Loading Page: ജനകീയ ഭാവനയെ സ്വാധീനിച്ച സ്റ്റീഫന്‍ ഹോക്കിങ്ങ്

ലേഖനം

പി.ജെ. ബേബി

ഭൂമിയുടെയും മനുഷ്യരാശിയുടെയും അതിജീവനത്തിനുവേണ്ടി നമുക്ക് നിരന്തരം മുന്നറിയിപ്പു നല്കിക്കൊണ്ടിരുന്ന സ്റ്റീഫന്‍ ഹോക്കിങ്ങിന്റെ ശബ്ദം നാമിനി കേള്‍ക്കില്ല.

20-ാം വയസ്സില്‍ പേശീചലനം തലച്ചോറിന്റെ നിയന്ത്രണത്തിലല്ലാതാകുന്ന അപൂര്‍വ്വരോഗത്തിന്റെ പിടിയിലാകുകയും രണ്ടുവര്‍ഷത്തിലധികം ആയുസ്സില്ലെന്നു ഡോക്ടര്‍മാര്‍ വിധിച്ച ഹോക്കിങ്ങ് മരിക്കുന്നത് 76-ാം വയസ്സിലാണ്. ചെരിച്ചുവച്ചതലയുമായി ചക്രക്കസേരയിലൊതുങ്ങിയ ശേഷവും അദ്ദേഹം എഴുത്തും വായനയും ഗവേഷണ പഠനങ്ങളും പ്രഭാഷണങ്ങളും കൊണ്ട് കഴിഞ്ഞ അരനൂറ്റാണ്ടിലെ ലോകം ഏറ്റവും ശ്രദ്ധിച്ച ശാസ്ത്രജ്ഞനായി.

വലിയ വലിയ ശാസ്ത്രസ്ഥാപനങ്ങളുടെ തലപ്പത്തിരിക്കുമ്പോഴും ഗണപതിക്കു തേങ്ങയടിക്കലും ജ്യോതിഷവും ശകുനം നോക്കലുമെല്ലാം നടത്തുന്ന ഇന്ത്യന്‍ ശാസ്ത്രജ്ഞരില്‍ നിന്നു തികച്ചും വിഭിന്നനായി അദ്ദേഹം പ്രപഞ്ചകാര്യങ്ങല്‍ നടക്കുന്നതില്‍ ദൈവത്തിന് യാതൊരു പങ്കുമില്ല എന്നും ഉറപ്പിച്ചു പറഞ്ഞു. മുതലാളിത്ത ലോകക്രമം ഭൂമിയെ ഒരു സര്‍വ്വനാശത്തിലെത്തിച്ചതിനെ കൃത്യമായി തിരിച്ചറിഞ്ഞ് ഉച്ചത്തിലുച്ചത്തില്‍ വിളിച്ചു പറയാനാണ് തന്റെ അവസാന നാളുകള്‍ അദ്ദേഹം വിനിയോഗിച്ചത്. ഭൗമതാപനമടക്കമുള്ള കാര്യങ്ങള്‍ തടയാന്‍ വികസിത രാജ്യങ്ങള്‍ ഒന്നും ചെയ്യാതിരിക്കുന്നതും, അത്തരം ഒരു പ്രശ്നമേയില്ലെന്ന അമേരിക്കയുടെ പ്രസിഡന്റ് ഭ്രാന്തന്‍ ട്രംപിന്റെ നിലപാടുകളും അദ്ദേഹത്തെ വല്ലാതെ പ്രകോപിപ്പിച്ചു, നിരാശനാക്കി. നൂറുവര്‍ഷത്തിനകം ജീവിക്കണമെന്നുണ്ടെങ്കില്‍ മനുഷ്യരാശി വേറെ ഗ്രഹം നോക്കിക്കോളൂ എന്നദ്ദേഹം മുന്നറിയിപ്പു നല്കി. അദ്ദേഹം എന്തുകൊണ്ടങ്ങനെ പറഞ്ഞു എന്നതു മനസ്സിലാക്കാതെ അദ്ദേഹത്തെ പെസിമിസ്റ്റ് എന്നു മുദ്രകുത്താന്‍ പോലും ഈ കേരളത്തിലും ചില വിവര ദോഷികള്‍ മുന്നോട്ടു വന്നു. ഐന്‍സ്റ്റീനു ശേഷം ഇത്രമാത്രം ജനകീയ ഭാവനയെ സ്വാധീനിച്ച ഒരു ശാസ്ത്രജ്ഞനുണ്ടായിട്ടില്ല. ചക്രക്കസേരയിലിരുന്ന് രണ്ടു വിരലുകള്‍ മാത്രം ചലിപ്പിച്ച് എല്ലാം ചെയ്യാന്‍ നിബ്ബന്ധിതമായിത്തീര്‍ന്ന ഒരു മനുഷ്യന്‍! അയാള്‍ ആ കിടപ്പിനെ ഒരു സൗകര്യമാക്കി പ്രപഞ്ച രഹസ്യങ്ങളിലേക്ക് തന്റെ ബുദ്ധിയെ തുറന്നുവിട്ട് തന്റെ കാലത്തെ ഏറ്റവും വലിയ ശാസ്ത്രജ്ഞനാകുക. ശാസ്ത്രത്തിന്റെ ദന്തഗോപുരത്തിലടയിരിക്കാതെ മനുഷ്യരാശി നേരിടുന്ന കാതലായ പ്രശ്നങ്ങളില്‍ ജനകീയ പക്ഷത്തുനിന്നു പോരടിക്കുക. എത്ര വലിച്ചുനീട്ടിയ ഭാവനയിലും അസ്വാഭാവികം, അയഥാര്‍ത്ഥം എന്നു മാത്രം പറയാവുന്ന കാര്യങ്ങളാണദ്ദേഹം സാധിച്ചത്.

ഈ 76 വയസ്സിനു ശേഷവും അദ്ദേഹം ജീവിച്ചിരിക്കണമായിരുന്നു എന്നു പറയാന്‍ നമുക്കര്‍ഹതയില്ല. മനുഷ്യരാശിക്കദ്ദേഹം നല്കിയ ദിശാബോധങ്ങളും മുന്നറിയിപ്പുകളും നെഞ്ചേറ്റിക്കൊണ്ടാണ് ആ മഹാപോരാളിക്ക് നമുക്ക് വിടവങ്ങള്‍ സല്യൂട്ട് നല്കേണ്ടത്. മനുഷ്യരാശിയുടെ ഭാവിയെ അവതാളത്തിലാക്കുന്ന സാമ്പത്തിക-രാഷ്ട്രീയ വ്യവസ്ഥക്കും തീരുമാനങ്ങള്‍ക്കെതിരെ അദ്ദേഹത്തെപ്പോലെ ആവോളം പൊരുതുമെന്ന് നമുക്ക് ഈ വേളയില്‍ പ്രതിജ്ഞ ചെയ്യുക.

Studies and Blogs

യൂറോപ്യന്‍ യൂണിയനും അമേരിക്കയും തമ്മില്‍ നടക്കുന്ന വ്യാപാരയുദ്ധത്തിന...
ഒരു അഭിമന്യു ഇത്തരത്തില്‍ നിഷ്ഠുരമായി കൊലചെയ്യപ്പെട്ടതുകൊണ്ട് പൊളിറ്...
താജ്മഹലിന്റെ സംരക്ഷിക്കല്‍ എന്നത് ഒരു പക്ഷേ ഒരു 'പ്രതീക്ഷയില്ലാത്ത സ...
കേരളത്തിലപ്പോള്‍ രാമായണ വിവാദം കൊഴുക്കുകയാണ്. CPI(M) രാമായണ പ്രഭാഷണങ...
അഭിമന്യുവിന്റെ വധം കൊല്ലാന്‍ നല്ല പരിശീലനം കിട്ടിയ സംഘം അതിന്റെ മുകള...
സിനിമ താരരാജക്കള്‍ക്കായി രാജാക്കളാല്‍ നടത്തപ്പെടുന്ന രാജാക്കളുടെ സംഘ...
യുപിഎ ഭരണകാലത്ത്, 2013 ജൂണ്‍ 23ന്, നരേന്ദ്രമോഡി ട്വിറ്ററില്‍ കുറിച്ച...
കേരളത്തിലെ ക്രൈസ്തവ സഭകളുമായി ബന്ധപ്പെട്ട് ലൈംഗിക പീഡന-കൊലപാതക വിവാദ...
ഡല്‍ഹിയിലെ കെജ്രിവാള്‍ സര്‍ക്കാരിനെ പ്രവര്‍ത്തിക്കാനനുവദിക്കാത്ത രീത...
സ്വാതന്ത്ര്യം കിട്ടിയയത്ര പ്രധാമപ്പെട്ട ഒരു കാര്യമാണ് ജി.എസ.ടി നടപ്പ...
വിദേശകാര്യമന്ത്രി സുഷമ സ്വരാജ് മിശ്രവിവാഹിത ദമ്പതികളെ സഹായിക്കാനെത്ത...
ചില ഹിന്ദു സുഹൃത്തുക്കള്‍ പറഞ്ഞതാണ്. അവരുടെ കുടുംബങ്ങള്‍ ഉള്‍ക്കൊള്ള...
സ്വതന്ത്ര ഇന്ത്യയുടെ ചരിത്രത്തിലാദ്യമായി ഇന്ത്യന്‍ സാമ്പത്തിക രംഗം ക...
കേരളത്തില്‍ ഇന്ന് വൈദ്യുതിക്ക് പണമടക്കാത്ത എത്ര കുടുംബങ്ങളുണ്ട്? എന്...
മലയാളസിനിമയിലെ A. M. M. A വിവാദവുമായി ബന്ധപ്പെട്ടാണ് ഇത് പറയേണ്ടി വര...
സ്വന്തം സഹപ്രവര്‍ത്തകയെ ലൈംഗികമായി ആക്രമിക്കാന്‍ കൊട്ടേഷന്‍ കൊടുത്തത...
അമേരിക്കന്‍ രാഷ്ട്രീയം കാര്യമായ വ്യത്യാസമൊന്നുമില്ലാത്ത റിപ്ലബ്ലിക്ക...
ലോകത്ത് സ്ത്രീകള്‍ക്ക് ഏറ്റവും അപകടകരമായ രാജ്യം ഇന്ത്യയാണെന്ന് തോംസണ...
See all Stories

Sponsored Advertisments

Facebook
Like Facebook Page and Follow