Loading Page: പ്രതീക്ഷ നല്‍കുന്ന ഉപതെരഞ്ഞെടുപ്പ് ഫലങ്ങള്‍

രാഷ്ട്രീയ വിശകലനം

ഗുജറാത്ത് തെരഞ്ഞെടുപ്പിന് ശേഷം നടന്ന സുപ്രധാനമായ ഉപതെരഞ്ഞെടുപ്പുകളില്‍ രാജസ്ഥാനില്‍ ബിജെപി ദയനീയമായി തോറ്റമ്പി. പശ്ചിമബംഗാളില്‍ തൃണമൂല്‍ വന്‍ വിജയം നേടി. അടുത്ത വര്‍ഷം നടക്കുന്ന പൊതു തെരഞ്ഞെടുപ്പില്‍ മതേതര കക്ഷികള്‍ക്ക് ഒന്നിച്ചു നിന്നാല്‍ മോഡി സര്‍ക്കാരിനെ താഴെയിറക്കാമെന്നു ആത്മവിശ്വസം നല്‍കുന്ന തെരഞ്ഞെടുപ്പ് ഫലങ്ങളാണ് വന്നിരിക്കുന്നത്. കഴിഞ്ഞ തെരഞ്ഞെടുപ്പില്‍ ബിജെപി വലിയ ഭൂരിപക്ഷത്തിനു ജയിച്ച രണ്ടു ലോകസഭാ മണ്ഡലങ്ങളിലാണ് ഇത്തവണ വന്‍ ഭൂരിപക്ഷത്തോടെ കോണ്‍ഗ്രസ്സ് വിജയിച്ചത് .

ബംഗാളില്‍ ലോകസഭാ സീറ്റിലും നിയമസഭാ സീറ്റിലും ബിജെപി രണ്ടാമതെത്തിയെങ്കിലും തൃണമൂലിന്റെ പകുതി വോട്ട് പോലും കിട്ടിയില്ല. സിപിഐ(എം) രണ്ടിടത്തും മൂന്നാം സ്ഥാനത്തായി. ഇത് സുപ്രധാനമായ രണ്ടു കാര്യങ്ങള്‍ കാണിക്കുന്നു. ഒന്ന്, അടുത്ത തെരഞ്ഞെടുപ്പില്‍ ബിജെപിക്ക് ഒരു സീറ്റ് പോലും അവിടെ നിന്ന് കിട്ടാതാക്കാന്‍ മതേതര ശക്തികള്‍ക്ക് കഴിയും. രണ്ട്, സിപിഎം-ന് ഇനിയൊരു തിരിച്ചു വരവ് വേണമെങ്കില്‍ അതിന് അതിന്റെ രാഷ്ട്രീയം, സംഘടന, പ്രത്യയശാസ്ത്രം എന്നിവയില്‍ അടിസ്ഥാനപരമായ ഒരു അഴിച്ചു പണിയേണ്ടിവരും.

പ്രതിപക്ഷ പാര്‍ട്ടികള്‍ ഡല്‍ഹിയില്‍ യോഗം ചേര്‍ന്ന് കൊണ്ടിരിക്കുമ്പോഴായിരുന്നു തെരഞ്ഞെടുപ്പ് ഫലം വന്നത്. കോണ്‍ഗ്രസ്സ്, എസ.പി, തൃണമൂല്‍, സിപിഐ, സിപിഐ(എം), എന്‍സിപി എന്നിവയാണ് ഒന്നിച്ചു ചേര്‍ന്നത്.

കോണ്‍ഗ്രസ്സും ബിജെപിയും മാത്രമുള്ള സംസ്ഥാനങ്ങളില്‍ ബിജെപി നടത്തിയ തൂത്തുവാരലാണ് കഴിഞ്ഞ തെരഞ്ഞെടുപ്പില്‍ മോഡിയെ തുണച്ചത്. ഇപ്പോള്‍ ഗുജറാത്തിലും രാജസ്ഥാനിലും കോണ്‍ഗ്രസ്സ് മുന്നോട്ടുവന്നത് അടുത്ത തെരഞ്ഞെടുപ്പില്‍ മോദിയെ താഴെയിറക്കണം എന്ന അടിയന്തിരാവശ്യത്തിന് വലിയ ഉത്തേജനമാണ് നല്‍കുന്നത്.

ഈ ഫലങ്ങള്‍ സിപിഐ(എം)ലെ കാരാട്ട് പക്ഷത്തിന്റെ അടിസ്ഥാന വാദഗതിയെയും നിലം പരിശാക്കി. കഴിഞ്ഞ നവംബര്‍ 29 നു ''ദ ഹിന്ദു ''പത്രത്തിന് നല്‍കിയ അഭിമുഖത്തില്‍ കാരാട്ട് ഉയര്‍ത്തിയ വാദം ''അടുത്ത തെരഞ്ഞെടുപ്പില്‍ കോണ്‍ഗ്രസ്സിന്റെ നേതൃത്വത്തില്‍ എന്തെങ്കിലും ചില സഖ്യമുണ്ടായേക്കാം, പക്ഷേ ബിജെപി സര്‍ക്കാരിനെ തടയാന്‍ അത് പര്യാപ്തമാകില്ല ''എന്നതായിരുന്നു. ഇപ്പോള്‍ രണ്ടു മാസത്തിനു ശേഷം കാരാട്ടിനങ്ങനെ പറയാന്‍ കഴിയില്ല. അഥവാ പറഞ്ഞാല്‍, അത് തനി ബിജെപി വക്കാലത്ത് ആയി ആരും തിരിച്ചറിയും.

ഇനി വേണ്ടത്, ഈ വിജയങ്ങളില്‍ അമിതാത്മവിശ്വസം കാട്ടാതെ പൊതുതെരഞ്ഞെടുപ്പില്‍ സകല വിധ കുത്തിത്തിരിപ്പുകള്‍ക്കുമെതിരെ ഉറച്ചുനിന്നു പൊരുതാന്‍ കഴിയുന്ന ഒരു പ്രതിപക്ഷ മുന്നണി പടുത്തുയര്‍ത്തുകയെന്നതാണ്. ബജറ്റിനെ രൂക്ഷമായി വിമര്‍ശിച്ചുകൊണ്ട് തെലുങ്കുദേശം പാര്‍ട്ടി രംഗത്ത് വന്നതിനെ ഒരു സൂചനയായെടുക്കാമെങ്കില്‍ പല ബിജെപി സഖ്യകക്ഷികളും ബിജെപിയെ കൈവിട്ടേക്കാം. അതിനെയൊക്കെ എങ്ങനെ മുതല്‍ക്കൂട്ടാക്കാമെന്ന ആലോചനകളും വേണം. ബിജെപി യുടെ ബ്‌ളാക്ക്മെയ്ലിംഗ് രാഷ്ട്രീയത്തിന് വിരട്ടാന്‍ കഴിയാത്ത ഒരു നേതൃ വ്യക്തിത്വത്തിന്റെ പ്രാധാന്യവും ഇന്ന് വ്യക്തമാണ്. അവിടെയാണ് സിപിഐ(എം) എടുക്കാന്‍ പോകുന്ന യാഥാര്‍ഥ്യബോധമുള്ള ഒരു നയം പ്രസക്തമാകുന്നത്.
ഈ കുറിപ്പെഴുതുമ്പോള്‍ തുലാമാസ പൂജക്ക് നട തുറന്നപ്പോള്‍ അയ്യപ്പദര്‍ശന...
മോഹന്‍ലാല്‍ A.M.M.A യുടെ പ്രസിഡന്റായ ശേഷം തങ്ങളെ ചര്‍ച്ചക്ക് വിളിച്ച...
നരേന്ദ്ര മോഡി സര്‍ക്കാര്‍ അധികാരമേറ്റശേഷം ലോകസഭാ തെരഞ്ഞെടുപ്പിനു മുമ...
നരേന്ദ്ര മോഡി സർക്കാരിന് ആറുമാസം കൂടി ഭരിക്കാം. അതിനിടയിൽ എപ്പോൾ വേണ...
'ബാങ്കുകളുടെ കിട്ടാക്കടം 20.70 ലക്ഷം കോടി ' - മലയാളനോരമ പത്രത്തില്‍...
തന്റെ ഭരണകാലത്ത് ഇന്ന് വന്ന ഭരണഘടനാ പ്രശ്‌നങ്ങളെല്ലാം കേള്‍ക്കാന്‍ ത...
സഖാവ് കൊടിയേരി ബാലകൃഷ്ണന്‍ കേളത്തിലെ കമ്യണിസ്റ്റ് എന്നവകാശപ്പെടുന്ന...
കെ.എം മാണി ഉള്‍പ്പെട്ട ബാര്‍ കോഴക്കേസ് പൂട്ടിക്കെട്ടിക്കൊണ്ടുള്ള കോട...
കേരളം കണ്ട മഹാപ്രളയത്തിന് ഒരു മാസമെത്തുന്നു. ആഗസ്റ്റ് 17-ഓടെയാണ് ഏറ്...
രാജ്യത്തിന്റെ സമ്പദ്ഘടനയെ തകര്‍ത്ത പെരുങ്കൊള്ളകള്‍ മോഡിയും ധനമന്ത്രി...
കന്യാസ്ത്രീകള്‍ ഫ്രാങ്കോ ബിഷപ്പിനെതിരെ നടപടിയാവശ്യപ്പെട്ട് തെരുവില്‍...
അനുദിനം പെട്രോളിയം വില വര്‍ദ്ധിപ്പിക്കുന്ന മോഡി സര്‍ക്കാര്‍ നയത്തിന...
കേരളത്തിന്റെ ചരിത്രത്തില്‍ ഈ ദിവസം ( September 8 ) ഒരു ചരിത്ര നിമിഷമ...
ഇന്ത്യന്‍ പീനല്‍ കോഡിലെ 377-ാം വകുപ്പ് റദ്ദാക്കിക്കൊണ്ട് ഇന്നലെ സുപ്...
തൊട്ടു കഴിഞ്ഞ സാമ്പത്തിക പാദത്തില്‍ ഇന്ത്യയുടെ ജി.ഡി.പി 8.2 ശതമാനം വ...
ഇന്ത്യാ ചരിത്രത്തിലെ ഏറ്റവും വെറുക്കപ്പെട്ട കഥാപാത്രമാണ് ജാലിയന്‍വാല...
ഭീമാ-കോറേഗാവ് ദളിത് കൂട്ടായ്മക്കെതിരെ സംഘപരിവാര്‍ പിന്നില്‍ നിന്നു ക...
കേരളം ഇപ്പോള്‍ നേരിട്ട പെരുമഴ ദുരന്തം ഭാവി കേരളം എങ്ങനെയായിരിക്കണം എ...
See all Stories

Sponsored Advertisments

Facebook
Like Facebook Page and Follow