പിണറായി സര്‍ക്കാരിലെ മന്ത്രിമാരിലെ വമ്പന്‍ പണച്ചാക്കാണ് തോമസ് ചാണ്ടി. അദ്ദേഹം മാര്‍ത്താണ്ഡം കായലടക്കം കൈയ്യേറിയതും സ്വന്തം റിസോര്‍ട്ടിലേക്ക് സര്‍ക്കാര്‍ ചെലവില്‍ റോഡ് ടാര്‍ ചെയ്യിച്ചതുമെല്ലാം കഴിഞ്ഞ കുറച്ചു ദിവസങ്ങളായി വലിയ വിവാദ വിഷയങ്ങളായി നിലനില്ക്കുകയാണ്. കടല്‍, കായല്‍ തീരങ്ങളിലെ നിര്‍മ്മാണ പ്രവര്‍ത്തനങ്ങളുമായി ബന്ധപ്പെട്ട തീരദേശ പരിപാലന നിയമം വളരെ കര്‍ശനമായി കേന്ദ്രസര്‍ക്കാര്‍ ഇന്ന് പട്ടിണിപ്പാവങ്ങളുടെ കാര്യത്തില്‍ നടപ്പാക്കുന്നുണ്ട്. അതുകൊണ്ട് കടലോര, കായലോര മത്സ്യത്തൊഴിലാളികള്‍ക്ക് ഒരു ചെറിയ 'പക്കാ' വീടുവക്കല്‍ ഇന്ന് ബാലികേറാ മലയാണ്. ഭൂമിക്ക് ഇന്ന് തീരപ്രദേശങ്ങളില്‍ നിലനില്ക്കുന്ന റിയല്‍ എസ്റ്റേറ്റ് വിലയനുസരിച്ച് തീരത്തു നിന്ന് നൂറു മീറ്റര്‍ മാറി രണ്ടോ മൂന്നോ സെന്റ് സ്ഥലം വാങ്ങല്‍ സാധാരണക്കാര്‍ക്ക് പ്രായോഗികമല്ല. അതുകൊണ്ട് മത്സ്യത്തൊഴിലാളികള്‍ക്ക് വീടും വേണ്ട.

എന്നാല്‍ തോമസ് ചാണ്ടി കൂറ്റന്‍ റിസോര്‍ട്ട് പടുത്തുയര്‍ത്തി. ലേക്കിലേക്ക് നല്ല 'വ്യൂ' കിട്ടുന്ന ഗംഭീര റിസോര്‍ട്ട്. അതിനോട് ചേര്‍ന്ന് കായലും നല്ലൊരു പങ്കും സ്വന്തം സ്വകാര്യ സാമ്രാജ്യത്തിലേക്ക് വേലി കെട്ടി തിരിച്ചെടുത്തു. ഇതെല്ലാം വിവാദ വിഷയമായപ്പോള്‍ ആദ്യം ഉയര്‍ന്നു കേട്ടവാദം മുന്‍ യു.ഡി.എഫ് സര്‍ക്കാരാണ് ഇതില്‍ മിക്കതിനും അനുമതി കൊടുത്തതെന്നാണ്. ശരിയാണ് കേരളത്തില്‍ ഒരു നിശ്ചിത നിലവാരത്തിനു മുകളില്‍ പണമുണ്ടെങ്കില്‍ പിന്നെ അവിടെ രാഷ്ട്രീയം ബാധകമാകില്ല. പിന്നെ വികസനമെന്നാണ് കാര്യങ്ങളെ വിളിക്കുക. വികസനത്തില്‍ രാഷ്ട്രീയം പാടില്ലല്ലോ!

ഇരുമുന്നണികളുടെയും സഹായത്തോടെയാണ് 'വികസനം' നടന്നതെന്നു വന്നിട്ടും ചില ചാനലുകള്‍ കാര്യങ്ങള്‍ വെറുതെ വിടുന്നില്ല. അങ്ങനെ നഗരസഭയില്‍ ഇതുമായി ബന്ധപ്പെട്ട രേഖകള്‍ തപ്പാനിറങ്ങി. 31 ഫയലുകള്‍ ഉടനടി പുക പോലെ വായുവില്‍ ലിയച്ചു! കുറച്ചു ദിവസമേ കഴിഞ്ഞുള്ളു, അതില്‍ 18 എണ്ണം വീണ്ടും നാടകീയമായി പൊങ്ങി. പക്ഷേ അതില്‍ സുപ്രധാന ചില രേഖകള്‍ മാത്രം കാണാനില്ല.

എങ്ങനെയാണീ രേഖകള്‍ പൊങ്ങുന്നതും മുങ്ങുന്നതും? എല്ലാവര്‍ക്കും മറിയാം അതിന്റെ രഹസ്യം എന്നാലും 'നവലിബറല്‍ വിരുദ്ധ' ജനകീയ മന്ത്രിസഭയില്‍ തോമസ് ചാണ്ടി മന്ത്രിയായിത്തുടരുന്നു. മുങ്ങലിലും പൊങ്ങലിലും മാത്രമല്ല ആര്‍ക്കും നേരിട്ടു കാണാവുന്ന പ്രകടമായ കൈയ്യേറ്റങ്ങളിലും രേഖാപരമായ തെളിവില്ല. തോമസ് ചാണ്ടി ഇന്നത്തെ നിലിയില്‍ ടൂറിസവും ബിസിനസ്സും വികസിപ്പിച്ചാല്‍ റിസോര്‍ട്ടുകള്‍ക്ക് ചെറിയൊരു പേരുമാറ്റം വേണ്ടിവരും. എല്ലാറ്റിനും പേര് ഹെവന്‍(സ്വര്‍ഗ്ഗം) വ്യൂ എന്നാക്കണ്ടിവരും. കായലൊന്നും വീക്ഷിക്കാനായി ബാക്കി കാണില്ല. ഒരു പ്രധാനമന്ത്രി തന്നെ പ്രതിഫലം വാങ്ങാതെ രാജ്യത്തെ ഏറ്റവും വലിയ പണച്ചാക്കിന്റെ മൊബൈല്‍ ഫോണിന്റെ പരസ്യക്കാരനാകുന്ന നാടാണിത്. അവിടെ തോമസ് ചാണ്ടി കുറച്ചു കായല്‍ വികസിപ്പിക്കുന്നതില്‍ തെറ്റെന്താണ്?

വിദേശ-സ്വദേശ ടൂറിസ്റ്റുകളെ ആകര്‍ഷിച്ച് വരുമാനവും നികുതിയും തൊഴിലും സംസ്ഥാനത്തിനും ജനങ്ങള്‍ക്കും ഉണ്ടാക്കുന്ന ഒരേര്‍പ്പാടിനെ വിമര്‍ശിക്കുന്നതതു ശരിയോ? തോമസ് ചാണ്ടിയുടെ വികസനം 'നവ ലിബറല്‍' നയത്തില്‍പ്പെടുമോ? ഇല്ല. അത് 'ഓള്‍ഡ് ലിബറല്‍' നയമാണ്. 'കാട്ടിലെ തടി, തേവരുടെ ആന, വലിയെടാ വലി' എന്നായിരുന്നു അതിന്റെ പഴയകാലത്തെ പേര്. അതുകൊണ്ട് ഫയലുകള്‍ മുങ്ങുപൊങ്ങും. അതൊന്നും മന്ത്രി അറിഞ്ഞിട്ടില്ല. അഥവാ അറിഞ്ഞതിന് തെളിവില്ല. താന്‍ ഒരിഞ്ചെങ്കിലും കൈയ്യേറിയെന്നു തെളിഞ്ഞാല്‍ തന്റെ സ്വത്തു മുഴുവന്‍ പ്രതിപക്ഷ നേതാക്കള്‍ക്ക് എഴുതിക്കൊടുക്കാന്‍ തയ്യാറാണെന്ന് മന്ത്രി പറഞ്ഞത് മറ്റെവിടെയുമല്ല, നിയമസഭയിലാണ്. തെളിയില്ലെന്ന് അത്രമാത്രം അദ്ദേഹത്തിനുറപ്പുണ്ട്. അത് കേട്ടപാടെ ഞെട്ടിവിറച്ച ഫയലുകള്‍ കാശിക്കുപോയി. പിന്നെ ചിലരൊക്കെ തിരിച്ചുവന്നത് ഉള്ളിലുള്ള ബോബ് പോലുള്ള ചില കടലാസുകളൊഴിവാക്കിയാണ് ഇതിലൊന്നും മന്ത്രിക്ക് കൈയ്യുള്ളതായി ഒരു ഫയലും സാക്ഷി പറഞ്ഞിട്ടില്ല. അതു കൊണ്ട് തോമസ് ചാണ്ടി മന്ത്രിസഭയിലിരുന്ന് ബാക്കി കാലവും നവ ലിബറല്‍ വിരുദ്ധ സോഷ്യലിസ്റ്റ് നയം നടപ്പാക്കും. പട്ടി കുരക്കന്നതു കേട്ട് സാര്‍ത്ഥവാഹകസംഘം വഴി മാറാറില്ല.

Studies and Blogs

ഡല്‍ഹി- നാഷണല്‍ ക്യാപിറ്റല്‍ പ്രദേശത്ത് പടക്കങ്ങള്‍ പൊട്ടിക്കുന്നതു...
കര്‍ഷകര്‍ക്ക് ഒരു രൂപ പോലുള്ള തച്ഛമായ നഷ്ടപരിഹാരം, ഗോരഖ് പൂരിലെ ഓക്സ...
മനുഷ്യാവസ്ഥയെ രേഖപ്പെടുത്തുക, അത് സത്യസന്ധമായി രേഖപ്പെടുത്തുക ഇതു മാ...
ഒരേ സമയത്ത് കാലാവധി കഴിയുന്ന നിയമസഭകളാണ് ഹിമാചല്‍ പ്രദേശിലും ഗുജറാത്...
കേരളത്തിലെ പ്രമുഖ സൂപ്പര്‍ സ്റ്റാര്‍ ദിലീപ് ബലാത്സംഗ കൊട്ടേഷന്‍ നല്ക...
വരാന്‍ പോകുന്ന പാര്‍ട്ടി കോണ്‍ഗ്രസ്സില്‍ അവതരിപ്പിക്കാനായി സി.പി.ഐ (...
ജെ.എന്‍.യു. വിദ്യാര്‍ത്ഥി നജീവിനെ കാണാതായിട്ട് ഒരു വര്‍ഷം കഴിയുകയാണ്...
വേങ്ങര ഉപതെരഞ്ഞടുപ്പു ഫലങ്ങള്‍ പുറത്തു വന്നിരിക്കുകയാണ്. ഇടതുമുന്നണി...
പൂജാരികളും ശാന്തികളും ആകുന്നതോടെ ദലിതു-പിന്നാക്ക വിഭാഗങ്ങളുടെ സാമൂഹി...
സോളാര്‍ കമ്മീഷന്‍ റിപ്പോര്‍ട് സമര്‍പ്പിച്ചു രണ്ടാഴ്ചക്കുശേഷം മുഖ്യമന...
കമ്മ്യുണിസ്റ്റ് ഭീകരതയില്‍ നിന്നും ജിഹാദി ഭീകരതയില്‍ നിന്നും കേരളത്ത...
ഉടനടി നടക്കാനിരിക്കുന്ന പാര്‍ലമെന്റ് തെരഞ്ഞെടുപ്പിന് മുന്നോടിയായി നേ...
മോഡി സര്‍ക്കാരിന്റെ കഴിഞ്ഞ ക്യാബിനറ്റ് പുനഃസംഘടനയില്‍ റെയില്‍വേ മന്ത...
നീതി ആയോഗ് മുന്നോട്ടുവച്ചിരിക്കുന്ന കരട് ഊര്‍ജ്ജനയം 2017നും 2040നു മ...
മനുഷ്യര്‍ ആഫ്രിക്കയില്‍ നിന്ന് കുടിയേറിയത് കാലാവസ്ഥാ മാറ്റം മൂലമാണെന...
ഹമീദ് കര്‍സായി - അഫ്ഗാനിസ്ഥാനില്‍ വളരെ നീണ്ടകാലം അമേരിക്കന്‍ പാവഭരണാ...
ദിലീപ് ജാമ്യം കിട്ടി പുറത്തുവന്നമ്പോള്‍ ഫാന്‍സിന്റെ പേരില്‍ പ്രകടിപ്...
ഗാന്ധിജയന്തി ദിനത്തില്‍, തന്റെ സ്വച്ഛഭാരത പ്രസ്ഥാനത്തിന്റെ മൂന്നുവര്...
See all Stories

Sponsored Advertisments

Facebook
Like Facebook Page and Follow