നോട്ട് റദ്ദാക്കല്‍ താല്ക്കാലികമായി ചെറിയ പ്രശ്നങ്ങളുണ്ടാക്കിയെങ്കിലും ദീര്‍ഘകാലാടിസ്ഥാനത്തില്‍ വമ്പിച്ച ഗുണം ചെയ്യും, ജി.എസ്.ടി ഇന്ത്യയുടെ വളര്‍ച്ച നിരക്കിനെ രണ്ടക്കത്തിലെത്തിക്കും എന്നൊക്കെയുള്ള പ്രചരണങ്ങളായിരുന്നു മോഡി ഭക്തഭക്തരുടെ ഭാഗത്തു നിന്ന് നാം കഴിഞ്ഞ ഒരു വര്‍ഷത്തോളമായി കേട്ടുകൊണ്ടിരുന്നത്. നോട്ട് റദ്ദാക്കല്‍ പോലൊരു ധീരമായ നടപടി തനിക്കു മാത്രമേ ചെയ്യാന്‍ കഴിയൂ എന്ന മോഡിയുടെ 56 ഇഞ്ച് നെഞ്ചളവു കൊണ്ടുള്ള തള്ളലിന് ഓശാന പാടുകയായിരുന്നു സകല സംഘപരിവാര്‍ വിദ്ഗ്ദന്മാരും. എന്തായാലും അവരില്‍ രണ്ടു പേര്‍ സമ്പദ്ഘടന കുഴപ്പത്തിലാണ്, അതിനൊരു പ്രധാനകാരണം നോട്ടുറദ്ദാക്കലാണ് എന്നു തുറന്നു പറഞ്ഞ് രംഗത്തുവന്നിരിക്കുകയാണ്. അവരിലൊരാള്‍ സുബ്രഹ്മണ്യന്‍ സ്വമിയും മറ്റേയാള്‍ ഗുരുമൂര്‍ത്തിയുമാണ്. സുബ്രഹ്മണ്യന്‍ സ്വാമി ഉടനെ ആദായനികുതി ഉടനടി എടുത്തുകളയാണമെന്നാണ് വാദിക്കുന്നത്. അതായത് ആദായനികുതി റിട്ടേണുകള്‍ പിരശോധിച്ച് വന്‍തോതില്‍ കള്ളപ്പണം പിടിക്കാന്‍ ഇനിയും കഴിയും എന്നും മറ്റുമുള്ള ജെയ്റ്റ്ലിയുടെ വാദങ്ങളെ തുടക്കത്തിലെ തന്നെ അദ്ദേഹം പുച്ഛിച്ച് തള്ളുന്നു.

ഇന്ത്യന്‍ സമ്പദ്ഘടനയില്‍ വലിയ സംഖ്യയുടെ നോട്ടുകള്‍ വളരെക്കുടുതലായിരുന്നു, അതു കുറക്കേണ്ടത് വളരെ ആവശ്യമായിരുന്നു എന്നൊരു വിചിത്രവാദമാണ് തുടക്കത്തില്‍ നോട്ട് റദ്ദാക്കലിനെ പിന്താങ്ങാന്‍ ഗുരുമൂര്‍ത്തി കണ്ടു പിടിച്ചത്. പിന്നെ കുറെനാള്‍ മൗനത്തിലായി. ആയിരത്തിന്റെ നോട്ടിന്റെ സ്ഥാനത്ത് രണ്ടായിരത്തിന്റെ നോട്ട് നിറഞ്ഞത് ശരിയായോ എന്നൊന്ന് അദ്ദേഹം ഇപ്പോള്‍ പറയുന്നില്ല! അദ്ദേഹം ഇപ്പോള്‍ പറയുന്നത് നോട്ട് റദ്ദാക്കല്‍ ചെറുകിട ഇടത്തരം വ്യവസായങ്ങളെ കാര്യമായി ബാധിച്ചുവെന്നും തൊഴിലവസരങ്ങളില്ലാതായെന്നും അതുപരിഹരിക്കാന്‍ പലിശനിരക്ക് വെട്ടിക്കുറക്കണമെന്നുമാണ്. കാര്‍ഷിക-ചെറുകിട മേഖലകളിലെ തകര്‍ച്ചയും ജി.എസ്.ടിയുടെ പേരിലുള്ള കടുത്ത വിലക്കയറ്റവും ചേര്‍ന്ന് വ്യവസായങ്ങളുടെ ഉല്പന്നങ്ങള്‍ക്ക് ഡിമാന്‍ഡില്ലാതാക്കിയതാണ് ഇന്നത്തെ അവയുടെ പ്രതിസന്ധിക്കു കാരണം. അവയുടെ ഉല്പന്നങ്ങള്‍ കയറ്റുമതി ചെയ്യാന്‍ പറ്റിയവയല്ല. ചുരുക്കത്തില്‍ കാര്‍ഷിക-അനൗദ്യോഗിക മേഖലകളില്‍ തൊഴില്‍ പുനസ്ഥാപിക്കാതെ, മഹാഭൂരിപക്ഷത്തിന്റെ ക്രയശേഷി ഉയര്‍ത്താതെ ഡിമാന്‍ഡിലെ ഇടിവ് പരിഹരിക്കാന്‍ കഴിയില്ല.

ഇതേവരെ ജിഡിപിയിലെ ഇടിവ് താല്ക്കാലികം മാത്രമാണെന്നും പറഞ്ഞു നടന്ന ജെയ്റ്റ്ലി ഇപ്പോള്‍ പറയുന്നത് 'സ്വകാര്യ നിക്ഷേപ'ത്തിന്റെ ഒരു പ്രശ്നമുണ്ടെന്നാണ്. അമ്പതിനായിരം കോടിയുടെ പാക്കേജ് കൊണ്ടുവരാന്‍ തീരുമാനിച്ചിട്ടുണ്ട്. അതാര്‍ക്ക് എങ്ങനെ കൊടുക്കണമെന്നു തീരുമാനിച്ചിട്ടില്ല! പ്രധാനമന്ത്രിയുമായി ആലോചിക്കും. സാമ്പത്തിക വ്യവസ്ഥയുടെ പ്രവര്‍ത്തനം അങ്ങാടിമരുന്നോ പച്ചമരുന്നോ എന്ന് മോഡിക്കറിയില്ല. ആ നിലക്ക് അബാനി, അദാനി, രാംദേവ് എന്നിവര്‍ക്കായി അതു വീതിച്ചുകൊടുക്കാനാകാം അദ്ദേഹം പറഞ്ഞേക്കുക.

ഇതിനിടയില്‍ ജെയ്റ്റ്ലി കൊട്ടിഘോഷിച്ചിരുന്ന 'ഡിജിറ്റൈസഷേന്‍' വായ്ത്താരിയും തകര്‍ന്നു. മറ്റൊരര്‍ദ്ധരാത്രിയില്‍ കൊണ്ടുവന്ന ജി.എസ്.ടി യുടെ ആദ്യമാസ കണക്കുകള്‍ പോലും ഇതേവരെ ഡിജിറ്റലായി ഫയല്‍ ചെയ്യാന്‍ കഴിഞ്ഞിട്ടില്ല. ജൂലൈ 31 ന്റെ റിട്ടേണ്‍ ഫയലിങ്ങിന് പരിധി നീട്ടിക്കൊടുത്തു കൊണ്ടിരിക്കുകയാണ്. അതിനനുസരിച്ച് പത്തുബില്യന്‍ ഡോളര്‍ (അറുപത്തയ്യായിരം കോടി) മരിവിപ്പിക്കപ്പെട്ടിരിക്കുന്നുവെന്നും പ്രവര്‍ത്തനങ്ങള്‍ നിര്‍ത്തിവക്കണ്ടിവരുമെന്നും അവര്‍ പറയുന്നു. ഇതിന് പരിഹാരം കാണാനും സര്‍ക്കാരിനു കഴിയുന്നില്ല. ജി എസ് ടി ഉണ്ടാക്കിയ വിലക്കയറ്റത്തിനു പുറമേയാണ് ഇത്തരം നൂലാമാലകള്‍ എന്തുചെയ്യണമെന്നറിയാതെ വിരണ്ടുനില്ക്കുകയാണ് മോഡിയും ജെയ്റ്റ്ലിയും.

Studies and Blogs

ഡല്‍ഹി- നാഷണല്‍ ക്യാപിറ്റല്‍ പ്രദേശത്ത് പടക്കങ്ങള്‍ പൊട്ടിക്കുന്നതു...
കര്‍ഷകര്‍ക്ക് ഒരു രൂപ പോലുള്ള തച്ഛമായ നഷ്ടപരിഹാരം, ഗോരഖ് പൂരിലെ ഓക്സ...
മനുഷ്യാവസ്ഥയെ രേഖപ്പെടുത്തുക, അത് സത്യസന്ധമായി രേഖപ്പെടുത്തുക ഇതു മാ...
ഒരേ സമയത്ത് കാലാവധി കഴിയുന്ന നിയമസഭകളാണ് ഹിമാചല്‍ പ്രദേശിലും ഗുജറാത്...
കേരളത്തിലെ പ്രമുഖ സൂപ്പര്‍ സ്റ്റാര്‍ ദിലീപ് ബലാത്സംഗ കൊട്ടേഷന്‍ നല്ക...
വരാന്‍ പോകുന്ന പാര്‍ട്ടി കോണ്‍ഗ്രസ്സില്‍ അവതരിപ്പിക്കാനായി സി.പി.ഐ (...
ജെ.എന്‍.യു. വിദ്യാര്‍ത്ഥി നജീവിനെ കാണാതായിട്ട് ഒരു വര്‍ഷം കഴിയുകയാണ്...
വേങ്ങര ഉപതെരഞ്ഞടുപ്പു ഫലങ്ങള്‍ പുറത്തു വന്നിരിക്കുകയാണ്. ഇടതുമുന്നണി...
പൂജാരികളും ശാന്തികളും ആകുന്നതോടെ ദലിതു-പിന്നാക്ക വിഭാഗങ്ങളുടെ സാമൂഹി...
സോളാര്‍ കമ്മീഷന്‍ റിപ്പോര്‍ട് സമര്‍പ്പിച്ചു രണ്ടാഴ്ചക്കുശേഷം മുഖ്യമന...
കമ്മ്യുണിസ്റ്റ് ഭീകരതയില്‍ നിന്നും ജിഹാദി ഭീകരതയില്‍ നിന്നും കേരളത്ത...
ഉടനടി നടക്കാനിരിക്കുന്ന പാര്‍ലമെന്റ് തെരഞ്ഞെടുപ്പിന് മുന്നോടിയായി നേ...
മോഡി സര്‍ക്കാരിന്റെ കഴിഞ്ഞ ക്യാബിനറ്റ് പുനഃസംഘടനയില്‍ റെയില്‍വേ മന്ത...
നീതി ആയോഗ് മുന്നോട്ടുവച്ചിരിക്കുന്ന കരട് ഊര്‍ജ്ജനയം 2017നും 2040നു മ...
മനുഷ്യര്‍ ആഫ്രിക്കയില്‍ നിന്ന് കുടിയേറിയത് കാലാവസ്ഥാ മാറ്റം മൂലമാണെന...
ഹമീദ് കര്‍സായി - അഫ്ഗാനിസ്ഥാനില്‍ വളരെ നീണ്ടകാലം അമേരിക്കന്‍ പാവഭരണാ...
ദിലീപ് ജാമ്യം കിട്ടി പുറത്തുവന്നമ്പോള്‍ ഫാന്‍സിന്റെ പേരില്‍ പ്രകടിപ്...
ഗാന്ധിജയന്തി ദിനത്തില്‍, തന്റെ സ്വച്ഛഭാരത പ്രസ്ഥാനത്തിന്റെ മൂന്നുവര്...
See all Stories

Sponsored Advertisments

Facebook
Like Facebook Page and Follow