Loading Page: ശ്രീകാന്ത് പുരോഹിത് ഹീറോ ആക്കപ്പെടുന്നത് ഉയർത്തുന്ന ആപൽസൂചനകൾ

ഇതെഴുതുമ്പോള്‍ ഇന്ത്യയിലെ ഏറ്റവും പ്രേക്ഷകരുള്ള ഇംഗ്ലീഷ് ചാനല്‍ എന്നവകാശപ്പെടുന്ന ടൈംസ് നൗ മലേഗാവ് സ്‌ഫോടനക്കേസില്‍ ഒമ്പതു വര്‍ഷ ജയില്‍ വാസത്തിനു ശേഷം ജാമ്യം കിട്ടി പുറത്തുവരുന്ന ശ്രീകാന്ത് പുരോഹിതിന്റെ വീരത്വവും ത്യാഗവും ആഘോഷിച്ചു കൊണ്ടിരിക്കുകയാണ്. ''PUROHITH WINS FREEDOM' ', 'BIG DAY FOR ARMY' 'HERO' എന്നിങ്ങനെയുള്ള വലിയ തലക്കെട്ടുകളാണ് ദൃക് സാക്ഷി വിവരണമടക്കമുള്ള മഹാസംഭവത്തിനു കൊടുത്തിരിരിക്കുന്ന കാപ്ഷന്‍. അര്‍ണാബ് ഗോസ്വാമിയുടെ റിപ്പബ്‌ളിക്, ന്യൂസ് എക്‌സ് എന്നിവയും തത്സമയ റിപ്പോര്‍ട്ടിങ്ങില്‍ ഒപ്പം പിടിക്കാന്‍ നോക്കുന്നുണ്ട്. ഇന്ത്യ ടുഡേ തത്സമയ റിപ്പോര്‍ട്ടിങ് നടത്തുമ്പോഴും വീരനായകത്വം നല്‍കാതിരിക്കാന്‍ ശ്രദ്ധിക്കുന്നു.

മലേഗാവ്, സംജോത എക്‌സ്പ്രസ്സ്, ദല്‍ഹി ജുമാമസ്ജിദ് സ്‌ഫോടന കേസ്സുകളില്‍ ഉത്തരവാദികളെന്നു തുറന്നു കാട്ടപ്പെട്ട അഭിനവ് ഭാരത് എന്ന ഹിന്ദു തീവ്രവാദസംഘടനയുടെ നേതാവാണ് ഈ പ്രമുഖ പട്ടാള ഓഫീസര്‍. സാധ്വി പ്രഗ്യാ സിങ്, സ്വാമി അസീമാനന്ദ തുടങ്ങിയവരില്‍പ്പെടുന്നയാളും സംഘടനയുടെ മുഖ്യസംഘടകനുമാണ് ശ്രീകാന്ത് പുരോഹിത്. അയാള്‍ക്ക് സുപ്രീം കോടതി ജാമ്യം നല്കിയിട്ടേയുള്ളു, വിചാരണയില്‍ വെറുതെ വിടപ്പെട്ടിട്ടില്ല. അപ്പോഴേക്കും തങ്ങളുടെ ജയില്‍ മോചിതനാകുന്ന വീരപുത്രന് ഊഷ്മള സ്വീകരണം നല്‍കി കൊണ്ട് പോകാനായി തലോജ ജയിലിലേക്ക് സമീപത്തെ ഇന്ത്യന്‍ ആര്‍മിയുടെ കൊളാബ യൂണിറ്റില്‍ നിന്ന് നിരവധി വാഹങ്ങളില്‍ സൈനികര്‍ എത്തി കത്ത് നില്‍ക്കുന്നുവെന്നാണ് ചാനലുകള്‍ ലൈവ് ആയി റിപ്പോര്‍ട്ട് ചെയ്യുന്നത്.

ഇന്ത്യന്‍ ജനാധിപത്യത്തിന്റെ ഭാവിയെ സംബന്ധിച്ച് തികച്ചും ഞെട്ടിക്കുന്നതാണ്, ഭയാജനകമാണ് ഈദൃശ്യം. ആര്‍,എസ്.എസ്സ് തലപ്പത്തുള്ള ചിലരാണ് ഈ തീവ്രവാദ സംഘടനയുടെ യഥാര്‍ത്ഥ തലവന്മാരെന്നും അക്കാലത്തെ കോണ്‍ഗ്രസ്സ് ഭരണകര്‍ത്താക്കള്‍ അവിടേക്കു അന്വേഷണം എത്തുന്നതിനെ തടയുകയായിരുന്നുവെന്നും അക്കാലത്തു നിരവധി വാര്‍ത്തകള്‍ വന്നിരുന്നു. അതിനെ ശരിവക്കുകയാണ് ഈ ചാനലുകളും സൈനികയുണിറ്റുകളും നല്‍കുന്ന വീര പരിവേഷം എന്ന് ആരും സംശയിച്ചു പോകും.

വാര്‍ത്തക്കൊപ്പം ഈ ചാനലുകള്‍ ചില മുന്‍ സൈനിക ഓഫീസര്‍മാരെ അവതരിപ്പിക്കുന്നുമുണ്ട്. വിചാരണക്കോടതി വിധി വരും മുന്‍പേ പുരോഹിത് നിരപരാധിയാണെന്ന് ആവേശത്തോടെ പ്രഖ്യാപിക്കുന്ന അവര്‍ ഈ മഹാന് ഒന്‍പതു വര്‍ഷം ജയിലില്‍ക്കിടക്കേണ്ടി വന്നതിന്റെ സകല ഉത്തരവാദികള്‍ക്കും മാതൃകാപരമായ ശിക്ഷ നല്‍കണമെന്നും കൂവിയര്‍ത്തു കൊണ്ടിരിക്കുന്നു. ടൈംസ് നൗ ചാനല്‍ സ്‌ക്രീനില്‍ ഒരു വശത്തായി പുരോഹിതിനു നീതിനിഷേധിക്കപ്പെട്ടതിന്റെ ഉത്തരവാദികളുടെ പേരെഴുതിക്കാണിക്കുന്നുമുണ്ട്. കോണ്‍ഗ്രസിന്റെ കാലത്തേ ആഭ്യന്തരമന്ത്രി മുതല്‍ ഈ തീവ്രവാദ സംഘടനയുടെ പ്രവര്‍ത്തനങ്ങള്‍ കണ്ടെത്തി പ്രതികളെ പിടിച്ച പോലീസ് മേധാവികളെ വരെയാണ് അങ്ങനെ കൊടും വില്ലന്മാരായി അവതരിപ്പിക്കുന്നത്.

ഹിന്ദു രാഷ്ട്രത്തില്‍ മുസ്ലീങ്ങളെ കൊല്ലാനായി തീവ്രവാദ പ്രവര്‍ത്തനം നടത്തുന്നവന്‍ വീര നായകനാണ് എന്ന പച്ചയായ നിലപാടാണ് ഫലത്തില്‍ പ്രക്ഷേപിക്കപ്പെടുന്നത്. ഇതേ ചാനലുകള്‍ കാശ്മീരില്‍ ഒരു കല്ലേറ് നടന്നാല്‍ അതിനെ റിപ്പോര്‍ട് ചെയ്യുന്ന രീതി നാമെല്ലാം കണ്ടു കൊണ്ടിരിക്കുകയാണ്. പുരോഹിത് കുറ്റവിമുക്തനാക്കപ്പെടും മുന്‍പേ സൈന്യം തങ്ങളുടെ ''ഹീറോ''യെ വരവേല്‍ക്കുകയാണെങ്കില്‍, പ്രതിരോധ മന്ത്രിയുടെ പൂര്‍ണ്ണ ഒത്താശയില്ലാതെ അങ്ങനെയൊന്നു നടത്താന്‍ സൈന്യത്തിലാര്‍ക്കെങ്കിലും ധൈര്യം വരുമോ? പുരോഹിതിനു കിട്ടിയ ''ഫ്രീഡം' മാത്രം ജാമ്യം കിട്ടുന്ന മറ്റു കുറ്റവാളികളില്‍ നിന്ന് വ്യത്യസ്തമാകുന്നത് എങ്ങനെയാണ് ?

ഇത്ര ഗുരുതരമായ സ്ഫോടനക്കേസില്‍ ചാനലുകളും സൈനിക ഓഫീസര്‍മാരും ശരിതെറ്റുകള്‍ തീരുമാനിച്ചു ഹീറോക്ക് സ്വാഗതം നല്കുന്നുവെങ്കില്‍ അത് ഉന്നതരുടെ അറിവോടെയല്ലാതാകാന്‍ വഴിയില്ല. ഇന്ത്യന്‍ ജനാധിപത്യം മോഡി ഭരണത്തില്‍ എത്ര വലിയ അപകടമാണ് നേരിടുന്നതെന്ന് ഈ ദൃശ്യങ്ങള്‍ നമ്മോടു വിളിച്ചു പറയുന്നു.

Studies and Blogs

യൂറോപ്യന്‍ യൂണിയനും അമേരിക്കയും തമ്മില്‍ നടക്കുന്ന വ്യാപാരയുദ്ധത്തിന...
ഒരു അഭിമന്യു ഇത്തരത്തില്‍ നിഷ്ഠുരമായി കൊലചെയ്യപ്പെട്ടതുകൊണ്ട് പൊളിറ്...
താജ്മഹലിന്റെ സംരക്ഷിക്കല്‍ എന്നത് ഒരു പക്ഷേ ഒരു 'പ്രതീക്ഷയില്ലാത്ത സ...
കേരളത്തിലപ്പോള്‍ രാമായണ വിവാദം കൊഴുക്കുകയാണ്. CPI(M) രാമായണ പ്രഭാഷണങ...
അഭിമന്യുവിന്റെ വധം കൊല്ലാന്‍ നല്ല പരിശീലനം കിട്ടിയ സംഘം അതിന്റെ മുകള...
സിനിമ താരരാജക്കള്‍ക്കായി രാജാക്കളാല്‍ നടത്തപ്പെടുന്ന രാജാക്കളുടെ സംഘ...
യുപിഎ ഭരണകാലത്ത്, 2013 ജൂണ്‍ 23ന്, നരേന്ദ്രമോഡി ട്വിറ്ററില്‍ കുറിച്ച...
കേരളത്തിലെ ക്രൈസ്തവ സഭകളുമായി ബന്ധപ്പെട്ട് ലൈംഗിക പീഡന-കൊലപാതക വിവാദ...
ഡല്‍ഹിയിലെ കെജ്രിവാള്‍ സര്‍ക്കാരിനെ പ്രവര്‍ത്തിക്കാനനുവദിക്കാത്ത രീത...
സ്വാതന്ത്ര്യം കിട്ടിയയത്ര പ്രധാമപ്പെട്ട ഒരു കാര്യമാണ് ജി.എസ.ടി നടപ്പ...
വിദേശകാര്യമന്ത്രി സുഷമ സ്വരാജ് മിശ്രവിവാഹിത ദമ്പതികളെ സഹായിക്കാനെത്ത...
ചില ഹിന്ദു സുഹൃത്തുക്കള്‍ പറഞ്ഞതാണ്. അവരുടെ കുടുംബങ്ങള്‍ ഉള്‍ക്കൊള്ള...
സ്വതന്ത്ര ഇന്ത്യയുടെ ചരിത്രത്തിലാദ്യമായി ഇന്ത്യന്‍ സാമ്പത്തിക രംഗം ക...
കേരളത്തില്‍ ഇന്ന് വൈദ്യുതിക്ക് പണമടക്കാത്ത എത്ര കുടുംബങ്ങളുണ്ട്? എന്...
മലയാളസിനിമയിലെ A. M. M. A വിവാദവുമായി ബന്ധപ്പെട്ടാണ് ഇത് പറയേണ്ടി വര...
സ്വന്തം സഹപ്രവര്‍ത്തകയെ ലൈംഗികമായി ആക്രമിക്കാന്‍ കൊട്ടേഷന്‍ കൊടുത്തത...
അമേരിക്കന്‍ രാഷ്ട്രീയം കാര്യമായ വ്യത്യാസമൊന്നുമില്ലാത്ത റിപ്ലബ്ലിക്ക...
ലോകത്ത് സ്ത്രീകള്‍ക്ക് ഏറ്റവും അപകടകരമായ രാജ്യം ഇന്ത്യയാണെന്ന് തോംസണ...
See all Stories

Sponsored Advertisments

Facebook
Like Facebook Page and Follow