Loading Page: ദക്ഷിണകൊറിയ ചങ്ങാത്ത മുതലാളിത്തത്തിനെതിരെ

ദക്ഷിണകൊറിയയില്‍ നിന്നുവരുന്ന വാര്‍ത്തകള്‍ മുന്‍ വനിതാപ്രസിഡണ്ട് പാര്‍ക്ക്, അവരുടെ ഉറ്റചങ്ങാതി, രാജ്യത്തിന്റെ ലോകതലത്തിലെ ഐക്കണ്‍ കമ്പനി തന്നെയായ സാംസങ്ങിന്റെ മേധാവികളിലൊരാള്‍, മറ്റൊരുവന്‍വ്യവസായഗ്രൂപ്പിന്റെ തലവന്‍ എന്നിവര്‍ ജയിലിലായിരിക്കുന്നുവെന്നാണ്.

അഴിമതിയുടെ പേരില്‍ പ്രസിഡണ്ടിനെതിരെ വന്‍ ജനകീയ പ്രക്ഷോഭമുയര്‍ന്നു വരികയും ഒടുവില്‍ പ്രസിഡണ്ട് ഇംപീച്ച് ചെയ്യപ്പെടുകയുമായിരുന്നു. തുടര്‍ന്നുനടന്ന അന്വേഷണങ്ങളിലാണ് ഇവര്‍ നാലാളും അറസ്റ്റ്‌ചെയ്യപ്പെട്ട് ജയിലിലടക്കപ്പെട്ടത്. പ്രസിഡണ്ട് തന്റെ ഉറ്റതോഴിയുടെ ഇടനിലയില്‍ വന്‍കമ്പനികളുമായി ഗൂഢാലോചന നടത്തി വഴിവിട്ട സഹായങ്ങള്‍ നല്കി എന്നതാണ് ആരോപിക്കപ്പെട്ടിരിക്കുന്ന കുറ്റം.

രണ്ടാംലോകയുദ്ധാനന്തരം സ്വാതന്ത്ര്യം നേടിയ മൂന്നാംലോകരാജ്യങ്ങളുടെയും അതിനും മുമ്പേ ഔപചാരിക സ്വാതന്ത്ര്യത്തിലെത്തിയ ലാറ്റിനമേരിക്കന്‍ രാജ്യങ്ങളുടെയും ഏറ്റവും വലിയ ശാപമായിരുന്നു (ഇന്നുമതങ്ങനെ തന്നെ) ക്രോണിക്യാപിറ്റലിസം (ചങ്ങാത്തമുതലാളിത്തം). പൊതുപ്പണം കൊള്ളയടിച്ചുതടിച്ചുകൊഴുക്കുന്ന നാടന്‍ കോര്‍പ്പറേറ്റുകളെ പ്രീണിപ്പിച്ചും, മറുവശത്ത് അവരുടെ ധനസഹായത്തിന്മേലാശ്രയിച്ചുമാണ് മുന്നാംലോക ഭരണവര്‍ഗ്ഗപാര്‍ട്ടികള്‍ നിലനില്ക്കുന്നതുതന്നെ. ഇതില്‍ നിന്നു വിട്ടുമാറി പൗരന്മാരുടെ പൗരബോധത്തിന്മേലാശ്രയിച്ചുനില്ക്കുന്ന ഒരു രാഷ്ട്രീയപ്രവര്‍ത്തനരീതി ഇന്ത്യയടക്കമുള്ള ഈ രാജ്യങ്ങളിലൊന്നും നിലനില്ക്കുന്നില്ല.

ഇക്കാര്യത്തില്‍ ലോകത്തിലൊന്നാമതുനില്കുന്ന രാജ്യം ഇന്ത്യതന്നെയാണ്. അംബാനിയുടെയും അദാനിയുടെയും വിജയഗാഥകള്‍ അതിന്റെ തിളങ്ങുന്ന ഉദാഹരണങ്ങളാണ്. സ്‌പെക്ട്രം, കല്‍ക്കരിപ്പാടം എന്നീ മെഗാ അഴിമതികളില്‍ 7ലക്ഷം കോടിരൂപ അഴിമതി നടന്നത് ചങ്ങാത്തമുതലാളിത്തത്തിന്റെ ഏറ്റവും നല്ല ഉദാഹരണമാണ്. പക്ഷെ മന്‍മോഹന്‍ ഇപ്പോഴും പുറത്താണ്. ഒരു രാജയും കനിമൊഴിയും മാത്രമേ ജയിലില്‍ കിടന്നുള്ളു.

അക്കാര്യത്തില്‍ കോണ്‍ഗ്രസ്സിനെ പ്രതിക്കൂട്ടിലാക്കി അധികാരത്തിലേറിയ മോഡിയാകട്ടെ ഒരൊറ്റ എപ്പിസോഡില്‍ മാത്രം പതിനൊന്നരലക്ഷം കോടിയുടെ അഴിമതിക്കു മുകളിലാണിരിക്കുന്നത്. രാജ്യത്തെ പത്തുപ്രമുഖ കുത്തകകള്‍ പൊതുമേഖലാബാങ്കുകള്‍ക്ക് അത്രയും വലിയ കിട്ടാക്കടം വരുത്തിയിട്ടും അതു പിടിച്ചെടുക്കാന്‍ ശ്രമിക്കുന്നതിനുപകരം സാധാരണ ഇടപാടുകാര്‍ക്കുമേല്‍ നൂറുതരം സര്‍വ്വീസ് ചാര്‍ജ്ജുകള്‍ അടിച്ചേല്പിക്കാന്‍ ബാങ്കുകള്‍ക്ക് മൗനാനുവാദം നല്കുകയാണദ്ദേഹം. പക്ഷെ ഞെട്ടിക്കുന്ന വസ്തുത ഇതിനെ മോഡി സര്‍ക്കാരിന്റെ ഒരഴിമതിയോ കുഭകോണമോ ആയി ഉന്നയിക്കാന്‍ പോലും ഒരാളും  തയ്യാറാകുന്നില്ലെന്നതാണ്.

വമ്പന്‍ അഴിമതികള്‍ക്കും കൊള്ളകള്‍ക്കും തയ്യാറാകുന്ന കോര്‍പ്പറേറ്റുകള്‍, അവര്‍ക്ക് കുടപിടിക്കുന്ന ഭരണാധികാരികള്‍ എന്ന ദൂഷിതവലയത്തിനെതിരെ ദക്ഷിണ കൊറിയന്‍ ജനത ഉണര്‍ന്നേഴുന്നേറ്റു. ദക്ഷിണകൊറിയന്‍ ജനാധിപത്യശക്തിയെന്നും നമുക്കതിനെക്കാണാം.

രാജ്യത്തിനകത്തുതന്നെയുള്ള 'ശത്രുക്കളായ' മത-ജാതി വിഭാഗങ്ങള്‍ക്കും,അയല്‍പക്കത്തുള്ള 'ശത്രു'വിനെതിരെയും വികാരങ്ങളാളിക്കത്തിച്ച് വളരെ എളുപ്പത്തില്‍ ജനാധിപത്യപൗരബോധത്തെ മെജോറിറ്റേറിയന്‍ (ഭൂരിപക്ഷ) തീവ്രപക്ഷമാക്കി രൂപാന്തരപ്പെടുത്താന്‍ കഴിയുന്നേടത്തോളം കാലം ഇന്ത്യന്‍ ചങ്ങാത്തമുതലാളിത്തം തടിച്ചുകൊഴുക്കുകതന്നെ ചെയ്യും. ക്രോണിക്യാപിറ്റലിസം, ആഗോളകോര്‍പ്പറേറ്റുകള്‍, ഇന്ത്യന്‍ മെജോറിറ്റേറിയനിസം എന്നിവയുടെ കൂട്ടുകെട്ടിനെ തിരിച്ചറിയുന്ന ഒരിന്ത്യന്‍ പൗരബോധരൂപീകരണത്തിന്റെ ആവശ്യകതയിലേക്കാണ് ദക്ഷിണകൊറിയ വിരല്‍ ചൂണ്ടുന്നതെന്നും തോന്നുന്നു.

മിനിഞ്ഞാന്ന് വടക്കന്‍ ജില്ലകളിലാരംഭിച്ച കനത്ത പേമാരി ഇന്നലെ രാവിലെ മ...
കേരളാ പോലീസിന്റെ ബിഷപ്പ് ഫ്രാങ്കോയെ ചോദ്യം ചെയ്യല്‍ നാടകം സോഷ്യല്‍ ഔ...
കണ്ണാടകത്തില്‍ ഞങ്ങള്‍ അധികം പേരൊന്നും അതേക്കുറിച്ച് വളരെയൊന്നും സംസ...
വലിയ പ്രസംഗവീരന്‍ എന്ന പരിവേഷത്തോടെ അധികാരത്തിലേറിയയാളാണ് നരേന്ദ്ര മ...
പൊതു തെരഞ്ഞെടുപ്പിന് വെറും എട്ടു മാസം അവശേഷിക്കുമ്പോള്‍ സമ്പദ്ഘടനയെ...
ഇപ്പോള്‍ കേരളത്തിലെ എല്ലാ വാര്‍ത്താ ചാനലുകളും കേരള ജനതയെ 24 മണിക്കൂറ...
രാജാവും പ്രജകളും പരസ്പരം സ്‌നേഹിച്ചു ജീവിച്ച തിരുവനന്തപുരം!! ശ്രീപദ്...
തമിഴക രാഷ്ടീയത്തിലെ ബാക്കിയായ ഏക അതികായനായ കരുണാനിധി വിടവാങ്ങുമ്പോള്...
മധ്യ തിരുവിതാംകൂറിലെ നായര്‍ മേധാവിത്വ മേഖലകളില്‍ ഒരു പരീക്ഷണം നടക്കു...
ബിഷപ്പ് ഫ്രാങ്കോ മുളക്കല്‍ ബലാത്സംഗം ചെയ്തുവെന്ന് കന്യാസ്ത്രീ പരാതിപ...
സുല്‍ത്താന്‍ബത്തേരി വഴി വന്യജീവി സങ്കേതത്തിലൂടെയുള്ള രാത്രിയാത്രാ നി...
കൊട്ടിയൂര്‍ പീഡനക്കേസില്‍ പെണ്‍കുട്ടി താന്‍ ഫാദര്‍ റോബിനുമായി സമ്മതത...
ഇത്രമാത്രം ഗുരുതരമായ തെറ്റുകള്‍ വരുത്തിയും, 40 ലക്ഷം പേരെ ഒഴിവാക്കിയ...
ആസ്സാമില്‍ അനധികൃത കുടിയേറ്റക്കാരെയെല്ലാം പുറത്താക്കും എന്ന തെരഞ്ഞെട...
കഴിഞ്ഞ നാല് വര്‍ഷക്കാലം മോഡി സര്‍ക്കാരില്‍ ഏറ്റവുമധികം അച്ചടക്കത്തോട...
കുമ്മനത്തെ മിസോറാമിലേക്ക് കെട്ടുകെട്ടിച്ച് രണ്ട് മാസത്തിനു ശേഷം ബി.ജ...
ചേര്‍പ്പ് CNN സ്‌കൂളില്‍ പാദപൂജ നടത്തിയത് ഇടതുപക്ഷ സര്‍ക്കാരിന്റെ അന...
ജനാധിപത്യ സാംസ്‌കാരിക കൂട്ടായ്മ ജൂലൈ28ന് തലശ്ശേരിയില്‍ സംഘടിപ്പിച്ച...
See all Stories

Sponsored Advertisments

Facebook
Like Facebook Page and Follow