മോഡിയുടെ പ്രധാനമന്ത്രിയായ ശേഷമുള്ള വിദേശ സന്ദര്‍ശനങ്ങളിലെ തിളക്കമുള്ള രണ്ട് സംഭവങ്ങളായിരുന്നു അമേരിക്കന്‍ ഇന്ത്യക്കാരുടെ വമ്പന്‍ സമ്മേളനത്തെ അഭിസംബോധന ചെയ്ത ആദ്യ അമേരിക്കന്‍ സന്ദര്‍ശനവും ഗള്‍ഫ് സന്ദര്‍ശനവും. രണ്ടിടത്തും മോഡിക്കു കൈയ്യടിക്കാന്‍ നേരിട്ടും ടിവി ചാനലുകളിലുമായി ദശലക്ഷങ്ങള്‍ സന്നിഹിതരായിരുന്നു. മോഡിയുടെ ലക്ഷകണക്കിനു വരുന്ന സോഷ്യല്‍ മീഡിയാസംഘം അത് ഗംഭീരമായ ആഘോഷമാക്കുകയും ചെയ്തു. പക്ഷേ മൂന്നുവര്‍ഷത്തിനു ശേഷമിപ്പോള്‍ ട്രംപിനെ കാണാന്‍ അമേരിക്കയിലെത്തിയ മോഡി സന്ദര്‍ശനത്തിനു മുന്നോടിയായി വെര്‍ജീനിയയില്‍ നടത്തിയ പ്രസംഗം വാക്കുകള്‍കൊണ്ട് വളരെയേറെ ഊതിവീര്‍പ്പിക്കപ്പെട്ടതായിരുന്നുവെങ്കിലും ഒരു പരാജിതന്റെ പയ്യാരം പറച്ചില്‍ പോലെയായി ലോകത്തിനു മുന്നില്‍.
മോഡി ഏറ്റവുമുയര്‍ത്തിപ്പിടിച്ചത് പാക്കിസ്ഥാനെതിരായ സര്‍ജിക്കല്‍ സ്‌ട്രൈക്കാണ്. ആ സര്‍ജിക്കല്‍ സ്‌ട്രെക്കിനിരയായവരൊഴികെ ലോകത്ത് മറ്റാരും അക്കാര്യത്തില്‍ പരാതി പറഞ്ഞില്ലെന്നതാണ് തന്റെയും രാജ്യത്തിന്റെയും വലിയ നേട്ടമായി അദ്ദേഹം ഉദ്‌ഘോഷിച്ചത്. രാജ്യത്തിന്റെ സുരക്ഷക്കുവേണ്ടി കടുത്ത തീരുമാനങ്ങളെടുക്കാന്‍ മടിയില്ലെന്നും മോഡി പറഞ്ഞു. ഇന്ത്യയൊരു വികസിത രാജ്യമായി കാണാനാഗ്രഹിക്കുന്ന അമേരിക്കനിന്ത്യക്കാര്‍ക്കത് സ്വന്തം ജീവിതകാലത്ത് കാണാനാകും. ഇപ്പോള്‍ ചരിത്രത്തിലാദ്യമായി ശരിയായ വേഗത്തിലും ശരിയായ ദിശയിലുമാണ് കാര്യങ്ങള്‍ നടക്കുന്നത് എന്നും മോഡി പറഞ്ഞു. മൂന്നുവര്‍ഷ കാലത്ത് ഒരു ചെറിയ കറ പോലും തന്റെ ഭരണത്തെക്കുറിച്ചാര്‍ക്കും ചൂണ്ടിക്കാണിക്കാനായിട്ടില്ലെന്നും മോഡി വീമ്പടിച്ചു.
പക്ഷെ, ഈ എടുത്തുപറഞ്ഞ ഓരോ കാര്യവും കഴിഞ്ഞ മൂന്നുവര്‍ഷ ഭരണത്തിലെ ആദ്യ ദിിനങ്ങളിലെ വീമ്പടികള്‍ പാടെ പാഴായതിന്റെ ഓര്‍മ്മയുണര്‍ത്താന്‍ മാത്രമാണുപകരിച്ചത്.
ഒന്നാമത് ഭീകരവാദം തുടച്ചുമാറ്റുമെന്നു പറഞ്ഞിടത്തുനിന്ന് ഇന്ത്യയില്‍ എല്ലാത്തരം തീവ്രവാദവും ശക്തിപ്പെടുകയാണ് ചെയ്തത്. പാക്കിസ്ഥാനില്‍ കടന്ന് സര്‍ജിക്കല്‍ സ്‌ട്രൈക്ക് നടത്തിയതോടെ തീവ്രവാദം തകര്‍ന്നു, നോട്ട് നിരോധനത്തോടെ കള്ളനോട്ടു നിന്നു എന്നൊക്കെപ്പറഞ്ഞെങ്കിലും ജമ്മുകാശ്മീരില്‍ കലാപവും സര്‍ക്കാര്‍ വിരുദ്ധ വികാരവും രൂക്ഷമായതായി ഇന്ന് മെഹ്ബൂബാ മുഫ്ത്തിയടക്കം സമ്മതിക്കുകയാണ്. ഒരു യുവാവിനെ മനുഷ്യക്കവചമാക്കിയതും അതിനെ കരസേനമേധാവി തന്നെ ന്യായീകരിച്ചതും ലോകവ്യാപകമായി ഇന്ത്യയുടെ മനുഷ്യാവകാശ ലംഘനങ്ങളെ കുറിച്ച് ആശങ്കയുണര്‍ത്തുകയാണ് ചെയ്തത്.
സാമ്പത്തികരംഗമാണ് ഏറ്റവും ദയനീയമായത്. സ്വകാര്യമേഖലയുടെ വായ്പയെടുക്കല്‍ 1951നു ശേഷമുള്ള ഏറ്റവും കുറഞ്ഞ നിരക്കിലെത്തിയിരിക്കുമ്പോള്‍, നോട്ട് നിരോധന ഇരുട്ടടി മൂലം ഗ്രാമീണ മേഖലയുടെ നട്ടെല്ലൊടിഞ്ഞിരിക്കുമ്പോള്‍, എയര്‍ ഇന്ത്യെയെന്ന സര്‍ക്കാരിന്റെ പ്രസ്റ്റീജ് മഹാരാജാവിന് പാട്ടവിലപോലും കിട്ടാതെ നഷ്ടം കയറി മുടിഞ്ഞ് സ്വകാര്യമേഖലക്കേല്പിച്ചുകൊടുക്കുമ്പോള്‍ ശരിയായ നിലയില്‍, ശരിയായ വേഗത്തില്‍ ഒരു വലിയ സാമ്പത്തിക തകര്‍ച്ചയിലേക്കാണ് ഇന്ത്യ പോകുന്നതെന്നും അതിനു തടയിടാന്‍ മോഡിസര്‍ക്കാരൊന്നും ചെയ്യുന്നില്ലെന്നുമുള്ള ചിന്താഗതി സാമ്പത്തിക വൃത്തങ്ങളില്‍ ശക്തമാകുകയാണ്.
അഴിമതിയുടെ കാര്യമാണതിലും രസകരം. ലോകത്തെ പത്ത് അഴിമതിക്കാരായ ഭരണനേതാക്കളിലൊരാളെന്ന ബിരുദം ഈയിടെ മോഡിക്ക് ലഭിച്ചത് ആരും മറന്നീട്ടില്ല. വ്യാപം അഴിമതിയും, ഡിമോണിട്ടൈസേഷന്‍ കാലത്തെ വന്‍നോട്ടുമാറ്റല്‍ വെട്ടിപ്പുകളും മാറ്റിനിര്‍ത്തിയാല്‍ത്തന്നെ ബി.ജെപി നേതാക്കളുള്‍പ്പെട്ട ഒട്ടനവധി പെണ്‍വാണിഭം, രാജ്യരഹസ്യം ചോര്‍ത്തല്‍, കള്ളനോട്ടടി തുടങ്ങിയ വിവാദങ്ങള്‍ സകലസംസ്ഥാനങ്ങളിലും ഉയര്‍ന്നു വന്നു കൊണ്ടിരിക്കുകയാണ്. ബി.ജെപിയുടെ പ്രമുഖ നേതാക്കളും അവരുടെ ബിനാമികളെന്നാരോപിക്കപ്പെടുന്നവരുമാണ് എല്ലായിടത്തും പ്രതികള്‍. ഒടുവില്‍ തൃശ്ശൂരില്‍ പിടികൂടപ്പെട്ട യുവമോര്‍ച്ച കള്ളനോട്ട് നേതാവിനൊപ്പം തീപ്പൊരി 'രാജ്യദ്രോഹ' വിരുദ്ധരായ സുരേന്ദ്രന്‍, രാധാകൃഷ്ണന്‍, ശോഭാസുരേന്ദ്രന്‍ എന്നിവരൊക്കെയാണ് സോഷ്യല്‍ മീഡിയാ പോസ്റ്റുകളില്‍ അഭിമാനപൂര്‍വ്വം ചിരിച്ചുനില്ക്കുന്നത്. ഇതിനെല്ലാം ശേഷവും ഒരു കറപോലും പുരളാത്ത മൂന്നുവര്‍ഷ ഭരണമെന്ന് മോഡി പറഞ്ഞാല്‍ എഴുതാനും ഏറ്റുപാടാനും മാധ്യമങ്ങളുണ്ടാകും.പക്ഷെ അവയുടെ ഏറ്റുപാടല്‍ നടത്തുന്നത് അര്‍ണാബുമാരായാലും ജനങ്ങളിില്‍ പരിഹാസ്യത മാത്രമേയുണ്ടാക്കു.
എന്തായാലും ഒബാമക്കു മുന്നിലെ വേഷം കെട്ടലുകളൊന്നും ട്രംപിനു മുന്നിലില്ല. കോടിയുടെ കോട്ടിടുന്നില്ല, പ്രൊട്ടോക്കള്‍ ലംഘിക്കുന്ന പരിപാടികളുമില്ല. വെറും 20 മിനിട്ട് മാത്രമാണ് നേരിട്ടുള്ള കൂടിക്കാഴ്ച. ആദ്യ അമേരിക്കന്‍ സന്ദര്‍ശനം മാധ്യമങ്ങളിലെങ്കിലും വന്നു, കണ്ടു കീഴടക്കി എന്ന മട്ടിലാക്കിയ മോഡി മൂന്നുവര്‍ഷം കഴിയുമ്പോള്‍ വന്നു, ശരിക്കൊന്നു കാണാന്‍ പറ്റിയില്ല, തടി രക്ഷപ്പെടുത്താന്‍ പോലും കഴിഞ്ഞില്ല, എന്ന മട്ടില്‍ തിരിച്ചുവരുന്നതിന്റെ ദൃശ്യമാണ് പതിയെ തെളിഞ്ഞുവരുന്നത്.

Studies and Blogs

ഹൈദരാബാദില്‍ നടക്കുന്ന സി പി ഐ (എം) പാര്‍ട്ടി കോണ്‍ഗ്രസില്‍ രാഷ്ട്രീ...
ജ: ലോയ ദുരൂഹസാഹചര്യത്തില്‍ മരിച്ചതുമായി ബന്ധപ്പെട്ട് രാജ്യത്തെ വിവിധ...
ഹൈദരാബാദിലെ പഴയ സിറ്റിയിലെ മെക്കാ മസ്ജിദില്‍ 2007 മെയ് 18 നടന്ന ബോംബ...
പ്രതിഫലം വാങ്ങാതെ തങ്ങളുടെ വര്‍ഗ്ഗീയ ലക്ഷ്യങ്ങള്‍ക്കു വേണ്ടി അദ്ധ്വാ...
കേരളത്തിലടക്കം ആറെസ്സെസിന് അതിന്റെ വെറുപ്പിന്റെ, വിദ്വേഷത്തിന്റെ സംസ...
കാത്തുവ, ഉന്നാവോ ബലാത്സംഗങ്ങള്‍ക്കും കൊലയാളികളെ സംരക്ഷിക്കുന്ന സംഘപര...
കാത്തുവയിലെ ആറ് ബ്രാഹ്മണ പിശാചുക്കള്‍ ഒരാഴ്ചക്കാലം ഒരു ക്ഷേത്രത്തിനക...
'അച്ഛാ ദിന്‍' 'അക്കൗണ്ടിലും കള്ളപ്പണം പിടിച്ച് 15 ലക്ഷം രൂപ വീതം ഇട്...
രാജ്യത്തെമ്പാടും നടക്കുന്ന ദളിതര്‍ക്കെതിരായ അക്രമങ്ങള്‍ വര്‍ദ്ധിച്ചു...
കണ്ണൂര്‍, കരുണ മെഡിക്കല്‍ കോളജുകളിലെ വിദ്യാര്‍ത്ഥി പ്രവേശനം റദ്ദ് ചെ...
കഴിഞ്ഞ നാലു വര്‍ഷക്കാലമായി നരേന്ദ്രമോഡിയുടെയും അമിത് ഷായുടെയും മുഖ്യ...
SC/ST അതിക്രമം തടയല്‍ നിയമത്തിന്റെ പ്രയോഗത്തിന് സുപ്രീം കോടതി ഉയര്‍ത...
തൃശൂരില്‍ കഴിഞ്ഞ ദിവസം നടന്ന സെമിനാറില്‍ സി.പി.ഐ (എം) സെക്രട്ടറി കൊട...
മൈസൂരില്‍ തെരഞ്ഞെടുപ്പ് പ്രചരണത്തിന്റെ ഭാഗമായി SC/ST പ്രവര്‍ത്തരുടെ...
കീഴാറ്റൂര്‍ സമരം CPI (M) വിരുദ്ധ വലതുപക്ഷങ്ങളുടെ മഴവില്‍ സഖ്യമായി! വ...
ജനാധിപത്യ സാംസ്‌കാരിക കൂട്ടായ്മ കണ്ണൂരില്‍ സംഘടിപ്പിച്ച സാംസ്‌കാരിക...
തളിപ്പറമ്പിന്റെ ജലസംഭരണിയായി പ്രവര്‍ത്തിക്കുന്ന കീഴാറ്റൂര്‍ വയലുകളെ...
അമേരിക്കന്‍ പ്രസിഡന്റായി ഡൊണാള്‍ഡ് ട്രംപ് അധികാരമേറ്റിട്ട് ഒരു വര്‍ഷ...
See all Stories

Sponsored Advertisments

Facebook
Like Facebook Page and Follow