Loading Page: അസമത്വം ഇന്ത്യയില്‍ 1922-നു ശേഷമുള്ള ഉയര്‍ന്ന നിലയിലെത്തുമ്പോള്‍

ലോകപ്രശസ്ത സാമ്പത്തിക ശാസ്ത്രജ്ഞരായ തോമസ് പിക്കറ്റിയും ലൂക്കാസ് ചാന്‍സലും ചേര്‍ന്ന് രചിച്ച പ്രബന്ധത്തില്‍ ഇന്ത്യയിലെ വരുമാന അസമത്വം 1922 നുശേഷമുള്ള ഏറ്റവുമുയര്‍ന്ന നിലയിലെത്തിയിരിക്കുകയാണെന്നു കണ്ടെത്തിയിരിക്കുന്നതായി''ദ ഹിന്ദു''പത്രം റിപ്പോര്‍ട്ട് ചെയ്യുന്നു. 1922 ലാണ് ആദ്യമായി ഇന്‍കം ടാക്‌സ് നിയമം പാസാക്കുന്നത്. ആക്കാലത്തു മുകളിലെ 1% പേര്‍ വരുമാനത്തിലെ 21 % കൈക്കലാക്കിയിരുന്നിടത്തു നിന്ന് 1980-ള്‍ അത് 6% ത്തിലേക്ക് താഴുകയും ഇപ്പോള്‍ വീണ്ടും 22 % ശതമാനം എന്നിടത്തേക്കു എത്തിച്ചേരുകയും ചെയ്തുവെന്നാണ് അവരുടെ കണക്കുകള്‍ ചൂണ്ടിക്കാട്ടുന്നത്. 1970 കളില്‍ ഇന്‍കം ടാക്‌സ് 98 % ശതമാനം വരെ ഉയര്‍ന്നു നിന്നിരുന്നു. തുടര്‍ന്നതു കുറച്ചുകൊണ്ടു വന്ന് 30%-ത്തിലെത്തിച്ചു.

1980 കളിലാണ്ഇന്ത്യ ഉദാരവല്‍ക്കരണ നയങ്ങളാരംഭിക്കുന്നത്. അതിനുശേഷം വരുമാനത്തിന്റെ നികുതി വിഹിതം കുറച്ചുകൊണ്ട് വന്നതോടെ വരുമാനം കുറച്ചു കാട്ടുന്ന പ്രവണതയില്‍ കുറവ് വന്നിരിക്കാം. ഇന്ത്യയില്‍ മാത്രമല്ല ചൈനയിലും, റഷ്യയിലും ഇതേ പ്രവണത കാണാമെന്നും പിക്കറ്റിയും ലൂക്കാസും പറയുന്നു. ചൈനയില്‍ മുകളിലത്തെ ഒരു ശതമാനത്തിന്റെ വരുമാനം 14%-വും റഷ്യയിലത് 22%-വുമാണ്. ഈ കണക്കുകള്‍ ചൂണ്ടിക്കാട്ടുന്നത് സോഷ്യലിസത്തിന് ലോകവ്യാപകമായി വിലയിടിഞ്ഞതിനു ശേഷവും, മോണിട്ടറിസം ലോകമുതലാളിത്തത്തിന്റെ ഔദ്യോഗികനയമായതിനു ശേഷവും, ലോകത്തു വന്നു ചേര്‍ന്ന മാറ്റങ്ങളാണ്. ഇന്ത്യയില്‍ ഏറ്റവും മുകളിലെ 0.1% പേര്‍ താഴെക്കിടയിലുള്ള 50%-ത്തേക്കാള്‍ വളര്‍ച്ചയുടെ പങ്കു കരസ്ഥമാക്കിയതായും കണക്കുകള്‍ പറയുന്നു.

ഇന്ത്യയുടെ കണക്കുകള്‍ 2014 വരെയുള്ളതാണ്. അതായതു മോഡി സര്‍ക്കാര്‍ അധികാരത്തില്‍ വരുന്ന സമയത്തെ കണക്കുകള്‍. അതിനു ശേഷം മോഡി സര്‍ക്കാര്‍ സ്വീകരിച്ച നയങ്ങള്‍ ഈ അന്തരത്തെ ഒന്നുകൂടി വര്‍ദ്ധിപ്പിക്കുന്നതായിരുന്നു. ഡീമോണിറ്റൈസേഷന്‍ അനൗദ്യോഗിക മേഖലയിലെ നല്ലൊരു പങ്കു തൊഴിലവസരങ്ങള്‍ ഇല്ലാതാക്കി. കാര്‍ഷിക മേഖലയുടെ വരുമാനവും ഇടിച്ചു. ഇപ്പോള്‍ നടപ്പാക്കിയ ജി.സ്.ടി ഫലത്തില്‍ ചെയ്തത് നികുതി നിരക്കുകളെ ലോകത്തെ ഏറ്റവും ഉയര്‍ന്ന നിരക്കിലേക്ക് ഉയര്‍ത്തലാണ്. അതിന് അനുപാതികമായി ദരിദ്രരുടെ വരുമാനം വിലക്കയറ്റത്തിലൂടെ സര്‍ക്കാരിന്റെ കൈകളിലെത്തിച്ചേരും. സര്‍ക്കാര്‍ തങ്ങള്‍ക്കു കിട്ടുന്ന വരുമാനം കോര്‍പ്പറേറ്റുകളെ തടിച്ചു കൊഴുപ്പിക്കാനും അവര്‍ ബാങ്കുകള്‍ക്ക് വരുത്തിവെക്കുന്ന കിട്ടാക്കടം എഴുതിത്തള്ളാനുമെല്ലാമാണ് ഉപയോഗിക്കുന്നത്. അതുകൊണ്ടു തന്നെ 2014 ല്‍ നിന്നും 2017 ലേക്കെത്തുമ്പോള്‍ ഈ അന്തരം കാര്യമായി കൂടിയിട്ടുണ്ടാകുമെന്നുറപ്പാണ്.

ഇന്ന് മോദിയുടെ '56 ഇഞ്ച്'' ഭ്രാന്തന്‍ നടപടികളെത്തുടര്‍ന്നു ഇന്ത്യയുടെ സാമ്പത്തിക വളര്‍ച്ച കുത്തനെ ഇടിഞ്ഞു കൊണ്ടിരിക്കുകയാണ്. സ്വകാര്യമേഖലയുടെ കടം വാങ്ങല്‍ രാജ്യ ചരിത്രത്തിലെ ഏറ്റവും താഴ്ന്ന നിലയിലാണിന്നുള്ളത്. അതിനു കാരണം റിയല്‍ എക്കണോമിയുടെ ഒരു മേഖലയും ചെറിയൊരു ശതമാനം പോലും ലാഭം തിരിച്ചു നല്കുമെന്നുറപ്പില്ലാത്തതാണ്. താഴേക്കിട ജനവിഭാഗങ്ങളുടെ ക്രയശേഷിയിലെ ഇടിവ് ഇന്ത്യയില്‍ വലിയ പട്ടിണിക്കും ദാരിദ്ര്യത്തിനും ഇടയാക്കിയേക്കുമെന്നതിനപ്പുറം വലിയ വളര്‍ച്ചക്കുറവിനിടയാക്കണമെന്നില്ല. അതുകൊണ്ടാണ് മോദിയുടെ കേന്ദ്ര സാമ്പത്തിക നയരൂപീകരണക്കാര്‍ സംസ്ഥാനങ്ങളോട് കാര്ഷികകടങ്ങള്‍ എഴുതിത്തള്ളുന്നതിനെതിരെ മുന്നറിയിപ്പ് നല്‍കിയത്. പക്ഷേ, ഇപ്പോള്‍ ഇടത്തരക്കാരുടെ വരുമാനവളര്‍ച്ചയിലെ പങ്കും കുറഞ്ഞുവരുന്നു എന്നതാണ് ഭീതിയുണ്ടാക്കുന്നത്.

ഏതാനും വന്‍കിടക്കാര്‍ പരമാവധി ലാഭമുണ്ടാക്കി വളരുക, അവര്‍ വലിയ പദ്ധതികളില്‍ മുതലിറക്കുന്നതോടെ തൊഴില്‍സവസരങ്ങളും വളര്‍ച്ചയും വേഗത്തിലാകുക, എന്ന ആഗോളവല്‍ക്കരണ മന്ത്രം ഇന്ന് ലോകവ്യാപകമായി പ്രതിസന്ധിയിലാണ്. വന്‍കിട ധനകാര്യ സ്ഥാപനങ്ങളുടെ തകര്‍ച്ചയൊഴിവാക്കാന്‍ സര്‍ക്കാര്‍ അതിന്റെ വരുമാനത്തിന്റെ വലിയ പങ്കും ചെലവാക്കുകയും മഹാഭൂരിപക്ഷത്തിന്റെ തൊഴിലിലും വരുമാനത്തിലുമുള്ള ഇടിവ് പരിഹരിക്കാന്‍ ഒന്നും ചെയ്യാതിരിക്കുകയും ചെയ്യുകയാണിന്ന്. ഇത് ജനങ്ങളുടെ പൊതുവിലുള്ള ക്രയശേഷിയില്‍ വലിയ ഇടിവിനിടയാക്കുന്നു. ഇത് ഡിമാന്റിലുന്ടക്കുന്ന ഇടിവ് റിയല്‍ എക്കോണമിയെ കൂടുതല്‍ പ്രതിസന്ധിയിലാക്കുന്നു. ജനസംഖ്യ വളരുന്ന ഒരു രാജ്യമെന്ന നിലയില്‍ ഈ പ്രശ്‌നം ഏറ്റവും കുറച്ചു മാത്രം ബാധിക്കുന്നതെന്ന അനുകൂലസ്ഥിതി ഇന്ത്യക്കുണ്ടായിരുന്നു. അതാണ് മോഡി തകര്‍ത്തു കളഞ്ഞത്.

ധനിക-ദരിദ്ര അന്തരം മൂന്നാം ലോക മുതലാളിത്തത്തിന് ഒരു പ്രശ്‌നമല്ല. എല്ലാവരും ശരാശരി വരുമാനക്കാരാകുന്നതിനേക്കാള്‍ അതിനു നല്ലത് ഉയര്‍ന്ന ക്രയശേഷിയുള്ള ഒരു മധ്യവര്‍ഗ്ഗത്തിന്റെ ജനസംഖ്യ വര്‍ദ്ധിക്കലാണ്. പക്ഷെ വളരെ ചെറിയൊരു ഉയര്‍ന്ന വിഭാഗത്തില്‍ വരുമാനത്തിന്റെ സിംഹഭാഗവും കേന്ദ്രീകരിക്കുന്നത് മുതലാളിത്ത വളര്‍ച്ചക്ക് വലിയ പിന്നോട്ടടിയാണുണ്ടാക്കുക.''അച്ഛാ ദിന്‍'' എന്നെല്ലം പറഞ്ഞുകൊണ്ടു കഴിഞ്ഞ മൂന്നരക്കൊല്ലം മോഡി ചെയ്തത് മുകേഷ് അംബാനി, ഗൗതം അദാനി തുടങ്ങി തന്റെ ചില ഇഷ്ടക്കാര്‍ക്കായി സകല മുതലാളിത്ത കളിനിയമങ്ങളും ലംഘിച്ചു പ്രവര്‍ത്തിക്കുകയായിരുന്നു. അതിലുടെ 2014 ഓടെ മുതലാളിത്തത്തിനു പൊതുവില്‍ തന്നെ അനാരോഗ്യകരമായിത്തീര്‍ന്നിരുന്ന ധനിക ദരിദ്ര അന്തരത്തെ ഒന്നുകൂടി വര്‍ദ്ധിപ്പിച്ചു. ഒട്ടറെ കോര്‍പ്പറേറ്റ് സ്ഥാപനങ്ങളെ തകര്‍ച്ചയുടെ വക്കിലുമെത്തിച്ചു. ഇക്കാര്യങ്ങളിലേക്കുള്ള ഒരു എത്തിനോട്ടത്തിനു തികച്ചും സഹായകമാണ് പിക്കറ്റിയും ലൂക്കാസും അവതരിപ്പിക്കുന്ന കണക്കുകള്‍. 2014 ല്‍ ഇന്ത്യ എത്തിനിന്നിടത്തു നിന്ന് മോഡി എങ്ങോട്ടാണ് രാജ്യത്തെ കൊണ്ടുപോയത്, അതിന്നെങ്ങനെയാണ് ഒരു വലിയ പ്രതിസന്ധി എന്നിടത്തേക്കു തന്നെ ഉരുണ്ടുനീങ്ങുന്നത്, അതിനു മുന്നില്‍ വഴിയറിയാതെ മോഡി സംഘം പകച്ചു നില്‍ക്കുന്നത് എന്നതെല്ലാം കുറച്ചുകൂടി നന്നായി മനസ്സിലാക്കാന്‍ ഈ കണക്കുകള്‍ സഹായിക്കും.

Studies and Blogs

യൂറോപ്യന്‍ യൂണിയനും അമേരിക്കയും തമ്മില്‍ നടക്കുന്ന വ്യാപാരയുദ്ധത്തിന...
ഒരു അഭിമന്യു ഇത്തരത്തില്‍ നിഷ്ഠുരമായി കൊലചെയ്യപ്പെട്ടതുകൊണ്ട് പൊളിറ്...
താജ്മഹലിന്റെ സംരക്ഷിക്കല്‍ എന്നത് ഒരു പക്ഷേ ഒരു 'പ്രതീക്ഷയില്ലാത്ത സ...
കേരളത്തിലപ്പോള്‍ രാമായണ വിവാദം കൊഴുക്കുകയാണ്. CPI(M) രാമായണ പ്രഭാഷണങ...
അഭിമന്യുവിന്റെ വധം കൊല്ലാന്‍ നല്ല പരിശീലനം കിട്ടിയ സംഘം അതിന്റെ മുകള...
സിനിമ താരരാജക്കള്‍ക്കായി രാജാക്കളാല്‍ നടത്തപ്പെടുന്ന രാജാക്കളുടെ സംഘ...
യുപിഎ ഭരണകാലത്ത്, 2013 ജൂണ്‍ 23ന്, നരേന്ദ്രമോഡി ട്വിറ്ററില്‍ കുറിച്ച...
കേരളത്തിലെ ക്രൈസ്തവ സഭകളുമായി ബന്ധപ്പെട്ട് ലൈംഗിക പീഡന-കൊലപാതക വിവാദ...
ഡല്‍ഹിയിലെ കെജ്രിവാള്‍ സര്‍ക്കാരിനെ പ്രവര്‍ത്തിക്കാനനുവദിക്കാത്ത രീത...
സ്വാതന്ത്ര്യം കിട്ടിയയത്ര പ്രധാമപ്പെട്ട ഒരു കാര്യമാണ് ജി.എസ.ടി നടപ്പ...
വിദേശകാര്യമന്ത്രി സുഷമ സ്വരാജ് മിശ്രവിവാഹിത ദമ്പതികളെ സഹായിക്കാനെത്ത...
ചില ഹിന്ദു സുഹൃത്തുക്കള്‍ പറഞ്ഞതാണ്. അവരുടെ കുടുംബങ്ങള്‍ ഉള്‍ക്കൊള്ള...
സ്വതന്ത്ര ഇന്ത്യയുടെ ചരിത്രത്തിലാദ്യമായി ഇന്ത്യന്‍ സാമ്പത്തിക രംഗം ക...
കേരളത്തില്‍ ഇന്ന് വൈദ്യുതിക്ക് പണമടക്കാത്ത എത്ര കുടുംബങ്ങളുണ്ട്? എന്...
മലയാളസിനിമയിലെ A. M. M. A വിവാദവുമായി ബന്ധപ്പെട്ടാണ് ഇത് പറയേണ്ടി വര...
സ്വന്തം സഹപ്രവര്‍ത്തകയെ ലൈംഗികമായി ആക്രമിക്കാന്‍ കൊട്ടേഷന്‍ കൊടുത്തത...
അമേരിക്കന്‍ രാഷ്ട്രീയം കാര്യമായ വ്യത്യാസമൊന്നുമില്ലാത്ത റിപ്ലബ്ലിക്ക...
ലോകത്ത് സ്ത്രീകള്‍ക്ക് ഏറ്റവും അപകടകരമായ രാജ്യം ഇന്ത്യയാണെന്ന് തോംസണ...
See all Stories

Sponsored Advertisments

Facebook
Like Facebook Page and Follow