ഈ വരികളെഴുതിക്കൊടിരിക്കുമ്പോള്‍ ഇര്‍മ ചുഴലിക്കൊടുങ്കാറ്റ് അമേരിക്കയിലെ ഫ്‌ളോറിഡ സംസ്ഥാനത്തു കനത്ത നാശം വിതച്ചുകൊണ്ടിരിക്കുകയാണ്. ഏതാനും ദിവസങ്ങള്‍ക്കു മുന്‍പാണ് ഹാര്‍വി ചുഴലിക്കൊടുങ്കാറ്റ് ടെക്‌സാസ്, ന്യൂ ഓര്‍ലിയന്‍സ് സംസ്ഥാനങ്ങളില്‍ വീശിയടിച്ച്് നൂറോളം മരണത്തിനും, ഉദ്ദേശം അന്പത്തിനായിരം കോടി ഡോളറിന്റെ നാശനഷ്ടങ്ങള്‍ക്കുമിടയാക്കിയത്. അതിനു തൊട്ടു പിന്നാലെ വന്ന ഈ ഇര്‍മ അമേരിക്ക ഇന്നേവരെ നേരിട്ടുള്ള ഏറ്റവും വലിയ ചുഴലിക്കാറ്റായിരിക്കുമെന്നായിരുന്നു വിദഗ്ധരുടെ പ്രവചനം. എങ്കിലും കരീബിയന്‍ കടലില്‍ ചുറ്റിത്തിരിഞ്ഞു കരയിലേക്ക് അല്‍പ്പം വൈകി അതടിച്ചു കയറുമ്പോള്‍ അതിന്റെ രൂക്ഷത കുറെ കുറഞ്ഞിട്ടുണ്ട്. ഫ്‌ളോറിഡ സംസ്ഥാനത്ത് വന്‍നാശം വിതക്കുമെന്നതിനാല്‍ ഏതാണ്ട് 63 ലക്ഷം പേരെ ഇതിനകം ഒഴിപ്പിച്ചു. ഈ ചുഴലിക്കൊടുങ്കാറ്റിനു തൊട്ടു പിന്നാലെ മറ്റൊരു ചുഴലിക്കൊടുകാറ്റും ഏതാണ്ടതേ പാതയില്‍ പ്രയാണമാരംഭിച്ചിട്ടുണ്ട്. അതുകൂടി കരയില്‍ കയറാതെ ഒഴിപ്പിക്കപ്പെട്ടവര്‍ക്കു സ്വന്തംവീടുകളിലേക്കു മടങ്ങാനാകില്ല.

കാലാവസ്ഥക്കരാറില്‍ നിന്ന് അധികാരമേറ്റയുടന്‍ പിന്മാറിയ കാലാവസ്ഥ ഭീകരനാണ് ട്രംപ്. കാലാവസ്ഥാ മാറ്റം വെറും കള്ളക്കഥയാണെന്നു പറഞ്ഞിരുന്ന ചിലരെയാണ് ട്രംപ് വിശ്വസത്തിലെടുത്തിരുന്നത്. ട്രംപിന്റെ ആ നിലപാട് അമേരിക്കയില്‍ത്തന്നെ വലിയ വിമര്ശനത്തിനിടയാക്കിയിരുന്നു. പല ബഹുരാഷ്ട്രക്കമ്പനികള്‍ തന്നെയും തങ്ങള്‍ പാരീസ് കാലാവസ്ഥ കരാര്‍ പാലിക്കും എന്ന് പ്രഖ്യാപിച്ചിരുന്നു.

മുന്‍പ് ജോര്‍ജ്ജ് ബുഷ് ജൂനിയര്‍ പ്രസിഡന്റായിരുന്നപ്പോള്‍ കത്രീന ചുഴലിക്കൊടുങ്കാറ്റ് അമേരിക്കയിലടിച്ചു കയറി പതിനായിരത്തോളം പേരുടെ മരണത്തിനിടയാക്കിയിരുന്നു. അന്ന് ആ ചുഴലിയുടെ തീവ്രതയല്ല, മറിച്ച്്, കടല്‍ഭിത്തികള്‍ വേണ്ടവിധം പുതുക്കാന്‍ പണമനുവദിക്കാതിരുന്ന ബുഷിന്റെ നയങ്ങള്‍ കാരണം കടല്‍ഭിത്തികള്‍ തകര്‍ന്നു കടല്‍ വെള്ളം ഇരച്ചുകയറിയതാണ് അത്രയും മരണങ്ങള്‍ക്കിടയാക്കിയത്. അതിനെത്തുടര്‍ന്ന് ന്യൂ യോര്‍ക്ക് സംസ്ഥാനത്തു അടിച്ചു കയറിയ മറ്റൊരു ചുഴലിക്കൊടുങ്കാറ്റിന്റെ ഭീകരത കൂടിയായപ്പോള്‍ അത് ഒബാമയുടെ തെരഞ്ഞെടുപ്പ് വിജയത്തിന് കളമൊരുക്കി. റിപ്പബ്ലിക്കന്‍ പാര്‍ട്ടി കാലാവസ്ഥാ വ്യതിയാനത്തോട് സ്വീകരിച്ചിരുന്ന നിഷേധാത്മക നിലപാട് കൂടിയാണ് ഒബാമയുടെ വിജയത്തിന് കരണമായത്. പിന്നീടുള്ള കഴിഞ്ഞ കുറച്ചു വര്‍ഷങ്ങളില്‍ വലിയ നാശനഷ്ടമുണ്ടാക്കുന്ന ചുഴലിക്കൊടുങ്കാറ്റുകള്‍ അമേരിക്കയിലടിച്ചു കയറിയിരുന്നില്ല. അതുകൂടിയാണ് താന്‍ അധികാരത്തില്‍ വന്നാല്‍ കാലാവസ്ഥ കാരാര്‍ റദ്ധാക്കുമെന്നും, കാലാവസ്ഥാമാറ്റം വെറും കള്ളമാണെന്നും പറഞ്ഞു വോട്ടു പിടിക്കാന്‍ ട്രംപിന് സഹായകമായത്.

ഇപ്പോള്‍ ട്രംപിന്റെ വിജയത്തില്‍ നിര്‍ണ്ണായകമായിത്തീര്‍ന്ന ഫ്‌ളോറിഡ സംസ്ഥാനത്താണ് ഇര്‍മ വന്‍ നാശം വിതക്കുന്നത്. കാലാവസ്ഥാമാറ്റം മൂലം ഏറ്റവും വലിയ പ്രത്യാഘാതം ഉടനെ ഉണ്ടാകാനിടയുള്ള ഭൂപ്രദേശമാണ് അമേരിക്കയെന്നു ശാസ്ത്രജ്ഞര്‍ പറയുന്നു. കാലിഫോര്‍ണിയ സംസ്ഥാനത്ത് മഴയില്ലായ്മയും കാട്ടുതീയും കഴിഞ്ഞ കുറെ വര്‍ഷങ്ങളായി വലിയ പ്രശ്‌നമായിരിക്കുകയാണ്. ആ സംസ്ഥാനം ട്രംപിന് തെരഞ്ഞെടുപ്പില്‍ കനത്ത തിരിച്ചടിയാണ് നല്‍കിയിരുന്നത്. എന്നാല്‍ ചുഴലിക്കൊടുങ്കാറ്റ് ഭീതി നേരിടുന്ന തെക്കന്‍ സംസ്ഥാനങ്ങള്‍ (അവ പരമ്പരാഗത വലതുപക്ഷ, അടിമക്കച്ചവട സംസ്ഥാനങ്ങളാണ്) ട്രംപിനെ പിന്തുണച്ചു. ട്രംപിന്റെ വെള്ള വര്‍ണവെറിയന്മാരോടുള്ള ചങ്ങാത്തം അയാളെ അധികാരത്തിലെത്തിച്ചു. പക്ഷെ, ഇപ്പോള്‍ കാലാവസ്ഥാ മാറ്റത്തിന്റെ ഭീകരത ഈവിധം മടങ്ങിവരുമ്പോള്‍ ആ സംസ്ഥാനങ്ങള്‍ക്ക് എത്രനാള്‍ ട്രംപിന്റെ ഭ്രാന്തന്‍ നയങ്ങളെ പിന്താങ്ങാനാകും? ആ ചോദ്യമാണ് ട്രംപിന്റെ ഉറക്കം കെടുത്തുന്നത്. ഭൗമതാപനം ഓരോ വര്‍ഷവും ചുഴലിക്കൊടുങ്കാറ്റുകളുടെ തീവ്രതയെ ശരാശരി ഒരു കിലോമീറ്റര്‍ വേഗം എന്ന തോതില്‍ വര്‍ദ്ധിപ്പിച്ചു കൊണ്ടിരിക്കുകയാണെന്ന് ശാസ്ത്രലോകം പറയുന്നു. ഒരു കിലോമീറ്റര്‍ വേഗം വര്‍ധിക്കുമ്പോള്‍ കാറ്റിന്റെ ഭീകരത അനുപാതികമായല്ല വര്‍ധിക്കുക. അതിനേക്കാള്‍ വലിയ തോതിലാണ്. ക്രമേണ മനുഷ്യവാസം തന്നെ അത് അസാധ്യമാക്കിത്തീര്‍ക്കും. ഭൗമതാപനത്തിനു തടയിടുകയെന്നതല്ലതെ അതിനു പ്രതിവിധിയില്ല.

ട്രംപ് ഈവിധ ഭ്രാന്തന്‍ നയങ്ങളുമായി മുന്നോട്ടുപോകുമ്പോള്‍ ജര്‍മനി അതിന്റെ പരിസ്ഥിതി ബജറ്റ് ഇരട്ടിയാക്കിയിരിക്കുകയാണ്. ഇതേവരെ പരിസ്ഥിതി പ്രശ്‌നത്തില്‍ വലിയ വിമര്‍ശനം നേരിട്ടിരുന്ന ഏഞ്ജല മെര്‍ക്കല്‍ തെരഞ്ഞെടുപ്പ് വര്‍ഷത്തില്‍ ആയിരം ബില്യണ്‍ യൂറോയാണ് ഇതിനായി മാറ്റിവച്ചിരുനിക്കുന്നത്. രാജ്യത്തെ 53 ലക്ഷം വരുന്ന ഡീസല്‍ കാറുകള്‍ ഉടനെ ഒഴിവാക്കാനാണ് തീരുമാനം. 2040 -ഓടെ മുഴുവന്‍ കാറുകളും ബാറ്ററിക്കാറുകളാക്കാന്‍ (വൈധ്യുതി) നേരത്തെ തീരുമാനമെടുത്തിരുന്നു. ഫ്രാന്‍സും ഹോളണ്ടുമടക്കം പലരാജ്യങ്ങളും നേരത്തെ തന്നെ ഈ തീരുമാനമെടുത്തിരുന്നു. ചൈന പരിസ്ഥിതിക്കാര്യത്തില്‍ ഏറ്റവും വലിയ വിമര്ശനം നേരിടുന്ന രാജ്യമാണ്. അവരും ഡീസല്‍ കാറുകളുടെ ഇറക്കുമതി സമ്പൂര്‍ണ്ണമായി നിരോധിക്കാന്‍ തീരുമാനമെടുത്തു കഴിഞ്ഞു. മോദിയുടെ ഇന്ത്യന്‍ സര്‍ക്കാര്‍ പോലും ട്രംപ് യജമാനന്റെ ഓമനായകന്‍ ശ്രമിക്കുമ്പോള്‍ത്തന്നെ ലോക ജനവികാരത്തിനു മുന്നില്‍ 2030 -ല്‍ ഡീസല്‍-പെട്രോള്‍ക്കറുകള്‍ ഒഴിവാക്കുമെന്നൊക്കെ വിദേശ രാജ്യങ്ങള്‍ക്കു ധാരണ കൊടുക്കുന്നുണ്ട്-പ്രായോഗികതലത്തില്‍ ഒന്നും കാര്യമായി ചെയ്യുന്നില്ലെങ്കിലും.

കാര്യങ്ങള്‍ ഇങ്ങനെയായിരിക്കെ ട്രംപിന് തന്റെ ഭ്രാന്തന്‍ പരിസ്ഥിതി നയവുമായി മുന്നോട്ടു പോകാന്‍ ഹാര്വിയും ഇര്‍മയും വലിയ പ്രശ്‌നങ്ങളാകുമെന്നുറപ്പാണ്. സകല മേഖലകളിലും തന്റെ നയങ്ങള്‍ നടപ്പാക്കാന്‍ കടുത്ത ബുദ്ധിമുട്ട് നേരിടുന്ന ട്രമ്പിനു വരും നാളുകളില്‍ ഏറ്റവും വലിയ തലവേദനയാകാന്‍ പോകുന്നത് ഈ പ്രശ്‌നമായിരിക്കും.

Studies and Blogs

ഇന്ത്യന്‍ സ്വകാര്യമേഖല 2017-ല്‍ 2016 നെ അപേക്ഷിച്ച് മൂലധനാവശ്യങ്ങള്‍...
നോട്ട് റദ്ദാക്കല്‍ താല്ക്കാലികമായി ചെറിയ പ്രശ്നങ്ങളുണ്ടാക്കിയെങ്കിലു...
ഹിന്ദുത്വ രാഷ്ട്രീയം ശക്തി പ്രാപിച്ചതോടെ രാജ്യത്താകമാനം രാഷ്ട്രീയ ലക...
''ഇന്ത്യയില്‍ താമസിക്കുന്ന റോഹിന്‍ഗ്യ അഭയാര്‍ത്ഥികള്‍ അഭയാര്‍ത്ഥികളല...
പിണറായി സര്‍ക്കാരിലെ മന്ത്രിമാരിലെ വമ്പന്‍ പണച്ചാക്കാണ് തോമസ് ചാണ്ടി...
വര്‍ഷങ്ങള്‍ നീണ്ട സംഘര്‍ഷപാത ഉപേക്ഷിച്ച് ഹമാസ് ഒടുവില്‍ ഫത്താ പ്രസ്ഥ...
കഥ അതിന്റെ ഏതെങ്കിലും അടരുകളില്‍ കാലത്തിന്റെ മുദ്രകള്‍ പതിപ്പിക്കാറു...
എന്‍.ഡി.എ യോഗം ബഹിഷ്‌കരിച്ചു കൊണ്ട് തങ്ങളെ പരിഗണിക്കത്തതിലുള്ള പ്രതി...
ആദ്മി പാര്‍ട്ടി രൂപീകരണത്തിനു നാലുവര്‍ഷങ്ങള്‍ക്കു ശേഷം അവര്‍ അവരുടെ...
നരേന്ദ്രമോഡിയും ബി.ജെ.പിയും രോഹിങ്ക്യന്‍ അഭയാര്‍ത്ഥികളോട് സ്വീകരിച്ച...
കേരളത്തെയാകെ ഞെട്ടിച്ച പ്രശസ്ത സിനിമാനടി ആക്രമിക്കപ്പെട്ട കേസ് ഇപ്പോ...
അഷ്ടമിരോഹിണി ദിനത്തില്‍ ദേവസ്വം മന്ത്രിയും സി,പി,ഐ.എം നേതാവുമായ കടകം...
ഇന്ത്യയിലെ ബാങ്കുകള്‍ക്കു 2019 സാമ്പത്തിക വര്‍ഷത്തോടെ ബാസല്‍-3 നിബന്...
മോഡി സര്‍ക്കാര്‍ ഭരണമേറ്റെടുത്തിട്ടു മൂന്നര വര്‍ഷമാകുമ്പോള്‍ ''തീവ്ര...
ഈ വരികളെഴുതിക്കൊടിരിക്കുമ്പോള്‍ ഇര്‍മ ചുഴലിക്കൊടുങ്കാറ്റ് അമേരിക്കയി...
ബ്രിക്സ് ഉച്ചകോടിയില്‍ ലോകസുരക്ഷക്ക് കൊട്ടിഘോഷിച്ച പത്തിനപരിപാടി പ്ര...
ലോകപ്രശസ്ത സാമ്പത്തിക ശാസ്ത്രജ്ഞരായ തോമസ് പിക്കറ്റിയും ലൂക്കാസ് ചാന്...
തമിഴ്നാട്ടിലുടനീളം അനിതയെന്ന വിദ്യാര്‍ത്ഥിനിയുടെ ആത്മഹത്യയെത്തുടര്‍ന...
See all Stories

Sponsored Advertisments

Facebook
Like Facebook Page and Follow