വിര്‍ജീനിയയിലെ ചാര്‍ലോട്ട്‌സ്വില്ലെയിലെ റോബര്‍ട്ട് ലീയുടെ പ്രതിമ നീക്കുന്നതിനെതിരെ വ്യാഴാഴ്ച ഡൊണാള്‍ഡ് ട്രമ്പ് പരസ്യമായി രംഗത്തുവന്നു. അതോടെ ട്രംപിനെതിരെ അമേരിക്കയിലാകെ ആഞ്ഞടിക്കുന്ന പ്രതിഷേധത്തിന് ശക്തി കൂടിയിരിക്കുകയാണ്. ട്രംപിന്റെ റിപ്പബ്ലിക്കന്‍ പാര്‍ട്ടിയിലെ പ്രമുഖരായ നിരവധി നേതാക്കന്മാര്‍ ട്രംപിന്റെ പേര് പറയാതെ അദ്ദേഹത്തിന്റെ നിലപാടുകള്‍ക്കെതിരെ കടുത്ത വിമര്‍ശനവുമായി രംഗത്തുവന്നതു തന്റെ പാര്‍ട്ടിയല്‍ തന്നെ ട്രംപ് കൂടുതല്‍ ഒറ്റപ്പെടുന്നതിന്റെ തെളിവാണ്. ട്രംപ് രൂപം കൊടുത്ത ബിസിനസ്സ് കൗണ്‍സിലുകളുടെ തലവന്മാരായ നിരവധി ബഹുരാഷ്ട്രക്കുത്തക കമ്പനികളുടെ മേധാവികള്‍ തങ്ങളുടെ സ്ഥാനം രാജിവച്ചു. ട്രംപിനെ വിമര്‍ശിച്ചു ബ്രിട്ടീഷ് പ്രധാനമന്ത്രി തെരേസ മേയും രംഗത്തുവന്നു.

1861-ല്‍ അബ്രഹാം ലിങ്കണ്‍ അമേരിക്കയില്‍ അടിമക്കച്ചവടം നിരോധിച്ചപ്പോള്‍ ഏഴ് തെക്കന്‍ സംസ്ഥാനങ്ങള്‍ അതംഗീകരിക്കാതെ യൂണിയന്‍ വിട്ടുപോകാന്‍ തീരുമാനിച്ചു. അവര്‍ എന്തുവിലകൊടുത്തും അടിമത്വം നിലനിര്‍ത്താന്‍ തീരുമാനമെടുത്തവരായിരുന്നു. അവര്‍ രൂപം കൊടുത്ത സൈന്യത്തിന്റെ തലവനായിരുന്നു റോബര്‍ട്ട് ലീ. വെള്ള വര്‍ണ്ണ വെറിയന്മാരാണ് അയാളുടെ പ്രതിമകള്‍ രാജ്യത്തുടനീളം സ്ഥാപിച്ചത്. വിര്‍ജീനിയ സംസ്ഥാനം ലീയുടെ പ്രതിമ നീക്കാന്‍ തീരുമാനിച്ചത് വെള്ളമേധാവിത്വവാദികള്‍ക്കും നവനാസികള്‍ക്കും സഹിച്ചില്ല. അവരാണ് പ്രതിമ നീക്കുന്നതിനെതിരെ കഴിഞ്ഞ ശനിയാഴ്ച പ്രകടനം സംഘടിപ്പിച്ചത്. ആ പ്രകടനത്തിനെതിരെ ജനാധിപത്യവാദികളും കറുത്തവരുടെ അവകാശത്തിനുവേണ്ടി പോരാടുന്നവരും എതിര്‍ പ്രകടനവും സംഘടിപ്പിച്ചു. ആ എതിര്‍ പ്രകടനത്തിലേക്കു ഒരു നവനാസി യുവാവ് കാറോടിച്ചു കയറ്റിയതിന്റെ ഫലമായി 32-കാരിയായ ഒരു കറുത്തവര്‍ഗക്കാരി സ്ത്രീ കൊല്ലപ്പെട്ടു. രാജ്യമാകെ നവനാസിയുടെ ഈ കൊലപാതകത്തിനെതിരെ ജനരോഷം ഉയരുമ്പോള്‍ ട്രംപ് ട്വിറ്ററില്‍ രണ്ടുകൂട്ടരേയും വിമര്‍ശിച്ചുകൊണ്ട് പ്രസ്താവനയിറക്കി. അത് വന്‍ പ്രതിഷേധത്തിനിടയാക്കിയപ്പോള്‍ വര്‍ണവെറിയെ മൃദുവായി വിമര്‍ശിച്ചു ട്രംപ് വീണ്ടുമൊരു പ്രസ്താവനയിറക്കി. ഇതു കൂടിയായതോടെ ചാര്‍ലോട്ടസ്വില്ലെയില്‍ അക്രമമഴിച്ചുവിട്ട വെള്ള വര്‍ണവെറിയന്മാരെ പരസ്യമായി വിമര്‍ശിക്കാന്‍ ട്രംപ് തയ്യാറാകാത്തത് വലിയ ചര്‍ച്ചാവിഷയമായി.

ഇതോടെയാണ് പരസ്യമായി വെള്ള വര്ണവെറിയന്മാരുടെ പക്ഷം പിടിച്ചു ട്രംപ് രംഗത്തുവന്നത്. ''നമ്മുടെ മനോഹരമായ പ്രതിമകളും സ്മാരകങ്ങളും തകര്‍ത്തു നമ്മുടെ മഹത്തായ രാജ്യത്തിന്റെ സംസ്‌കാരത്തേയും ചരിത്രത്തെയും താറുമാറാക്കുന്നതു കാണുന്നത് ദുഖകരമാണ്.......നിങ്ങള്ക്ക് ചരിത്രത്തെ മാറ്റാനാകില്ല, അതില്‍നിന്നു പാഠം പഠിക്കാം, റോബര്‍ട്ട് ലീ, സ്റ്റോണ്‍ വാള്‍ ജാക്‌സണ്‍ .....അടുത്തതാരാണ്....വാഷിംഗ്ടണ്‍, ജെഫേഴ്‌സന്‍ .....തികഞ്ഞ മണ്ടത്തരം', ട്രംപ് ട്വിറ്ററില്‍ എഴുതി.

ലീയും ജാക്‌സണും അടിമക്കച്ചവടം നിലനിര്‍ത്താനായി പല്ലും നഖവുമുപയോഗിച്ചു പോരാടിയവരാണ്. അവര്‍ക്കു 80 വര്‍ഷങ്ങള്‍ക്കു മുന്‍പ്അമേരിക്കന്‍ സ്വാതന്ത്ര്യത്തിന്റെ നേതാക്കളായിരുന്നവരാണ് വാ ഷിംഗ്ടണും ജെഫേഴ്സനും. അവരെ ഒന്നിച്ചു ചേര്‍ത്തുകെട്ടുമ്പോള്‍ ട്രംപിന്റെ യാഥാര്‍ത്ഥ നിറമാണ് വെളിവാകുന്നത്. തന്റെ വെള്ള -വര്‍ണവെറിയന്‍-നവനാസി പിന്തുണക്കാരെ ഉറപ്പിച്ചുനിര്‍ത്താനും, കടുത്ത സാമ്പത്തിക-സാമൂഹ്യ പരാജയങ്ങളില്‍ നിന്ന് ജനശ്രദ്ധ തിരിക്കാനുമുള്ള തന്ത്രം, പക്ഷേ, തിരിച്ചടിക്കാനുമിടയുണ്ട്. ട്രംപ് ഇംപീച്‌മെന്റിനു വിധേയായേക്കുമെന്ന സാധ്യത തന്നെ ഉയര്‍ന്നു വരുന്നുണ്ട്.

Studies and Blogs

ഇന്ത്യന്‍ സ്വകാര്യമേഖല 2017-ല്‍ 2016 നെ അപേക്ഷിച്ച് മൂലധനാവശ്യങ്ങള്‍...
നോട്ട് റദ്ദാക്കല്‍ താല്ക്കാലികമായി ചെറിയ പ്രശ്നങ്ങളുണ്ടാക്കിയെങ്കിലു...
ഹിന്ദുത്വ രാഷ്ട്രീയം ശക്തി പ്രാപിച്ചതോടെ രാജ്യത്താകമാനം രാഷ്ട്രീയ ലക...
''ഇന്ത്യയില്‍ താമസിക്കുന്ന റോഹിന്‍ഗ്യ അഭയാര്‍ത്ഥികള്‍ അഭയാര്‍ത്ഥികളല...
പിണറായി സര്‍ക്കാരിലെ മന്ത്രിമാരിലെ വമ്പന്‍ പണച്ചാക്കാണ് തോമസ് ചാണ്ടി...
വര്‍ഷങ്ങള്‍ നീണ്ട സംഘര്‍ഷപാത ഉപേക്ഷിച്ച് ഹമാസ് ഒടുവില്‍ ഫത്താ പ്രസ്ഥ...
കഥ അതിന്റെ ഏതെങ്കിലും അടരുകളില്‍ കാലത്തിന്റെ മുദ്രകള്‍ പതിപ്പിക്കാറു...
എന്‍.ഡി.എ യോഗം ബഹിഷ്‌കരിച്ചു കൊണ്ട് തങ്ങളെ പരിഗണിക്കത്തതിലുള്ള പ്രതി...
ആദ്മി പാര്‍ട്ടി രൂപീകരണത്തിനു നാലുവര്‍ഷങ്ങള്‍ക്കു ശേഷം അവര്‍ അവരുടെ...
നരേന്ദ്രമോഡിയും ബി.ജെ.പിയും രോഹിങ്ക്യന്‍ അഭയാര്‍ത്ഥികളോട് സ്വീകരിച്ച...
കേരളത്തെയാകെ ഞെട്ടിച്ച പ്രശസ്ത സിനിമാനടി ആക്രമിക്കപ്പെട്ട കേസ് ഇപ്പോ...
അഷ്ടമിരോഹിണി ദിനത്തില്‍ ദേവസ്വം മന്ത്രിയും സി,പി,ഐ.എം നേതാവുമായ കടകം...
ഇന്ത്യയിലെ ബാങ്കുകള്‍ക്കു 2019 സാമ്പത്തിക വര്‍ഷത്തോടെ ബാസല്‍-3 നിബന്...
മോഡി സര്‍ക്കാര്‍ ഭരണമേറ്റെടുത്തിട്ടു മൂന്നര വര്‍ഷമാകുമ്പോള്‍ ''തീവ്ര...
ഈ വരികളെഴുതിക്കൊടിരിക്കുമ്പോള്‍ ഇര്‍മ ചുഴലിക്കൊടുങ്കാറ്റ് അമേരിക്കയി...
ബ്രിക്സ് ഉച്ചകോടിയില്‍ ലോകസുരക്ഷക്ക് കൊട്ടിഘോഷിച്ച പത്തിനപരിപാടി പ്ര...
ലോകപ്രശസ്ത സാമ്പത്തിക ശാസ്ത്രജ്ഞരായ തോമസ് പിക്കറ്റിയും ലൂക്കാസ് ചാന്...
തമിഴ്നാട്ടിലുടനീളം അനിതയെന്ന വിദ്യാര്‍ത്ഥിനിയുടെ ആത്മഹത്യയെത്തുടര്‍ന...
See all Stories

Sponsored Advertisments

Facebook
Like Facebook Page and Follow