Loading Page: തൊഴില്‍ ഇല്ലാതാകുന്നതും നല്ല ലക്ഷണമാക്കി ഒരു കേന്ദ്ര മന്ത്രി

വാര്‍ത്താ വിശകലനം

റെയില്‍വേ മന്ത്രി പിയൂഷ് ഗോവല്‍ പറയുന്നു - ലേ ഓഫുകള്‍ നല്ലലക്ഷണമാണ്, 'തൊഴില്‍ ഇല്ലാതാകല്‍ പ്രശ്നമല്ല, തൊഴിലില്ലാത്തവരെല്ലാം സംരംഭകരായിക്കോളും': പിയൂഷ് ഗോയല്‍

മോഡി സര്‍ക്കാരിന്റെ കഴിഞ്ഞ ക്യാബിനറ്റ് പുനഃസംഘടനയില്‍ റെയില്‍വേ മന്ത്രിയായി പ്രൊമോഷന്‍ കിട്ടിയയാളാണ് പിയൂഷ് ഗോയല്‍. വന്‍ വാചകമടിയില്‍ മോഡിയെയും കടത്തിവെട്ടുന്ന നിലവാരത്തിലേക്കും ഗോയല്‍ സ്വയം പ്രൊമോഷന്‍ നല്കി. ലേ ഓഫുകള്‍ നല്ല ലക്ഷണമാണെന്നും ഇന്നത്തെ ചെറുപ്പക്കാരെല്ലാം സംരംഭകരാകാനാണ് ആഗ്രഹിക്കുന്നതുമെന്ന വമ്പന്‍ കണ്ടുപിടുത്തമാണ് ഗോയല്‍ നടത്തിയത്. കള്ളപ്പണം പിടിച്ച് പതിനഞ്ചുലക്ഷം വീതം ഓരോ ഇന്ത്യാക്കാരന്റെയും പോക്കറ്റിലിട്ടുകൊടുക്കും എന്ന മോഡിയുടെ തെരഞ്ഞെടുപ്പു വാഗ്ദാനം ഇന്ന് ലോകത്തിലെ ഏറ്റവും വലിയ തമാശയാണ്. അതു കഴിഞ്ഞാലുള്ള മികച്ച തമാശയാണ് ഗോയലിന്റെ കണ്ടുപിടിത്തം.

ലോക സാമ്പത്തിക ഫോറത്തിന്റെ (WEF) ഇന്ത്യാ എക്കണോമിക് ഉച്ച കോടിയുടെ ഉദ്ഘാടന സമ്മേളത്തിലാണ് മന്ത്രി തന്റെ കണ്ടുപിടിത്തം അവതരിപ്പിച്ചത്. ഇന്ത്യയിലെ ഏറ്റവും വലിയ ടെലികോം കമ്പനിയായ ഭാരതി എയര്‍ ടെല്ലിന്റെ ചെയര്‍മാന്‍ സുനില്‍ മിത്തല്‍ തന്റെ പ്രസംഗത്തില്‍ തൊഴിലിന്റെ എണ്ണം ചുരുങ്ങുന്നത് വലിയ പ്രശ്നമാണെന്നു പറയുന്നതിനിടിയില്‍ ഇടപെട്ടാണ് മന്ത്രി തന്റെ വിജ്ഞാനം വിളമ്പിയത്.

'കഴിഞ്ഞ കുറച്ചു വര്‍ഷങ്ങളായി ഇന്ത്യയിലെ മുന്‍ നിരയിലുള്ള ഇരുനൂറ് കമ്പനികള്‍ പുതിയ തൊഴിലുകള്‍ സൃഷ്ടിച്ചിട്ടില്ല. അത് കുറക്കുകയായിരുന്നു. ഏറ്റവും മുകളിലെ ഇരുനൂറ് കമ്പനികള്‍ തൊഴിലുകളുണ്ടാക്കുന്നില്ലെങ്കില്‍ ബിസ്സിനസ് കമ്യൂണിറ്റിയെ സംബന്ധിച്ച് പൊതുസമൂഹത്തെ ഒപ്പം കൊണ്ടുപോകല്‍ കൂടുതല്‍ കൂടുതല്‍ പ്രയാസമേറിയതാകും. നിങ്ങള്‍ ദശലക്ഷക്കണക്കിനു ആളുകളെ പിന്നിലുപേക്ഷിക്കും.' മിത്തല്‍ പറഞ്ഞു.

ഇത്രയുമായപ്പോള്‍ കാര്യങ്ങള്‍ പന്തിയല്ലെന്നു ഗോയലിനു മനസ്സിലായി. മോഡി സര്‍ക്കാരിന് സ്തുതിപാടലല്ല നടക്കുന്നത്. ഉടനെ മന്ത്രി ഇടപെട്ടു. അദ്ദേഹം ഇടയില്‍ക്കയറിപ്പറഞ്ഞു: 'സുനില്‍ പറഞ്ഞ കാഴ്ചപ്പാടില്‍ അല്പം മാറ്റം വരുത്താന്‍ ഞാനൊന്നിടപെട്ടോട്ടെ?..... ഇന്ന് കമ്പനികള്‍ തൊഴിലുകള്‍ ചുരുക്കിക്കൊണ്ടു വരുന്നത് നല്ലൊരു കാര്യമാണ്. ഇന്നത്തെ യാഥാര്‍ത്ഥ്യം നാളത്തെ യുവാവും യുവതിയും വെറുമൊരു തൊഴില്‍ തേടുന്നവളല്ല എന്നതാണ്. അവള്‍/അയാളൊരു തൊഴില്‍ സ്രഷ്ടാവ് കൂടിയാണ്.' മന്ത്രിയുടെ ഇടപെടല്‍ പക്ഷേ വ്യവസായികളെ ആവേശഭരിതരാക്കിയില്ല.

തുടര്‍ന്നു സംസാരിച്ച മാസ്റ്റര്‍ കാര്‍ഡ് യു.എസ്. പ്രസിഡന്റ് അജയ് ബംഗയും ഇന്ത്യ നേരിടുന്ന ഒരൊറ്റ വെല്ലുവിളിയെടുത്താല്‍ അത് തൊഴിലുകളുടേതാണെന്നു പറഞ്ഞു. ഇന്ത്യന്‍ ഗ്രാമങ്ങളില്‍ പലതിലും സ്ത്രീകളെ മൊബൈല്‍ ഫോണ്‍ കാണാനനുവദിക്കുന്നില്ലെന്ന കാര്യത്തില്‍ ബംഗ നടുക്കം രേഖപ്പെടുത്തി. ഖാപ് പഞ്ചായത്തുകള്‍ അവസാനിപ്പിക്കണമെന്നും അദ്ദേഹം ആവശ്യപ്പെട്ടു.

മോഡിയുടെ ഏറ്റവും വലിയ തെരഞ്ഞെടുപ്പു വാഗ്ദാനം തൊഴിലുകളായിരുന്നു. പക്ഷേ മോഡി അധികാരമേറ്റ ശേഷം 200 വന്‍ കമ്പനികളിലെ തൊഴിലുകളുടെ എണ്ണം കാര്യമായി ചുരുങ്ങി. നോട്ട് റദ്ദാക്കല്‍ റിയല്‍ എസ്റ്റേറ്റ്, കണ്‍സ്ട്രക്ഷന്‍, ചെറുകിട-ഇടത്തരം വ്യവസായങ്ങള്‍ എന്നീ മേഖലകളിലെ അനൗപചാരിക തൊഴിലുകളെ കാര്യമായി കുറച്ചു. ഇത് മഹാഭൂരിപക്ഷത്തിന്റെ ക്രമശേഷിയെ ഇടിച്ചപ്പോള്‍ സര്‍ക്കാര്‍ വരുമാനം വര്‍ദ്ധിപ്പിക്കാന്‍ മോഡി ജി.എസ്.ടി എന്ന പേരില്‍ 28 ശതമാനം വരെ സകലതിനും നികുതികൊണ്ടുവന്നു. ഇതു കൂടിയായതോടെ ഡിമാന്‍ഡില്‍ വന്‍ ഇടിവുണ്ടായി സ്വകാര്യമേഖല കടത്തില്‍ മുങ്ങുകയാണ്. വലിയൊരുതുക കിട്ടാക്കടമായി ബാങ്കുകളും മുങ്ങുന്നതിന്റെ വക്കിലാണ്. അപ്പോഴാണ് ലേ ഓഫുകള്‍ നല്ലതാണെന്ന മന്ത്രിയുടെ കണ്ടുപിടിത്തം

ഗോരക്ഷാസംഘങ്ങള്‍, ആന്റിറോമിയോ സ്‌കാഡുകള്‍, തുടങ്ങിയ സംഘപരിവാര്‍ ഗുണ്ടാസംഘങ്ങളുണ്ടാക്കി മുസ്ലീങ്ങള്‍ക്കും ദളിതര്‍ക്കും മറ്റു സാമാന്യജനങ്ങള്‍ക്കുമെതിരെ ആക്രമണം, പിടിച്ചു പറി, തല്ലിക്കൊല്ലല്‍ തുടങ്ങിയ മേഖലകളില്‍ പുതിയ സംരംഭങ്ങള്‍ തുടങ്ങിയാല്‍ നല്ല വിജയസാധ്യതയാണ് എന്നാണ് മന്ത്രി കരുതുന്നതെന്നുതോന്നുന്നു. അതല്ലെങ്കില്‍ സകലയുവജനങ്ങള്‍ക്കും സംരംഭരാകാന്‍ സാധിക്കുമെന്ന് ഇന്നത്തെ ലോകസാഹചര്യത്തില്‍ തലക്കല്ലിളകാത്ത ഓരാള്‍ക്ക് പറയാന്‍ കഴിയില്ല.

ഇതിനിടെ യു.കെ. അടിസ്ഥാനമായ ഇന്‍സ്റ്റിസ്റ്റ്യൂട്ട് ഫോര്‍ ന്യൂ എക്കണോമിക് തിങ്കിങ്ങിന്റെ ചെയര്‍മാനായ അഡെയര്‍ ടേണര്‍ പ്രഭു ബാംഗ്ളൂരില്‍ നല്കിയ ഒരഭിമുഖത്തില്‍ ഓട്ടോമേഷന്റെ ഇക്കാലത്ത് തൊഴിലുകല്‍ കണ്ടുപിടിക്കലാണ് ഇന്ത്യ നേരിടുന്ന ഏറ്റവും വലിയ വെല്ലുവിളിയെന്നു പറഞ്ഞു. തൊഴില്‍ സേന ഇന്നത്തെ 73 കോടിയില്‍ നിന്ന് 2050 ല്‍ 130 കോടിയാകുമെന്നാണദ്ദേഹം കണക്കാക്കുന്നത്. ഇന്ത്യയിലെ തൊഴിലില്ലാത്തവരുടെ എണ്ണം 2018 ല്‍ 180 ലക്ഷമാകുമെന്നാണ് യു.എന്‍. ലേബര്‍ റിപ്പോര്‍ട്ട് പറയുന്നത്. അതിനെ അടിസ്ഥാനമാക്കിയുള്ള കണക്കുകൂട്ടലുകളാണ് ടേര്‍ണര്‍ നടത്തിയത്.
മിനിഞ്ഞാന്ന് വടക്കന്‍ ജില്ലകളിലാരംഭിച്ച കനത്ത പേമാരി ഇന്നലെ രാവിലെ മ...
കേരളാ പോലീസിന്റെ ബിഷപ്പ് ഫ്രാങ്കോയെ ചോദ്യം ചെയ്യല്‍ നാടകം സോഷ്യല്‍ ഔ...
കണ്ണാടകത്തില്‍ ഞങ്ങള്‍ അധികം പേരൊന്നും അതേക്കുറിച്ച് വളരെയൊന്നും സംസ...
വലിയ പ്രസംഗവീരന്‍ എന്ന പരിവേഷത്തോടെ അധികാരത്തിലേറിയയാളാണ് നരേന്ദ്ര മ...
പൊതു തെരഞ്ഞെടുപ്പിന് വെറും എട്ടു മാസം അവശേഷിക്കുമ്പോള്‍ സമ്പദ്ഘടനയെ...
ഇപ്പോള്‍ കേരളത്തിലെ എല്ലാ വാര്‍ത്താ ചാനലുകളും കേരള ജനതയെ 24 മണിക്കൂറ...
രാജാവും പ്രജകളും പരസ്പരം സ്‌നേഹിച്ചു ജീവിച്ച തിരുവനന്തപുരം!! ശ്രീപദ്...
തമിഴക രാഷ്ടീയത്തിലെ ബാക്കിയായ ഏക അതികായനായ കരുണാനിധി വിടവാങ്ങുമ്പോള്...
മധ്യ തിരുവിതാംകൂറിലെ നായര്‍ മേധാവിത്വ മേഖലകളില്‍ ഒരു പരീക്ഷണം നടക്കു...
ബിഷപ്പ് ഫ്രാങ്കോ മുളക്കല്‍ ബലാത്സംഗം ചെയ്തുവെന്ന് കന്യാസ്ത്രീ പരാതിപ...
സുല്‍ത്താന്‍ബത്തേരി വഴി വന്യജീവി സങ്കേതത്തിലൂടെയുള്ള രാത്രിയാത്രാ നി...
കൊട്ടിയൂര്‍ പീഡനക്കേസില്‍ പെണ്‍കുട്ടി താന്‍ ഫാദര്‍ റോബിനുമായി സമ്മതത...
ഇത്രമാത്രം ഗുരുതരമായ തെറ്റുകള്‍ വരുത്തിയും, 40 ലക്ഷം പേരെ ഒഴിവാക്കിയ...
ആസ്സാമില്‍ അനധികൃത കുടിയേറ്റക്കാരെയെല്ലാം പുറത്താക്കും എന്ന തെരഞ്ഞെട...
കഴിഞ്ഞ നാല് വര്‍ഷക്കാലം മോഡി സര്‍ക്കാരില്‍ ഏറ്റവുമധികം അച്ചടക്കത്തോട...
കുമ്മനത്തെ മിസോറാമിലേക്ക് കെട്ടുകെട്ടിച്ച് രണ്ട് മാസത്തിനു ശേഷം ബി.ജ...
ചേര്‍പ്പ് CNN സ്‌കൂളില്‍ പാദപൂജ നടത്തിയത് ഇടതുപക്ഷ സര്‍ക്കാരിന്റെ അന...
ജനാധിപത്യ സാംസ്‌കാരിക കൂട്ടായ്മ ജൂലൈ28ന് തലശ്ശേരിയില്‍ സംഘടിപ്പിച്ച...
See all Stories

Sponsored Advertisments

Facebook
Like Facebook Page and Follow