അല്‍ഫോന്‍സ് കണ്ണന്താനം കേന്ദ്രമന്ത്രി കേരളം സ്ഥാനം തരപ്പെടുത്തിയ ''മഹാനേട്ട''ത്തിന്റെ പേരില്‍ അയാളെ അഭിനന്ദിക്കാന്‍ കേരള മുഖ്യമന്ത്രി പിണറായി വിജയന്‍ ഡല്‍ഹിയിലെ കേരള ഹൗസില്‍ അയാള്‍ക്ക് വിരുന്നൊരുക്കുന്നുവെന്ന വാര്‍ത്ത കേരളത്തിലെ ഇടതുപക്ഷവിഭാഗങ്ങളെ അത്ഭുതപ്പെടുത്തിയേക്കില്ലെങ്കിലും അസ്വസ്ഥരാക്കുമെന്നുറപ്പാണ്. എന്തിന്റെ പേരിലാണ് അയാള്‍ കേരളം തെരഞ്ഞെടുത്ത മുഖ്യമന്ത്രി വിരുന്നു നല്‍കി ആദരിക്കേണ്ട ഒരാളാകുന്നത്? യാതൊരു വിധ തത്വദീക്ഷയുമില്ലാതെ സ്വന്തം സ്ഥാനമാനലബ്ധിക്കായി അപ്പപ്പോള്‍ കാലുമാറുന്നത് ഏറ്റവും അനുകരണനീയമായ ഒരു ഗുണമാണെന്നു മുഖ്യമന്ത്രിയും കേരളത്തിലെ സി.പി.ഐ.എം നേതൃത്വവും കരുതുന്നുവെന്നതാണോ അതിനര്‍ത്ഥം? അതല്ല, എങ്ങനെയും മോദി സര്‍ക്കാരിനെ പ്രീണിപ്പിച്ചു അഞ്ചു കൊല്ലം സുഖമായി ഭരിച്ചുപോകാന്‍ അല്‍ഫോന്‍സ് കണ്ണന്താനത്തിനെ ഒരു പാലമാക്കാമെന്ന പ്രായോഗിക കണക്കു കൂട്ടലാണോ? രണ്ടായാലും സിപിഐഎം കേന്ദ്ര നേതൃത്വത്തിന്റെ ഒരു വിശദീകരണം ഇക്കാര്യത്തില്‍ രാജ്യത്തെ ഇടതുപക്ഷ ജനവിഭാഗങ്ങള്‍ അര്‍ഹിക്കുന്നുണ്ട്.

അല്‍ഫോന്‍സ് കണ്ണന്താനം സ്വന്തം കരിയര്‍ കരുപ്പിടിപ്പിക്കുക എന്നതിനപ്പുറം എന്തെങ്കിലും രാഷ്ട്രീയ നിലപാടുകള്‍ ഒരു കാലത്തും വച്ച് പുലര്‍ത്തിയിട്ടില്ല. സ്വന്തം ഭരണ നേട്ടങ്ങള്‍ കൊട്ടിപ്പാടി നടന്ന അയാള്‍ നല്ല ആഡ്യ മധ്യ തിരുവിതാം കൂര്‍ നസ്രാണിയാണെന്ന നിലക്കു മനോരമ ഊതി കാറ്റു വീര്‍പ്പിച്ചു വളര്‍ത്തി. ഇടതുപക്ഷം കാഞ്ഞിരപ്പള്ളി പിടിക്കാന്‍ അയാളെ സ്ഥാനാര്‍ത്ഥിയാക്കിയപ്പോള്‍ ഭാഗ്യത്തിന് അയാള്‍ ഒരു എം.എല്‍.എ ആയി. അതുവച്ചുകൊണ്ടു ഒരു എന്‍ട്രന്‍സ് പരിശീലന സ്ഥാപനം തുടങ്ങി നാലു കാശുണ്ടാക്കുന്നതിനിടയിലാണ് മോദിയെ നേരിട്ട് കണ്ടു രാഷ്ട്ര സേവനത്തിനു ദേശീയ തലത്തില്‍ അവസരം ചോദിയ്ക്കാന്‍ തീരുമാനിച്ചത്! ഇപ്പോള്‍ മോഡി കേന്ദ്രമന്ത്രി കൂടിയാക്കുമ്പോള്‍ സമയം നോക്കി അപ്പപ്പോള്‍ ''ഏതേത് അഴകനെയാണ് അപ്പാ'' എന്ന് വിളിക്കേണ്ടതെന്ന തന്റെ തെരഞ്ഞെടുപ്പിന്റെ ഗാംഭീര്യത്തില്‍ സ്വയം മറന്നു തുള്ളിച്ചാടുകയാണയാള്‍. അയാള്‍ കേന്ദ്ര മന്ത്രിയായി എന്ന് കേട്ടയുടന്‍ പിണറായിയുടെ ഗംഭീര അനുമോദനം വന്നു. ഇപ്പോള്‍ വിരുന്നും നല്‍കുന്നു. വര്‍ഗീയ സംഘപരിവാറിന്റെ കുഴലൂത്തുകാരനാകാന്‍ തയ്യാറായ അവസരവാദി എന്ന് എത്രയോ വേദികളില്‍ ഇയാളെ വിമര്‍ശിച്ച സാധാരണ പാര്‍ട്ടി പ്രവര്‍ത്തകരുടെ ആത്മവീര്യം ഇതോടെ എത്ര വലിയ അളവില്‍ ഉയര്‍ന്നുകാണും? അവരെല്ലാം തലയില്‍ മുണ്ടിട്ടു നടക്കണോ അതോ കണ്ണന്താനത്തോട് മാപ്പു പറയണോ, അതല്ല, ഇതാണ് പുതിയ രാഷ്ട്രീയം എന്ന് ''ആദ്യേ പുതിയെ' തറ പറ മുതല്‍ പഠിച്ചു തുടങ്ങണോ?

കേന്ദ്രത്തില്‍ നിന്ന് പിന്തുണയുറപ്പാക്കി ഭരിച്ചു പോകുക എന്ന ''നല്ല പാഠം''പിണറായി ഇവിടെ പഠിക്കുന്നതാണ് നാം കാണുന്നത്. കേന്ദ്രത്തിന്റെ വികസന സങ്കല്പവുമായി പിണറായിക്കു യാതൊരു പ്രായോഗിക എതിര്‍പ്പുമില്ല എന്നതും ഇതിലൂടെ തുറന്നു പറയുന്നു! ജി.എസ.ടി വന്നപ്പോള്‍ പ്രായോഗികമായി കേരളത്തിന് ഗുണം കിട്ടും എന്ന് പറഞ്ഞു അതിന്റെ നടത്തിപ്പുകാരില്‍ പ്രധാനിയായി കേരള ധനകാര്യമന്ത്രി മാറിയിരുന്നു. താത്വികമായി വേണമെങ്കില്‍ എതിര്‍ക്കാം, പക്ഷെ അത് കൊണ്ട് കാര്യമില്ല എന്ന അന്നത്തെ നിലപാട് യാദൃശ്ചികമായിരുന്നില്ല എന്നും ഇപ്പോള്‍ ഒന്ന് കൂടി വ്യക്തമാകുന്നു. സിപിഎം കേന്ദ്ര നേതൃത്വം നവലിബറല്‍ നയമാണ് മാനദണ്ഡം, അതില്‍ നിലപാടെടുക്കാത്ത ഒരു കക്ഷിയുമായും ഒരു ധാരണയും പാടില്ല എന്ന് ഊന്നിയൂന്നി പറയുമ്പോള്‍ ആ നിലപാടിന്റെ ശക്തരായ പിന്താങ്ങികളാണ് കേരളസഖാക്കള്‍! അവര്‍ ജി.എസ്.ടി യുടെ വക്കാലത്തുകാരാകുന്നതിലോ, കണ്ണന്താനത്തിന്റെ മോദീസേവക്കു വിരുന്നൊരുക്കുന്നതിലോ രാഷ്ട്രീയമില്ല, കേന്ദ്രവുമായി നല്ല ബന്ധം വേണം എന്ന സദുദ്ദേശമേയുള്ളു! അത് കൊണ്ട് തന്നെ അത് നവ-ലിബറല്‍ വിരുദ്ധമാണ് താനും! ഈ നിലപാടിലുള്ള അടിമുടി വൈരുധ്യം ഈ പാര്‍ട്ടിയെ കുറിച്ചൊരു ചുക്കും അറിയാത്തവരായതുകൊണ്ടു വിമര്‍ശകര്‍ക്ക് മനസ്സിലാകാത്തതാണ്

എന്തായാലും കണ്ണന്താനം അനുമോദനാര്‍ഹനാകുന്ന ആ ഇടതുപക്ഷ രാഷ്ട്രീയം ഇടതുപക്ഷത്തിന്റെ കുഴിതോണ്ടലാണെന്നു വിശ്വസിക്കുന്നവരാകും ഇനിയും തനി അവസരവാദികളായിട്ടില്ലാത്ത കേരളത്തിലെ മതേതര ജനാധിപത്യ ചിന്താഗതിക്കാരിലെ ഭൂരിപക്ഷവും.

Studies and Blogs

കേരളത്തില്‍ യുഡിഎഫിനെ പിന്തള്ളി ആദ്യം പ്രതിപക്ഷവും അടുത്ത നിയമസഭാ തെ...
ക്ഷേത്രങ്ങളിലെ പ്രശ്‌നം വെപ്പുകള്‍ ഏതെല്ലാം താല്പര്യങ്ങള്‍ സംരക്ഷിക്...
മലയാറ്റൂരിന്റെ പട്ടാളക്കഥകള്‍ പ്രസിദ്ധം. പക്ഷേ കേരളത്തിലിപ്പോള്‍ പോല...
കീഴൂട്ട് രാമന്‍ പിള്ളയുടെ ചെറുമകനാണ് ഗണേശ്കുമാര്‍ കേരളത്തില്‍ അഴിമതി...
ഇന്നും നമ്മുടെ 'ഇടതുപക്ഷ ജനാധിപത്യ' കേരളമടക്കം, ലോകം എത്രമാത്രം യൂറോ...
കഴിഞ്ഞ മെയ് ആരംഭം മുതല്‍ കേരളത്തില്‍ സാധാരണഗതിയില്‍ നിന്നു വ്യത്യസ്ത...
കണ്ണൂരിലെ രാഷ്ട്രീയക്കൊലപാതകങ്ങളുടെ ചരിത്രവും വര്‍ത്തമാനവും കൈാര്യം...
ഇന്ത്യന്‍ പൊതുമേഖലാ ബാങ്കുകളുടെ കിട്ടാക്കടം 7,77,280 കോടിയും സ്വകാര്...
സിംഗപ്പൂരില്‍ നടന്ന ചര്‍ച്ചകളില്‍ അമേരിക്കന്‍ പ്രസിഡന്റ് ട്രംപും ഉത്...
ലോകത്തെ ഏറ്റവും വികസിത മുതലാളിത്ത രാജ്യങ്ങളുടെ വേദിയായ ജി-7 യോഗം ഇത്...
കേരളത്തിലെ സംഘപരിവാര്‍ പത്രമായ ജന്മഭൂമിയുടെ ഫ്രണ്ട് പേലിലെ കഴിഞ്ഞ ദി...
പ്രധാനമന്ത്രി നരേന്ദ്രമോഡിയെ റോഡ് ഷോയ്ക്കിടെ രാജീവ് ഗാന്ധിയെ വധിച്ചത...
കഴിഞ്ഞ 40 ലേറെ വര്‍ഷങ്ങളായി കോണ്‍ഗ്രസ് രാഷ്ട്രീയത്തില്‍ പ്രബലനായി തി...
കഴിഞ്ഞ ധനകാര്യവര്‍ഷത്തില്‍ കേരളത്തിന്റെ സമ്പദ്സ്ഥിതി വഷളായതായി ചൂണ്ട...
ഇന്ത്യന്‍ ബാങ്ക്സ് അസോസിയേഷന്‍ ധനകാര്യ സ്റ്റാന്‍ഡിംഗ് കമ്മിറ്റിക്കു...
ഈവര്‍ഷവും ലോകപരിസ്ഥിതി ദിനത്തിന്റെ ഭാഗമായി വലിയ പരിപാടികളാണ് കേരളത്ത...
കഴിഞ്ഞവര്‍ഷം മഹാരാഷ്ട്രയിലും മധ്യപ്രദേശും രാജസ്ഥാനും ഉള്‍പ്പെടെ ഉത്ത...
കേരളം കഴിഞ്ഞ ചില ദശകങ്ങളായി നടത്തിക്കൊണ്ടിരുന്ന സാമൂഹ്യമായ പിന്‍ നടപ...
See all Stories

Sponsored Advertisments

Facebook
Like Facebook Page and Follow