Loading Page: പുത്തന്‍ മത മഹാസമ്മേളനങ്ങളുടെ പരിസ്ഥിതി നശീകരണങ്ങള്‍

ഹിന്ദുത്വ രാഷ്ട്രീയം ശക്തി പ്രാപിച്ചതോടെ രാജ്യത്താകമാനം രാഷ്ട്രീയ ലക്ഷ്യങ്ങളോടെ വമ്പന്‍ മതപരമായ ആഘോഷങ്ങള്‍ സംഘടിപ്പിക്കപ്പെടുന്ന പ്രക്രിയക്കും ഗതിവേഗം കൂടിയിരിക്കുകയാണ്. അവയെല്ലാം തന്നെ പരിസ്ഥിതിക്ക് നാശമുണ്ടാക്കുന്ന വിവിധ പരിപാടികള്‍ പ്രചരിപ്പിക്കുന്നതിലും നടപ്പാക്കുന്നതിലും മുന്നില്‍ നില്‍ക്കുകയാണ്. അത്തരം പരിപാടികള്‍ക്ക് എന്തിന്റെയെങ്കിലും പേരില്‍ സര്‍ക്കാര്‍ നിയന്ത്രണങ്ങള്‍ ഏര്‍പ്പെടുത്തുകയോ നിരോധനങ്ങള്‍ ഏര്‍പ്പടുത്തുകയോ ചെയ്താല്‍ അതിനെച്ചൊല്ലി ഹിന്ദുക്കള്‍ക്ക് നേരെ വിവേചനം, ഹിന്ദു വിരുദ്ധസര്‍ക്കാര്‍, എന്നിങ്ങനെ പ്രചരണം കെട്ടഴിച്ചുവിടാമെന്നുള്ള ഗൂഢ ലക്ഷ്യമാണ് മുന്‍കൂട്ടിത്തന്നെയുള്ളത്. പ്രശ്‌നങ്ങളൊഴിവാക്കാന്‍, സംസ്ഥാന ഭരണം ബി.ജെ.പി.ക്കല്ലെങ്കില്‍, വിവിധ സര്‍ക്കാരുകള്‍ എല്ലാറ്റിനും നേരെ കണ്ണടക്കുകയാണ് പതിവ്. ഇതിന്ന് നമ്മുടെ രാജ്യത്ത് വലിയ പരിസ്ഥിതി നാശത്തിനാണ് വഴിവച്ചുകൊണ്ടിരിക്കുന്നതു. മതഭക്തിയുടെ പേരില്‍ ഏറ്റവുമധികം നാശം ഏറ്റുവാങ്ങുന്നത് നമ്മുടെ നദികളാണ്. ഇതിനേറ്റവുമധികം നല്ല ഉദാഹരണമാണ് ശബരിമലയും പമ്പയും. ശബരിമലയില്‍ വന്നു ചേരുന്ന ഭക്തരില്‍ വലിയൊരളവും കേരളത്തിന് പുറത്തുനിന്നുള്ളവരാണ്. വെളിസ്ഥലങ്ങളില്‍ മലവിസര്‍ജനം ശീലമായിട്ടുള്ള അവര്‍ നടത്തുന്ന മലവിസര്‍ജനം മഴയില്‍ പമ്പാനദിയിലേക്കൊലിച്ചിറങ്ങി പമ്പയിന്നൊരു കോളിഫോം ബാക്ടീരിയ വാഹിനിയാണ്. പമ്പാനദിയൊഴുകിയെത്തി, മറ്റു അഞ്ചു നദികളുമായിച്ചേര്‍ന്നാണ് വേമ്പനാട്ടുകായലിനു വെള്ളമെത്തിക്കുന്നത്. അങ്ങനെ കുട്ടനാടടക്കം വലിയൊരു പ്രദേശത്തിന്റെ കുടിവെള്ള സ്രോതസ്സാകെ അങ്ങേയറ്റം മലീമസമാകുന്നു. അതിനെതിരെ ഒരാള്‍ക്കും ഒന്നും പറയാനാകാത്ത അവസ്ഥയാണ്. പറയുന്നവന്‍ ഹിന്ദുമതവികാരം വ്രണപ്പെടുത്തിയവനും പാക്കിസ്ഥാനില്‍ പേകേണ്ടവനുമാകും.

ശബരിമലയില്‍ നിരവധിവര്‍ഷങ്ങളിലൂടെ ക്രമേണയാണ് ഈ സ്ഥിതി വന്നു ചേര്‍ന്നതെങ്കില്‍ യമുനയില്‍ കഴിഞ്ഞ വര്‍ഷമാണ് ശ്രീ ശ്രീ രവിശങ്കറിന്റെ ലോകമഹാസമ്മേളനം ചേര്‍ന്നത്. ആധുനിക വികസന പ്രശ്‌നങ്ങള്‍ക്ക് പരിഹാരം കാണാന്‍ മുന്നിട്ടിറങ്ങുന്ന ഒരാളായാണ് രാജ്യമാകെ ജെട്രോഫ നട്ടു പിടിപ്പിച്ചു ജൈവ ഡീസലുണ്ടാക്കുമെന്നൊക്കെ പറഞ്ഞു നടന്ന കാലത്തു ശ്രീ ശ്രീ സ്വയം അവതരിപ്പിച്ചിരുന്നത്. എന്നാല്‍ യമുനാനദി നശിപ്പിക്കുന്ന കാര്യം വന്നപ്പോള്‍ അദ്ദേഹം ദേശീയ ഹരിതട്രിബുണലിനെതിരെ കലിതുള്ളി. 125 കോടി പിഴയടക്കണമെന്നിടത്തു നിന്നു മുഖം രക്ഷിക്കാനായി പടിപടിയായി താഴേക്ക് വന്ന ഹരിത ട്രിബുണല്‍ ഒടുവില്‍ തല്ക്കാലം 25 ലക്ഷം രൂപ പിഴയടച്ചാല്‍ മതിയെന്നുപറഞ്ഞിട്ടും അതംഗീകരിക്കാന്‍ ശ്രീ ശ്രീ തയ്യാറായില്ല. മോഡി ഇന്ത്യന്‍ പട്ടാളത്തെയടക്കം ശ്രീ ശ്രീയുടെ സമ്മേളനം വിജയിപ്പിക്കാന്‍ വിട്ടു കൊടുക്കുമ്പോള്‍ ''നീയാരെടാ'' എന്നദ്ദേഹം ട്രിബുണലായി ഇരിക്കുന്നവരോട് ചോദിച്ചാല്‍ അതില്‍ അതിശയമെന്താണ്?

ഇതിന്റെ തുടര്‍ച്ചയിലാണ് നാം'' കാവേരി മഹാ പുഷ്‌ക്കര''യെ കണ്ണേണ്ടത്. കാവേരിയുടെ രണ്ടു കൈവഴികള്‍ കൂടിച്ചേരുന്നിടത്താണണ് ശ്രീരംഗപട്ടണം . അവിടെയാണ് ആദ്യമായി ഈ പരിപാടി സംഘടിപ്പിച്ചത്. രണ്ടുലക്ഷം പേരാണ് ഇത്തവണ പങ്കെടുത്തത്. പരിപാടി മലിനീകരണ മഹാമേളയായി. പൂമാലകള്‍, പൂജാസാമഗ്രികല്‍, ഭക്ഷ്യാവശിഷ്ടങ്ങള്‍ പോളിത്തീന്‍ കവറുകള്‍ എന്നിവയെല്ലാം നദീതീരത്തും നദിയിലുമായി തള്ളപ്പെട്ടു. ഈ വര്‍ഷത്തെ പുഷ്‌ക്കര നല്ല വിജയമായതു കൊണ്ട് വരും വര്‍ഷങ്ങളില്‍ ആളുകള്‍ കൂടിവരാനും, ഒരു കോടിയോ മറ്റോ ഭക്തര്‍ എത്തുന്ന സ്ഥിതി വരാനും സാധ്യതയുണ്ട്. അങ്ങനെ വന്നാല്‍ ബാംഗ്‌ളൂര്‍, മൈസൂര്‍, നഗരങ്ങളടക്കം കോടിക്കണക്കായ മനുഷ്യരുടെ ഏക കുടിവെള്ള സ്രോതസ്സിനെ

അതിന്റെ തുടക്കത്തില്‍വച്ചു തന്നെ നല്ലവണ്ണം മനുഷ്യമലമടക്കമുള്ള മാലിന്യങ്ങള്‍ കൊണ്ടുനിറക്കുന്നതിന്റെ മഹാപുണ്യം നേടിയെടുക്കാനാകും. ശാസ്ത്രീയമായ എന്തെങ്കിലും വിവരമല്ല, മറിച്ച് താംബൂല, സ്വര്‍ണ, ആദിയായ പ്രശ്‌നങ്ങളിലൂടെ ചില ബ്രാഹ്മണരാണല്ലോ ചടങ്ങുകള്‍, സ്ഥലം എന്നിവ തീരുമാനിക്കുക. അതിന്റെ യുക്തി നാമാരും ചോദ്യം ചെയ്തുകൂടാ. എന്ത് തന്നെയായാലും, നദികള്‍ നന്നായി മലിനീകരിക്കാന്‍ പറ്റിയ പരിപാടികളാണ് കടന്നുവരുന്നത്. ഇന്ത്യയില്‍ വളരെ ചുരുങ്ങിയ സ്ഥലങ്ങളിലൊതുങ്ങി നിന്ന ഗണപതി വിഗ്രഹ നിമഞ്ജനമിപ്പോള്‍ കേരളത്തിലേക്കു എത്തുകയാണ്. ശബരിമലയിലും മെഗാപിതൃ തര്‍പ്പണം തുടങ്ങാനാലോചന നടക്കുന്നു. ഇത്തരം ഭക്തിക്കച്ചവടങ്ങള്‍ നടക്കുമ്പോള്‍ ശ്രീനാരായണഗുരുവൊക്കെ ജീവിച്ചിരുന്ന നമ്മുടെ നാട്ടില്‍പ്പോലും വരും തലമുറകളുടെയടക്കം ഭാവിയെ അവതാളത്തിലാക്കുന്നതിനെക്കുറിച്ചു ആരും മിണ്ടിക്കൂടെന്നതായിക്കഴിഞ്ഞു നാട്ടു നടപ്പ്. അപ്പോള്‍പ്പിന്നെ കര്‍ണാടകത്തിന്റെ കാര്യം പറയേണ്ടതില്ലല്ലോ. കാവേരിയുടെ സംഗമസ്ഥാനത്തു തന്നെ വേണം ഇത്തരമൊരു പരിപാടി ആദ്യമായി നടത്താന്‍ എന്ന കണ്ടുപിടിത്തം അസ്സലായി എന്ന് പറയാതെ വയ്യ.
മിനിഞ്ഞാന്ന് വടക്കന്‍ ജില്ലകളിലാരംഭിച്ച കനത്ത പേമാരി ഇന്നലെ രാവിലെ മ...
കേരളാ പോലീസിന്റെ ബിഷപ്പ് ഫ്രാങ്കോയെ ചോദ്യം ചെയ്യല്‍ നാടകം സോഷ്യല്‍ ഔ...
കണ്ണാടകത്തില്‍ ഞങ്ങള്‍ അധികം പേരൊന്നും അതേക്കുറിച്ച് വളരെയൊന്നും സംസ...
വലിയ പ്രസംഗവീരന്‍ എന്ന പരിവേഷത്തോടെ അധികാരത്തിലേറിയയാളാണ് നരേന്ദ്ര മ...
പൊതു തെരഞ്ഞെടുപ്പിന് വെറും എട്ടു മാസം അവശേഷിക്കുമ്പോള്‍ സമ്പദ്ഘടനയെ...
ഇപ്പോള്‍ കേരളത്തിലെ എല്ലാ വാര്‍ത്താ ചാനലുകളും കേരള ജനതയെ 24 മണിക്കൂറ...
രാജാവും പ്രജകളും പരസ്പരം സ്‌നേഹിച്ചു ജീവിച്ച തിരുവനന്തപുരം!! ശ്രീപദ്...
തമിഴക രാഷ്ടീയത്തിലെ ബാക്കിയായ ഏക അതികായനായ കരുണാനിധി വിടവാങ്ങുമ്പോള്...
മധ്യ തിരുവിതാംകൂറിലെ നായര്‍ മേധാവിത്വ മേഖലകളില്‍ ഒരു പരീക്ഷണം നടക്കു...
ബിഷപ്പ് ഫ്രാങ്കോ മുളക്കല്‍ ബലാത്സംഗം ചെയ്തുവെന്ന് കന്യാസ്ത്രീ പരാതിപ...
സുല്‍ത്താന്‍ബത്തേരി വഴി വന്യജീവി സങ്കേതത്തിലൂടെയുള്ള രാത്രിയാത്രാ നി...
കൊട്ടിയൂര്‍ പീഡനക്കേസില്‍ പെണ്‍കുട്ടി താന്‍ ഫാദര്‍ റോബിനുമായി സമ്മതത...
ഇത്രമാത്രം ഗുരുതരമായ തെറ്റുകള്‍ വരുത്തിയും, 40 ലക്ഷം പേരെ ഒഴിവാക്കിയ...
ആസ്സാമില്‍ അനധികൃത കുടിയേറ്റക്കാരെയെല്ലാം പുറത്താക്കും എന്ന തെരഞ്ഞെട...
കഴിഞ്ഞ നാല് വര്‍ഷക്കാലം മോഡി സര്‍ക്കാരില്‍ ഏറ്റവുമധികം അച്ചടക്കത്തോട...
കുമ്മനത്തെ മിസോറാമിലേക്ക് കെട്ടുകെട്ടിച്ച് രണ്ട് മാസത്തിനു ശേഷം ബി.ജ...
ചേര്‍പ്പ് CNN സ്‌കൂളില്‍ പാദപൂജ നടത്തിയത് ഇടതുപക്ഷ സര്‍ക്കാരിന്റെ അന...
ജനാധിപത്യ സാംസ്‌കാരിക കൂട്ടായ്മ ജൂലൈ28ന് തലശ്ശേരിയില്‍ സംഘടിപ്പിച്ച...
See all Stories

Sponsored Advertisments

Facebook
Like Facebook Page and Follow