജനങ്ങളും സംഘടനകളുമാണെങ്കിലും അവിടെ ഭരിക്കുന്നതും ബി.ജെ.പി തന്നെ. ചുരുക്കത്തില്‍ ഏറ്റവും വലിയ ദുര്‍ഭരണങ്ങള്‍ നടക്കുന്നത് ഏതു നിലക്കും ഈ സംസ്ഥാനങ്ങളിലാണെന്നത് മോദിക്കും അമിത് ഷാക്കും മനസ്സിലായിട്ടുണ്ട്. എന്നുവച്ച്, തങ്ങള്‍ പ്രതിനിധാനം ചെയ്യുന്ന അപ്രായോഗികമായ പഴഞ്ചന്‍ മതരാഷ്ട്ര-ചാതുര്‍വര്‍ണ്യ രാഷ്ട്രീയത്തിന്റെ വക്താക്കള്‍ക്ക് ആധുനിക കാലത്തു ഭരണം നടത്തേണ്ടി വന്നാല്‍ അതിങ്ങനെയേ ആകൂ എന്ന യാഥാര്‍ഥ്യം അംഗീകരിക്കാനാവില്ല. അപ്പോള്‍ സാധ്യമാകുന്നത് സല്‍ഭരണമെന്നു പ്രചാരണം നടത്തല്‍ തന്നെ. ഇതിനുപയോഗിക്കുന്ന പണത്തിന്റെ നൂറിലൊന്നു മതിയായിരുന്നല്ലോ ഗോരഖ്പുരില്‍ ഓക്‌സിജന്‍ കമ്പനിയുടെ കുടിശ്ശിക നല്‍കി നിരവധി കുഞ്ഞുങ്ങളുടെ ജീവന്‍ രക്ഷിക്കാന്‍ എന്ന് പറയരുത്, അത് രാജ്യദ്രോഹമാകും.

രസകരമായ കാര്യം മുഖ്യമന്ത്രിമാര്‍ തങ്ങളുടെ ഭരണത്തിന്റെ പ്രകടന റിപ്പോര്‍ട്ട് യോഗത്തിനായി കൊണ്ടുവന്നതിന്റെ സ്വഭാവമാണ്. തങ്ങളുടെ സ്വന്തം സോഷ്യല്‍ മീഡിയ ആക്ടിവിറ്റിയുടെ റിപ്പോര്‍ട്ടിനായിരുന്നു അതില്‍ മുഖ്യ സ്ഥാനം. കഴിഞ്ഞ ഏപ്രിലിന് ശേഷം ഇക്കാര്യത്തില്‍ തങ്ങളുണ്ടക്കിയ മികവ് റിപ്പോര്‍ട് ചെയ്യപ്പെട്ടു.

യോഗത്തിനുശേഷം പത്രക്കാരെക്കണ്ട മുഖ്യമന്ത്രിമാര്‍ യോഗിയും രമണ്‍ സിംഗുമാണ്. അവര്‍ ഭരിക്കുന്ന സംസ്ഥാനങ്ങളിലാണ് ഓക്‌സിജന്‍ സപ്ലൈ നിലച്ചു പിഞ്ചുകുഞ്ഞുങ്ങള്‍ അടുത്തിടെ അറും കൊലക്കിരയായത്. അതാണോ പത്രക്കാരെ അവര്‍ തന്നെ കാണണം എന്ന് അമിത് ഷാ തീരുമാനിച്ചതിനു പിന്നില്‍ എന്ന് നമുക്കറിയാന്‍ നിര്‍വാഹമില്ല. അത്, പക്ഷെ, സുശാസന്‍ എങ്ങനെ എന്നതിന് നല്ല സൂചന നല്‍കുന്നുണ്ട്. കര്‍ഷകരെ വെടിവച്ചുകൊന്ന ചൗഹാന്‍ കൃഷ്ണനും ''ഗോരഖ്പൂര്‍ ഫെയിം'' യോഗി അര്‍ജുനനുമാകുന്ന ഒരു രഥയാത്രയാണ് വരാന്‍ പോകുന്നതെങ്കില്‍ അതേറ്റവും ഗംഭീരമാകുമെന്നെ പറയാന്‍ കഴിയൂ.

Studies and Blogs

യൂറോപ്യന്‍ യൂണിയനും അമേരിക്കയും തമ്മില്‍ നടക്കുന്ന വ്യാപാരയുദ്ധത്തിന...
ഒരു അഭിമന്യു ഇത്തരത്തില്‍ നിഷ്ഠുരമായി കൊലചെയ്യപ്പെട്ടതുകൊണ്ട് പൊളിറ്...
താജ്മഹലിന്റെ സംരക്ഷിക്കല്‍ എന്നത് ഒരു പക്ഷേ ഒരു 'പ്രതീക്ഷയില്ലാത്ത സ...
കേരളത്തിലപ്പോള്‍ രാമായണ വിവാദം കൊഴുക്കുകയാണ്. CPI(M) രാമായണ പ്രഭാഷണങ...
അഭിമന്യുവിന്റെ വധം കൊല്ലാന്‍ നല്ല പരിശീലനം കിട്ടിയ സംഘം അതിന്റെ മുകള...
സിനിമ താരരാജക്കള്‍ക്കായി രാജാക്കളാല്‍ നടത്തപ്പെടുന്ന രാജാക്കളുടെ സംഘ...
യുപിഎ ഭരണകാലത്ത്, 2013 ജൂണ്‍ 23ന്, നരേന്ദ്രമോഡി ട്വിറ്ററില്‍ കുറിച്ച...
കേരളത്തിലെ ക്രൈസ്തവ സഭകളുമായി ബന്ധപ്പെട്ട് ലൈംഗിക പീഡന-കൊലപാതക വിവാദ...
ഡല്‍ഹിയിലെ കെജ്രിവാള്‍ സര്‍ക്കാരിനെ പ്രവര്‍ത്തിക്കാനനുവദിക്കാത്ത രീത...
സ്വാതന്ത്ര്യം കിട്ടിയയത്ര പ്രധാമപ്പെട്ട ഒരു കാര്യമാണ് ജി.എസ.ടി നടപ്പ...
വിദേശകാര്യമന്ത്രി സുഷമ സ്വരാജ് മിശ്രവിവാഹിത ദമ്പതികളെ സഹായിക്കാനെത്ത...
ചില ഹിന്ദു സുഹൃത്തുക്കള്‍ പറഞ്ഞതാണ്. അവരുടെ കുടുംബങ്ങള്‍ ഉള്‍ക്കൊള്ള...
സ്വതന്ത്ര ഇന്ത്യയുടെ ചരിത്രത്തിലാദ്യമായി ഇന്ത്യന്‍ സാമ്പത്തിക രംഗം ക...
കേരളത്തില്‍ ഇന്ന് വൈദ്യുതിക്ക് പണമടക്കാത്ത എത്ര കുടുംബങ്ങളുണ്ട്? എന്...
മലയാളസിനിമയിലെ A. M. M. A വിവാദവുമായി ബന്ധപ്പെട്ടാണ് ഇത് പറയേണ്ടി വര...
സ്വന്തം സഹപ്രവര്‍ത്തകയെ ലൈംഗികമായി ആക്രമിക്കാന്‍ കൊട്ടേഷന്‍ കൊടുത്തത...
അമേരിക്കന്‍ രാഷ്ട്രീയം കാര്യമായ വ്യത്യാസമൊന്നുമില്ലാത്ത റിപ്ലബ്ലിക്ക...
ലോകത്ത് സ്ത്രീകള്‍ക്ക് ഏറ്റവും അപകടകരമായ രാജ്യം ഇന്ത്യയാണെന്ന് തോംസണ...
See all Stories

Sponsored Advertisments

Facebook
Like Facebook Page and Follow