തമിഴക രാഷ്ട്രീയ ഓരോ ദിവസം കഴിയുന്തോറും കൂടുതല്‍ കൂടുതല്‍ കലങ്ങി മറിയുകയാണ്. ചുളുവില്‍ വലിയ നേട്ടങ്ങള്‍ കൊയ്‌തെടുക്കാനായി ബി.ജെ.പി നേതൃത്വം കളിച്ച കളി ഓരോ ദിവസം കഴിയുന്തോറും ബി.ജെ.പി നേതാക്കളുടെ തന്നെ ഉറക്ക കെടുത്തും വിധം നാണക്കേടാവുകയാണ്. തമിഴക രാഷ്ട്രീയത്തിലെ ഈ അധഃപതനം വല്ലാത്ത ദുര്‍ഗന്ധം പരതുമ്പോള്‍ അതിനെതിരെ കമലഹാസന്‍ കുറച്ചുനാളായി വിമര്ശനങ്ങളുന്നയിച്ചിരുന്നു. അത് അദ്ദേഹം രാഷ്ട്രീയത്തില്‍ പ്രവേശിക്കുന്നതിനെക്കുറിച്ച് ചില അഭ്യൂഹങ്ങളും പരത്തിയിരുന്നു. ഇപ്പോള്‍ കേരളത്തിലെത്തി പിണറായി വിജയനെ കണ്ടശേഷം ആ അഭ്യൂഹങ്ങള്‍ക്ക് വിരാമമിട്ടു കൊണ്ട് താനുടനെ തന്നെ രാഷ്ട്രീയത്തില്‍ പ്രവേശിക്കുമെന്നു കമലഹാസന്‍ പ്രഖ്യാപിച്ചിരിക്കുകയാണ്. കമലഹാസന്റെ രാഷ്ട്രീയപ്രവേശം എങ്ങനെ, ഏതു രീതിയില്‍ എന്നത് ഇനിയും വ്യക്തമല്ല.

ഓ.പി.എസ് - ഇ.പി.എസ് വിഭാഗങ്ങളെ യോജിപ്പിക്കുന്നതിലും അവരെ അധികാരത്തില്‍ തങ്ങളുടെ ഏറാന്മൂളി കളി ഉറപ്പിച്ചിരുത്തുന്നതിലും വിജയിച്ചുവെന്നും, അതിലൂടെ രാജ്യസഭയില്‍ ഭൂരിപക്ഷം, വരുന്ന ലോകസഭാതെരഞ്ഞെടുപ്പില്‍ തമിഴ്നാട്ടില്‍ നിന്ന് നല്ലൊരു ശതമാനം സീറ്റുകള്‍ എന്നിവ ഉറപ്പിച്ചുവെന്നും കരുതി ആശ്വസിച്ചപ്പോഴാണ് അമിത്ഷാ- മോഡി സംഘത്തിന് പുതിയ തലവേദനകള്‍ വന്നത്. ജയലളിതയുടെ മരണത്തിനു മുന്‍പ് കിട്ടിയ 137 നിയമസഭാസീറ്റുകളില്‍ പുറത്തു നിര്‍ത്തപ്പെട്ട ശശികല പക്ഷം മുപ്പതിനടുത്തു എം.എല്‍.എ മാരെ ചാക്കിലാക്കിയിരിക്കുകയാണ്. പളനിസാമിയെ പുറത്താക്കണമെന്നാണവര്‍ ഗവര്‍ണറോട് ആവശ്യപ്പെട്ടു കൊണ്ടിരിക്കുന്നത്. ഇതോടെ നിയമസഭ വിളിച്ചുചേര്‍ത്തു ഭൂരിപക്ഷം തെളിയിക്കാന്‍ ഗവര്‍ണ്ണര്‍ക്ക് മേല്‍ സമ്മര്‍ദ്ദമേറുകയാണ്. ഭൂരിപക്ഷം നഷ്ടമായി എന്ന വിമര്‍ശനത്തിനു മറുപടിയായി ഓ.പി.എസ്, ഇ.പി.എസ് പക്ഷങ്ങള്‍ വിളിച്ചു ചേര്‍ത്ത എം.എല്‍.എ മാരുടെ യോഗത്തില്‍ വെറും 80 എം.എല്‍.എ മാര്‍ മാത്രമേ പങ്കെടുത്തുള്ളൂ. അത് ബി.ജെ.പി. പക്ഷത്തിനു കടുത്ത ക്ഷീണമായി. ദിനകരന്‍-ശശികല പക്ഷത്തു പരസ്യമായി അണിചേരാത്ത എം.എല്‍ എ മാര്‍ തങ്ങള്‍ക്കെന്തു സ്ഥാനമാണ് കിട്ടുകയെന്നതിനെച്ചൊല്ലി വിലപേശുകയാണ്.

ജയലളിത ജീവിച്ചിരുന്ന കാലത്തു ഈ ഇ.പി.എസ്, ഓ.പി.എസ് എന്നൊക്കെപ്പറയുന്നവര്‍ ജയലളിതക്ക് മുന്‍പില്‍ ഓച്ഛാനിച്ചു നിന്ന ഏറാന്മൂളികള്‍ മാത്രമാണെന്ന് എല്ലാ എ.ഐ.ഡി,എം. കെ എം.എല്‍. എ മാര്‍ക്കുമറിയാം. അടുത്ത തെരഞ്ഞെടുപ്പില്‍ ഇവരുടെ പിന്നില്‍ ജനങ്ങള്‍ അണിനിരക്കുമെന്നതിനു യാതൊരു ഉറപ്പുമില്ല താനും.''അപ്പോള്‍പ്പിന്നെ നിങ്ങള്‍ മാത്രം മുഖ്യമന്ത്രിയും മുഖ്യ തലൈവരുമായി ഞെളിയണ്ട, ഞങ്ങള്‍ക്കെന്തു കിട്ടും എന്ന് പറ''എന്ന എം.എല്‍ മാരുടെ നിലപാടിനെ കുറ്റപ്പെടുത്താന്‍ പറ്റില്ല. ഭൂരിപക്ഷം ഉറപ്പിക്കണമെങ്കില്‍ സകല എം.എല്‍ എ.മാര്‍ക്കും മന്ത്രിസ്ഥാനങ്ങള്‍, കോടിക്കണക്കിനു രൂപ എന്നിവ കൊടുക്കണം. അത് സാധ്യമല്ല. അങ്ങനെ കൊടുത്തില്ലെങ്കില്‍ മന്ത്രിസഭയെ നിലനിര്‍ത്താന്‍ പറ്റുകയുമില്ല. ബി.ജെ.പി.നേതൃത്വം ശരിക്കും തമിഴ്നാട്ടില്‍ വെള്ളം കുടിക്കുകയാണ്.

ഒരു കേന്ദ്ര ഭരണകക്ഷി, അതും പരസ്യമായി ആര്യ രാഷ്ട്രീയത്തിന്റെ വക്താക്കള്‍, തമിഴ്നാട്ടിലെ ദ്രാവിഡ രാഷ്ട്രീയത്തില്‍ ഇത്തരം കളി കളിക്കുന്നത് കടുത്ത പ്രതിഷേധത്തിനിടയാക്കുന്നുണ്ട്. അതുകൊണ്ടാണ് കമലാഹാസനെപ്പോലുള്ളവരുടെ വിമര്‍ശനങ്ങള്‍ക്ക് വലിയ സ്വീകാര്യത കിട്ടുന്നത്.

തമിഴ്നാട്ടില്‍ സിനിമാതാരങ്ങള്‍ക്കു രാഷ്ട്രീയത്തില്‍ വലിയ സാധ്യത ഉണ്ടായിരുന്നിട്ടുണ്ട്. കരുണാനിധി, എം.ജി.ആര്‍, ജയലളിത എന്നിവര്‍ക്ക് ശേഷം വിജയകാന്തിനു വരെ നല്ലൊരു ശതമാനം വോട്ടു കിട്ടിയ ചരിത്രം തമിഴകത്തുണ്ട്. അതായിരിക്കാം കമലഹാസന്റെ ആവേശത്തിന് കാരണം. ഇന്ന് പഴയ കാല രാഷ്ട്രീയത്തില്‍ ജനങ്ങള്‍ക്ക് നല്ലൊരളവില്‍ വിശ്വസം നഷ്ടപ്പെട്ടിട്ടുണ്ട്. അതുപയോഗപ്പടുത്തി പല സംസ്ഥാനങ്ങളിലും പുതിയ പാര്‍ട്ടികള്‍ അധികാരത്തില്‍ വരുന്നുമുണ്ട്. തെലുങ്കാനയിലെ ടി.ആര്‍.എസ്, ആന്ധ്രയിലെ വൈ എസ് ആര്‍ കോണ്‍ഗ്രസ്സ്, ഡല്‍ഹിയിലെ കെജ്രിവാള്‍ തുടങ്ങി അതിനു നല്ല ഉദാഹരണങ്ങളുണ്ട്. പക്ഷെ അധികാരത്തിലെത്തണമെങ്കില്‍ കേന്ദ്രത്തിലെ മുഖ്യ ഭരണകക്ഷികളിലേതിന്റെയെങ്കിലും പിന്തുണ, വലിയ പണലഭ്യത എന്നിവ ആവശ്യമാണ്. സംസ്ഥാനത്തെ വന്‍ പണച്ചാക്കുകളില്‍ ചിലരെങ്കിലും പണമിറക്കാന്‍ തയ്യാറാകണം.പിന്നെ സമയവും സന്ദര്‍ഭവും ഒത്തുവരണം. തമിഴ്നാട്ടില്‍ കമലാഹാസനേക്കാള്‍ ജനപിന്തുണയുള്ള രജനീകാന്തും നില്‍ക്കുന്നുണ്ട്.അദ്ദേഹവും പാര്‍ട്ടിയുണ്ടാക്കണോ വേണ്ടയോ എന്നുസംശയിച്ചു നില്‍ക്കുകയാണ്.ഇത്തരം കടമ്പകളെല്ലാം കടന്നു മതനിരപേക്ഷതയും ജനാധിപത്യവും പേരിനെങ്കിലും ഉയര്‍ത്തിപ്പിടിക്കുന്ന ഒരു പാര്‍ട്ടിക്ക് ജന്മം നല്കാന്‍ കമലാഹാസനു കഴിയുമോ,അദ്ദേഹത്തിനക്കാര്യത്തില്‍ എത്രകണ്ട് ജനപിന്തുണ കിട്ടും എന്നതെല്ലാം വലി യചോദ്യചിഹ്നങ്ങളായി നില്‍ക്കുകയാണ്.

Studies and Blogs

ഇന്ത്യന്‍ സ്വകാര്യമേഖല 2017-ല്‍ 2016 നെ അപേക്ഷിച്ച് മൂലധനാവശ്യങ്ങള്‍...
നോട്ട് റദ്ദാക്കല്‍ താല്ക്കാലികമായി ചെറിയ പ്രശ്നങ്ങളുണ്ടാക്കിയെങ്കിലു...
ഹിന്ദുത്വ രാഷ്ട്രീയം ശക്തി പ്രാപിച്ചതോടെ രാജ്യത്താകമാനം രാഷ്ട്രീയ ലക...
''ഇന്ത്യയില്‍ താമസിക്കുന്ന റോഹിന്‍ഗ്യ അഭയാര്‍ത്ഥികള്‍ അഭയാര്‍ത്ഥികളല...
പിണറായി സര്‍ക്കാരിലെ മന്ത്രിമാരിലെ വമ്പന്‍ പണച്ചാക്കാണ് തോമസ് ചാണ്ടി...
വര്‍ഷങ്ങള്‍ നീണ്ട സംഘര്‍ഷപാത ഉപേക്ഷിച്ച് ഹമാസ് ഒടുവില്‍ ഫത്താ പ്രസ്ഥ...
കഥ അതിന്റെ ഏതെങ്കിലും അടരുകളില്‍ കാലത്തിന്റെ മുദ്രകള്‍ പതിപ്പിക്കാറു...
എന്‍.ഡി.എ യോഗം ബഹിഷ്‌കരിച്ചു കൊണ്ട് തങ്ങളെ പരിഗണിക്കത്തതിലുള്ള പ്രതി...
ആദ്മി പാര്‍ട്ടി രൂപീകരണത്തിനു നാലുവര്‍ഷങ്ങള്‍ക്കു ശേഷം അവര്‍ അവരുടെ...
നരേന്ദ്രമോഡിയും ബി.ജെ.പിയും രോഹിങ്ക്യന്‍ അഭയാര്‍ത്ഥികളോട് സ്വീകരിച്ച...
കേരളത്തെയാകെ ഞെട്ടിച്ച പ്രശസ്ത സിനിമാനടി ആക്രമിക്കപ്പെട്ട കേസ് ഇപ്പോ...
അഷ്ടമിരോഹിണി ദിനത്തില്‍ ദേവസ്വം മന്ത്രിയും സി,പി,ഐ.എം നേതാവുമായ കടകം...
ഇന്ത്യയിലെ ബാങ്കുകള്‍ക്കു 2019 സാമ്പത്തിക വര്‍ഷത്തോടെ ബാസല്‍-3 നിബന്...
മോഡി സര്‍ക്കാര്‍ ഭരണമേറ്റെടുത്തിട്ടു മൂന്നര വര്‍ഷമാകുമ്പോള്‍ ''തീവ്ര...
ഈ വരികളെഴുതിക്കൊടിരിക്കുമ്പോള്‍ ഇര്‍മ ചുഴലിക്കൊടുങ്കാറ്റ് അമേരിക്കയി...
ബ്രിക്സ് ഉച്ചകോടിയില്‍ ലോകസുരക്ഷക്ക് കൊട്ടിഘോഷിച്ച പത്തിനപരിപാടി പ്ര...
ലോകപ്രശസ്ത സാമ്പത്തിക ശാസ്ത്രജ്ഞരായ തോമസ് പിക്കറ്റിയും ലൂക്കാസ് ചാന്...
തമിഴ്നാട്ടിലുടനീളം അനിതയെന്ന വിദ്യാര്‍ത്ഥിനിയുടെ ആത്മഹത്യയെത്തുടര്‍ന...
See all Stories

Sponsored Advertisments

Facebook
Like Facebook Page and Follow