Loading Page: ഇന്ത്യന്‍ ചെലവില്‍ അഫ്ഗാന്‍ യുദ്ധം നടത്താന്‍ ട്രംപ് പദ്ധതിയിടുന്നു

ട്രംപ് പ്രഖ്യാപിച്ച അഫ്ഗാന്‍ പദ്ധതിയുടെ തനിനിറം വേണ്ടത്ര രീതിയില്‍ മലയാള മാധ്യമങ്ങള്‍ റിപ്പോര്‍ട്ട് ചെയ്തിട്ടില്ല. അഫ്ഗാനിസ്ഥാനില്‍ മുന്‍ പ്രസിഡന്റുമാരില്‍ നിന്ന് വ്യത്യസ്തമായി താന്‍ പ്രായോഗികമായ പദ്ധതിയാണ് ഇട്ടിരിക്കുന്നത് എന്നാണ് ട്രംപിന്റെ അവകാശവാദം. കഴിഞ്ഞ വര്‍ഷം താലിബാന്‍ ഉണ്ടാക്കിയ നേട്ടങ്ങളെ കൂടുതല്‍ സൈന്യത്തെ നിയോഗിച്ചു യുദ്ധം നടത്തി പിന്നോട്ടടിപ്പിച്ചു അവരെ ചര്‍ച്ചക്ക് മേശയിലേക്കു കൊണ്ട് വരലാണ് തന്റെ ലക് ഷ്യമെന്നാണ് ട്രംപ് പച്ചയായി പറയുന്നത്. ''ഇന്ത്യക്ക് അമേരിക്കയുമായി ബില്യനുകളുടെ വ്യാപാര മിച്ചമാണുള്ളത്. അതുകൊണ്ടു അവര്‍ നമ്മെ കൂടുതല്‍ സഹായിക്കണമെന്നതാണ് നമ്മുടെ ആവശ്യം, പ്രത്യേകിച്ചും സാമ്പത്തിക സഹായത്തിലും, വികസനത്തിലും''ട്രംപ് പറഞ്ഞു. ഇതേ ഡിമാന്‍ഡ് താന്‍ അമേരിക്കയുമായി വലിയ വ്യാപാര മിച്ചമുള്ള ദക്ഷിണകൊറിയ, ജപ്പാന്‍, ജര്‍മ്മനി എന്നീ രാജ്യങ്ങളോടും പറഞ്ഞിട്ടുണ്ടെന്നും ട്രംപ് പറഞ്ഞു. അതായതു മുഖ്യ പരിഗണന ഇന്ത്യക്കാണ് .

ഈ വാക്കുകളുടെ അര്‍ഥം വ്യക്തമാണ്. ആദ്യത്തെ ഇറാക്ക് യുദ്ധത്തിന്റെ ചെലവ് എന്ന പേരില്‍ ജോര്‍ജ് ബുഷ് സീനിയര്‍ സൗദി, കുവൈത്ത്, യു.എ.ഇ, ഖത്തര്‍ തുടങ്ങിയ രാജ്യങ്ങളില്‍ നിന്ന് വാങ്ങിയെടുത്തിരുന്നു. അങ്ങനെ ആ യുദ്ധം അമേരിയ്ക്കു വലിയ ലാഭക്കച്ചവടമായി. അതെ രീതിയില്‍ കുറെ ആയുധങ്ങള്‍ ചെലവാക്കി യുദ്ധം നടത്തി പണം മറ്റു രാജ്യങ്ങളില്‍ നിന്ന് വാങ്ങിയെടുക്കുക. അത്രയെങ്കിലും അമേരിക്കയുടെ ആയുധ നിര്‍മ്മാണം ഉഷാറാക്കി സാമ്പത്തിക പ്രതിസന്ധി പരിഹരിക്കാം. ഈ കെണിയില്‍ ഇന്ത്യയെ കുടുക്കാനായി തീവ്രവാദികളെ സഹായിക്കുന്നുവെന്ന പേരില്‍ പാക്കിസ്ഥാനെ കുറെ വിമര്‍ശിച്ചിട്ടുണ്ട്. ഇന്ത്യന്‍ മണ്ടന്മാര്‍ക്കു അത് മതിയെന്ന് ട്രംപ് കരുതുന്നുണ്ടാവും. അത് വലിയ നേട്ടമാണ്, ഇന്ത്യ ആദ്യമായി അമേരിക്കയുടെ ഓമനയായി, മോദിക്ക് കൈവന്ന വലിയ സൗഭാഗ്യമാണത് എന്ന മട്ടിലാണ് മാധ്യമങ്ങള്‍ റിപ്പോര്‍ട്ട് നല്‍കിയത്. എന്നാല്‍ ട്രംപിന്റെ ഈ പദ്ധതിയെ അമേരിക്കയുമായി വ്യാപാര മിച്ചമുള്ള മറ്റേതെങ്കിലും രാജ്യം സ്വാഗതം ചെയ്തിട്ടില്ല. അവരാരും അമേരിക്കക്കു അഫ്ഗാന്‍ യുദ്ധം നടത്താന്‍ പണം വാഗ്ദാനം ചെയ്തിട്ടുമില്ല.

കുറെ ആയുധങ്ങള്‍ അഫ്ഗാനിസ്ഥാനില്‍ കൊണ്ടിട്ടും കുറെ പട്ടാളക്കാരെ നിലനിര്‍ത്തിയും ഒരു യുദ്ധം നടത്തി അതിന്റെ പേരില്‍ കുറെ പണം തട്ടാനുള്ള പദ്ധതി മാത്രമേ അഫ്ഗാന്‍ നയത്തിലുള്ളു. താലിബാനെ അവസാനിപ്പിക്കല്‍ പോലും ലക്ഷ്യമല്ല. അമേരിക്കയുമായി ഏറ്റവും വലിയ വ്യാപാര മിച്ചമുള്ള ചൈനയുടെ പേര് പണം തരേണ്ടവരുടെ ലിസ്റ്റില്‍ ഉള്‍പ്പുടുത്തിയിട്ടുമില്ല എന്നത് രസകരമാണ്. അവരോടു ഇത്തരം കളികള്‍ ഏശില്ല എന്നതാകാം കാരണം. കഴിഞ്ഞ അമേരിക്കന്‍ സന്ദര്‍ശനത്തില്‍ മോഡി ട്രംപിനെ മൂന്ന് തവണ കെട്ടിപ്പിടിച്ചു. ട്രംപിന്റെ ആ കെട്ടിപ്പിടിത്തം ഒരു ധൃതരാഷ്ട്രാലിംഗനം ആയിത്തീരുന്നതാണ് നാം കാണുന്നത്.

Studies and Blogs

യൂറോപ്യന്‍ യൂണിയനും അമേരിക്കയും തമ്മില്‍ നടക്കുന്ന വ്യാപാരയുദ്ധത്തിന...
ഒരു അഭിമന്യു ഇത്തരത്തില്‍ നിഷ്ഠുരമായി കൊലചെയ്യപ്പെട്ടതുകൊണ്ട് പൊളിറ്...
താജ്മഹലിന്റെ സംരക്ഷിക്കല്‍ എന്നത് ഒരു പക്ഷേ ഒരു 'പ്രതീക്ഷയില്ലാത്ത സ...
കേരളത്തിലപ്പോള്‍ രാമായണ വിവാദം കൊഴുക്കുകയാണ്. CPI(M) രാമായണ പ്രഭാഷണങ...
അഭിമന്യുവിന്റെ വധം കൊല്ലാന്‍ നല്ല പരിശീലനം കിട്ടിയ സംഘം അതിന്റെ മുകള...
സിനിമ താരരാജക്കള്‍ക്കായി രാജാക്കളാല്‍ നടത്തപ്പെടുന്ന രാജാക്കളുടെ സംഘ...
യുപിഎ ഭരണകാലത്ത്, 2013 ജൂണ്‍ 23ന്, നരേന്ദ്രമോഡി ട്വിറ്ററില്‍ കുറിച്ച...
കേരളത്തിലെ ക്രൈസ്തവ സഭകളുമായി ബന്ധപ്പെട്ട് ലൈംഗിക പീഡന-കൊലപാതക വിവാദ...
ഡല്‍ഹിയിലെ കെജ്രിവാള്‍ സര്‍ക്കാരിനെ പ്രവര്‍ത്തിക്കാനനുവദിക്കാത്ത രീത...
സ്വാതന്ത്ര്യം കിട്ടിയയത്ര പ്രധാമപ്പെട്ട ഒരു കാര്യമാണ് ജി.എസ.ടി നടപ്പ...
വിദേശകാര്യമന്ത്രി സുഷമ സ്വരാജ് മിശ്രവിവാഹിത ദമ്പതികളെ സഹായിക്കാനെത്ത...
ചില ഹിന്ദു സുഹൃത്തുക്കള്‍ പറഞ്ഞതാണ്. അവരുടെ കുടുംബങ്ങള്‍ ഉള്‍ക്കൊള്ള...
സ്വതന്ത്ര ഇന്ത്യയുടെ ചരിത്രത്തിലാദ്യമായി ഇന്ത്യന്‍ സാമ്പത്തിക രംഗം ക...
കേരളത്തില്‍ ഇന്ന് വൈദ്യുതിക്ക് പണമടക്കാത്ത എത്ര കുടുംബങ്ങളുണ്ട്? എന്...
മലയാളസിനിമയിലെ A. M. M. A വിവാദവുമായി ബന്ധപ്പെട്ടാണ് ഇത് പറയേണ്ടി വര...
സ്വന്തം സഹപ്രവര്‍ത്തകയെ ലൈംഗികമായി ആക്രമിക്കാന്‍ കൊട്ടേഷന്‍ കൊടുത്തത...
അമേരിക്കന്‍ രാഷ്ട്രീയം കാര്യമായ വ്യത്യാസമൊന്നുമില്ലാത്ത റിപ്ലബ്ലിക്ക...
ലോകത്ത് സ്ത്രീകള്‍ക്ക് ഏറ്റവും അപകടകരമായ രാജ്യം ഇന്ത്യയാണെന്ന് തോംസണ...
See all Stories

Sponsored Advertisments

Facebook
Like Facebook Page and Follow