Loading Page: മെര്‍ക്കെലിന്റെ തിളക്കമില്ലാത്ത വിജയം: ലോക രാഷ്ട്രീയം എങ്ങോട്ട്?

രാഷ്ട്രീയ വിശകലനം

പി.ജെ. ബേബി

   ലോകം മുഴുവന്‍ ഉറ്റുനോക്കിയിരുന്ന ജര്‍മന്‍ തെരഞ്ഞെടുപ്പില്‍ നാലാംവട്ടവും എന്‍ജെല മെര്‍ക്കല്‍ വിജയിച്ചു. പക്ഷെ, ഇത്തവണ വളരെ കുറഞ്ഞ ഭൂരിപക്ഷമേ മാര്‍ക്കെലിനു നേടാന്‍ കഴിഞ്ഞുള്ളു. രണ്ടു വര്‍ഷം മുന്‍പ് യുറോപ്പ്    തീവ്രവലതു പക്ഷത്തേക്ക് പോകുമോ എന്ന ചോദ്യം വളരെ ശക്തമായി ഉയര്‍ന്നിരുന്നു. അന്നു നെതര്‍ലാന്‍ഡ്സ് തീരഞ്ഞെടുപ്പ് ക്വാര്‍ട്ടര്‍ഫൈനല്‍, ഫ്രഞ്ച് തെരഞ്ഞെടുപ്പു സെമിഫൈനല്‍, ജര്‍മ്മന്‍ തെരഞ്ഞെടുപ്പ് ഫൈനല്‍ എന്നൊരു മത്സരക്രമവും മാധ്യമലോകം മുന്നോട്ടുവച്ചിരുന്നു. നെതര്‍ലാന്‍ഡ്സ് തെഞ്ഞെടുപ്പില്‍ പുതിയതായി ഉയര്‍ന്നു വന്ന വലതുപക്ഷ പാര്‍ട്ടിക്ക് ആറിലൊന്നു വോട്ടേ നേടാന്‍ കഴിഞ്ഞുള്ളു. ഫ്രാന്‍സില്‍ നടന്ന തെരഞ്ഞെടുപ്പില്‍ അവസാന രണ്ടു സ്ഥാനാര്‍ഥികളിലൊന്നായി മാറിത്തീരാന്‍ ജീന്‍ മേരി ലെ പെന്  കഴിഞ്ഞെങ്കിലും പിന്നീട് കുത്തനെ ജനപിന്തുണ താഴേക്ക് പോകുകയായിരുന്നു. ട്രംപിന്റെ അധിരത്തിലേറലും, ഇന്നത്തെ പ്രശ്‌നങ്ങള്‍ക്കെന്തെങ്കിലും കാര്യമാത്ര പ്രസക്തമായ പരിഹാര നിര്‍ദ്ദേശങ്ങള്‍ വലതുപക്ഷത്തിനു വക്കാനില്ലെന്നതിന്റെ വെളിവാകലുമാണ്  ഫ്രാന്‍സിലെ വലതുപക്ഷത്തിനു തിരിച്ചടിയായത്. അതോടെ ജര്‍മ്മന്‍ തെരഞ്ഞെടുപ്പില്‍ വലതുപക്ഷം വിജയിക്കുമെന്ന സാധ്യത പാടെ മങ്ങിയിരുന്നു.

     ട്രംപിന്റെ തീവ്ര ദേശീയവാദ നിലപാടിനോട് ജര്‍മ്മന്‍ വലതുപക്ഷത്തിന് യോജിക്കാന്‍ സാധ്യമല്ലായിരുന്നു. ജര്‍മ്മനിക്ക് അമേരിക്കയുമായുള്ള വലിയ വിദേശവ്യാപാര മിച്ചമില്ലാതാക്കാന്‍ ജര്‍മ്മനി വന്‍തോതില്‍ അമേരിക്കന്‍ ആയുധങ്ങള്‍ വാങ്ങിക്കൂട്ടണമെന്നതായിരുന്നല്ലോ ട്രംപിന്റെ ഡിമാന്‍ഡ്. അതുകൊണ്ടു കുടിയേറ്റ പ്രശ്‌നമാണ് അവരുന്നയിച്ചത്. തെരഞ്ഞെടുപ്പിന്റെ തൊട്ടടുത്ത നാളുകളില്‍ നാസി യുദ്ധവീരന്മാരെ ആദരിക്കണമെന്നതടക്കമുള്ള നിലപാടുകളും അവര്‍  മുന്നോട്ടുവച്ചു. അതിപ്പോള്‍ പാര്‍ട്ടിയില്‍ കടുത്ത ഭിന്നിപ്പിനും ഇടയാക്കിയിരിക്കുകയാണ്.

 ജര്‍മനി സാമ്പത്തികമായി വളരെ നല്ല നിലയിലാണെന്നതും മറ്റു വികസിത രാജ്യങ്ങള്‍ നേരിടുന്ന പ്രതിസന്ധികളൊന്നും തങ്ങള്‍ക്കില്ലെന്നതുമായിരുന്നു മെര്‍ക്കെലിന്റെ പ്രധാന പ്രചണവിഷയം. എങ്കിലും രണ്ടുവര്‍ഷം മുന്‍പ് സിറിയയില്‍ നിന്നുള്ള അഞ്ചുലക്ഷം അഭയാര്‍ത്ഥികളെ സ്വീകരിച്ച നടപടിയുണ്ടാക്കിയ വംശീയ-മത വിദ്വേഷങ്ങള്‍ ഇന്നും ശമിച്ചിട്ടില്ലെന്നതിന്റെ തെളിവ് കൂടിയായി തെരഞ്ഞെടുപ്പ് ഫലം. തെരഞ്ഞെടുപ്പിന്റെ അടിയന്തിരഫലം സോഷ്യല്‍ ഡെമോക്രാറ്റ് പാര്‍ട്ടിയുടെ പിന്നോട്ടടിയും അവര്‍ മെര്‍ക്കലിന് പിന്തുണ നല്‍കുന്നതില്‍ നിന്ന് പിന്മാറിയതുമാണ്. ഇതോടെ ഭൂരിപക്ഷത്തിനു മെര്‍ക്കല്‍ ഗ്രീന്‍ പാര്‍ട്ടിയും ഫ്രീ ഡെമോക്രാറ്റുകളുമായി കൂട്ടുപിടിക്കേണ്ട അവസ്ഥയാണ്. ഒബാമയുടെ കൂടെക്കൂടി അറബ് വസന്തത്തെ തകര്‍ക്കാന്‍ സിറിയയില്‍ തീവ്രവാദത്തെ വളര്‍ത്താന്‍ പുറപ്പെട്ട ജര്‍മ്മനിക്ക് അവിടെ ദശലക്ഷക്കണക്കിന് അഭയാര്‍ത്ഥികളെ സൃഷ്ടിക്കേണ്ടി വന്നു. അതാണിന്നു തീവ്ര വലതു പക്ഷത്തിന് വളമായി മാറിയത്. ഇതില്‍നിന്നു പാഠം പടിച്ചു കൊണ്ട് അമേരിക്കയുമായി വിട്ടുനില്‍ക്കുക, കൂടുതല്‍ പരിസ്ഥിതി സൗഹൃദ നടപടികള്‍ സ്വീകരിക്കുക എന്നീ വാഗ്ദാനങ്ങള്‍ മുന്നോട്ടു വച്ചാണ് മെര്‍ക്കല്‍ നാലാമതും അധികാരമേല്‍ക്കുന്നത്. ഈ നയങ്ങള്‍ക്കനുസരിച് ട്രംപിന്റെ ഭ്രാന്തന്‍ നയങ്ങള്‍ക്കെതിരെ ശക്തമായ ഒരെതിര്‍ ചേരിയുണ്ടാക്കാന്‍ മെര്‍ക്കല്‍ പുറപ്പെടുമോ എന്നതാണ് പ്രധാനചോദ്യം.

     അതേസമയം, ജര്‍മ്മന്‍ തെരഞ്ഞെടുപ്പ് വലതുപക്ഷത്തിനു പ്രതീക്ഷകളും നല്‍കുന്നുണ്ട്. പഴയ ''കമ്മ്യൂണിസ്‌റ്''കിഴക്കന്‍ ജര്‍മന്‍ പ്രദേശത് രണ്ടു വലതുപക്ഷകക്ഷികള്‍ക്കും കൂടി 40 ശതമാനം വോട്ടു കിട്ടി. വലിയ തൊഴിലില്ലായ്മ നിലനില്‍ക്കുന്ന സ്ഥിതി വലതു പക്ഷത്തിനാണ് ഗുണം നല്കിയതെന്നര്‍ത്ഥം.

  അതേസമയം അമേരിക്കയില്‍ ട്രംപ് ആഭ്യന്തരമായി വലിയ വംശീയ വിടവുണ്ടാക്കി തീവ്ര വംശീയ വാദികളുടെ പിന്തുണയുറപ്പിക്കാനുള്ള ശ്രമത്തിലാണ്. അതിന്റെ ഭാഗമായി സ്പോര്‍ട്‌സ് വേദികളില്‍ വംശീയതക്കെതിരെ പ്രതിഷേധ പ്രകടനങ്ങള്‍ നടത്തിയ അത്‌ലറ്റുകളെ  പിരിച്ചുവിടാത്ത ടീമുകളുടെ  കളി ബഹിഷ്‌കരിക്കാന്‍ ട്രംപ് ആഹ്വാനം ചെയ്തു. ആ നീക്കം വെള്ളക്കാരും ട്രംപിനെ പിന്തുണച്ചവരുമായ ടീമുടമകളുടെ പോലും ശക്തമായ വിമര്‍ശനങ്ങള്‍ക്ക് ഇടയാക്കിയിരിക്കുകയാണ്.

 

അടുത്തിടെ നടന്ന യു .എന്‍ പൊതു സമ്മേളനത്തെ യുദ്ധവെറി പ്രദര്‍ശിപ്പിക്കാനാണ് ട്രംപ് ഉപയോഗിച്ചത്. കൊറിയ, ഇറാന്‍, വെനിസ്വേല എന്നീ രാജ്യങ്ങളെ തകര്‍ക്കും, പൊടിക്കും, ഭസ്മമാക്കും എന്നമട്ടിലുള്ള പ്രസ്താവനകള്‍ക്ക് ഇന്ത്യന്‍ ഹിന്ദു വര്‍ഗീയ വാദികളൊഴികെ ആരുടേയും കൈയ്യടി  കിട്ടിയില്ല. താറുമാറായ സമ്പത്തിക രംഗത്തു ഒന്നും ചെയ്യാനില്ലാത്ത കഴിവുകേട് മറച്ചുവെക്കാന്‍ ആഭ്യന്തരരംഗത്തു വംശവെറി, വിദേശ രംഗത്തു യുദ്ധം എന്നിവ പറയാനല്ലാതെ ഏതു വിധം നടപ്പാക്കാനാകും എന്നതാണ് പ്രശനം. ഇതെല്ലാം  അമേരിക്കയുടെ ഭ്രാന്തന്‍ നയങ്ങള്‍ക്കെതിരെ നിലപാടെടുക്കാതെ പിന്നാലെ ഇഴയുന്ന നയം ജര്‍മനിക്ക് അസാധ്യമാകുന്ന ഒരു സ്ഥിതിവിശേഷമാണു ഉണ്ടാക്കിയിരിക്കുന്നത്. ഇതിനെ മെര്‍ക്കല്‍ എങ്ങനെ കൈകാര്യം ചെയ്യുമെന്നതിന് ലോകത്തിന്റെ ഭാവിയില്‍ത്തന്നെ സുപ്രധാന റോള്‍ കൈവന്നിരിക്കുകയാണിന്ന്.
മിനിഞ്ഞാന്ന് വടക്കന്‍ ജില്ലകളിലാരംഭിച്ച കനത്ത പേമാരി ഇന്നലെ രാവിലെ മ...
കേരളാ പോലീസിന്റെ ബിഷപ്പ് ഫ്രാങ്കോയെ ചോദ്യം ചെയ്യല്‍ നാടകം സോഷ്യല്‍ ഔ...
കണ്ണാടകത്തില്‍ ഞങ്ങള്‍ അധികം പേരൊന്നും അതേക്കുറിച്ച് വളരെയൊന്നും സംസ...
വലിയ പ്രസംഗവീരന്‍ എന്ന പരിവേഷത്തോടെ അധികാരത്തിലേറിയയാളാണ് നരേന്ദ്ര മ...
പൊതു തെരഞ്ഞെടുപ്പിന് വെറും എട്ടു മാസം അവശേഷിക്കുമ്പോള്‍ സമ്പദ്ഘടനയെ...
ഇപ്പോള്‍ കേരളത്തിലെ എല്ലാ വാര്‍ത്താ ചാനലുകളും കേരള ജനതയെ 24 മണിക്കൂറ...
രാജാവും പ്രജകളും പരസ്പരം സ്‌നേഹിച്ചു ജീവിച്ച തിരുവനന്തപുരം!! ശ്രീപദ്...
തമിഴക രാഷ്ടീയത്തിലെ ബാക്കിയായ ഏക അതികായനായ കരുണാനിധി വിടവാങ്ങുമ്പോള്...
മധ്യ തിരുവിതാംകൂറിലെ നായര്‍ മേധാവിത്വ മേഖലകളില്‍ ഒരു പരീക്ഷണം നടക്കു...
ബിഷപ്പ് ഫ്രാങ്കോ മുളക്കല്‍ ബലാത്സംഗം ചെയ്തുവെന്ന് കന്യാസ്ത്രീ പരാതിപ...
സുല്‍ത്താന്‍ബത്തേരി വഴി വന്യജീവി സങ്കേതത്തിലൂടെയുള്ള രാത്രിയാത്രാ നി...
കൊട്ടിയൂര്‍ പീഡനക്കേസില്‍ പെണ്‍കുട്ടി താന്‍ ഫാദര്‍ റോബിനുമായി സമ്മതത...
ഇത്രമാത്രം ഗുരുതരമായ തെറ്റുകള്‍ വരുത്തിയും, 40 ലക്ഷം പേരെ ഒഴിവാക്കിയ...
ആസ്സാമില്‍ അനധികൃത കുടിയേറ്റക്കാരെയെല്ലാം പുറത്താക്കും എന്ന തെരഞ്ഞെട...
കഴിഞ്ഞ നാല് വര്‍ഷക്കാലം മോഡി സര്‍ക്കാരില്‍ ഏറ്റവുമധികം അച്ചടക്കത്തോട...
കുമ്മനത്തെ മിസോറാമിലേക്ക് കെട്ടുകെട്ടിച്ച് രണ്ട് മാസത്തിനു ശേഷം ബി.ജ...
ചേര്‍പ്പ് CNN സ്‌കൂളില്‍ പാദപൂജ നടത്തിയത് ഇടതുപക്ഷ സര്‍ക്കാരിന്റെ അന...
ജനാധിപത്യ സാംസ്‌കാരിക കൂട്ടായ്മ ജൂലൈ28ന് തലശ്ശേരിയില്‍ സംഘടിപ്പിച്ച...
See all Stories

Sponsored Advertisments

Facebook
Like Facebook Page and Follow