ഡൊണാള്‍ഡ് ട്രംപ് അധികാരമേറ്റതിന്റെ നൂറുനാള്‍ ആഘോഷ പരിപാടികള്‍ വലിയ ദാടിമോടികളോടെ പെന്‍സില്‍വാനിയയില്‍ വച്ച് നടന്നു. തന്റെ നൂറുനാള്‍ ഭരണം അമേരിക്ക ഒരിക്കലും കണ്ടിട്ടില്ലാത്ത തോതിലുള്ള പ്രവര്‍ത്തനത്തിന്റെ കാലമായിരുന്നുവെന്നും എന്നാല്‍ മാധ്യമങ്ങളെല്ലാം തനിക്കെതിരാണെന്നും അതുകൊണ്ടുമാത്രമാണ് തന്റെ നേട്ടങ്ങള്‍ വേണ്ടത്ര ജനങ്ങള്‍ക്കിടയിലെത്താത്തതെന്നും അദ്ദേഹം പരാതിപ്പെട്ടു.
വമ്പന്‍ പ്രഖ്യാപനങ്ങള്‍ പ്രവര്‍ത്തനങ്ങളാണെങ്കില്‍ ട്രംപ് പറഞ്ഞത് ശരിയാണ് മറിച്ചു, നടപ്പില്‍ വരുത്തപ്പെട്ട കാര്യങ്ങളാണ് കണക്കിലെടുക്കപ്പെടുന്നതെങ്കില്‍ ട്രംപിന്റെ അവകാശവാദത്തില്‍ കഴമ്പൊന്നുമില്ല. അതിലുമേറെ, നൂറു നാളുകള്‍ക്കുള്ളില്‍ നിലപാടുകളില്‍ ഏറ്റവും കരണം മറിച്ചില്‍ നടത്തിയ അമേരിക്കന്‍ പ്രസിഡന്‍ന്റാണ് ട്രംപ് എന്ന് ഉറപ്പായി പറയാന്‍ കഴിയും. ഐ എസിനെ തുരത്തും, അതിനായി റഷ്യയുമായി നല്ല ബന്ധമുണ്ടാക്കും, എന്നതായി രുന്നു ട്രംപിന്റെ പ്രധാനപ്പെട്ട ഒരു തെരഞ്ഞെടുപ്പ് വാഗ്ദാനം. ഐഎസിനെ സൃഷ്ടിച്ചതിന്റെ പേരില്‍ ഒബാമയേയും ഹില്ലാരിയെയും നിശിതമായി വിമര്ശിച്ചാധികാരത്തില്‍ വന്ന ട്രംപ് ഇപ്പോള്‍ അവരുടെ അതേ നയങ്ങള്‍ കൂടുതല്‍ ശക്തമായി നടപ്പാക്കുകയാണ്. ആ കരണം മറിച്ചില്‍ അറബ് സ്വേച്ഛാധിപത്യങ്ങള്‍ക്കു വേണ്ടി അവരാവശ്യപ്പെട്ടിട്ടു കൂടിയാണെന്നു വന്നതോടെ അമേരിക്കയുടെ അന്തസ്സും ലോകാധിപത്യവും തന്നെ സംശയത്തിലാകുകയും ചെയ്തു.
അമേരിക്കയിലേക്ക് തൊഴിലുകള്‍ തിരിച്ചുവന്നു കൊണ്ടിരിക്കുകയാണ് എന്നതാണ് തന്റെ മുഖ്യ നേട്ടമായി ട്രംപ് അവതരിപ്പിച്ചത്. നമുക്കൊരു മതിലാവശ്യമാണ്, നാമത് കെട്ടും എന്നും ട്രംപ് പറഞ്ഞു. ഇതു രണ്ടും നടക്കുമോ എന്നത് ഇനിയും കണ്ടറിയേണ്ട കാര്യമാണ്. മറുവശത്തു, തന്റെ കുടിയേറ്റവിരുദ്ധ നിലപാടുകളോ, ഒബാമകെയറിനെതിരായ നിലപാടോ ട്രംപിന് നടപ്പാക്കിയെടുക്കാനായില്ല. കോടതികളും സെനറ്റും ജനപ്രതിനിധിസഭയുമെല്ലാം ചേര്‍ന്ന് അവയെ പരാജയപ്പെടുത്തി.
അമേരിക്കാ ഫസ്റ്റ് എന്ന വാചകമടിയൊക്കെയുണ്ടെങ്കിലും കഴിഞ്ഞ മൂന്നു വര്‍ഷത്തിലെ ഏറ്റവും കുറഞ്ഞ ജി.ഡി.പി വളര്‍ച്ചാ നിരക്കാണിന്നു അമേരിക്കയില്‍.
ട്രംപിന്റെ നേട്ടങ്ങളെന്നു പറയുന്നത് സിറിയയില്‍ കുറേ മിസൈല്‍ വാര്‍ഷിച്ചുവെന്നതും ഉത്തരകൊറിയയെ ഭീഷണിപ്പെടുത്താന്‍ നോക്കിയെന്നതും മാത്രമാണ്. ഇതെല്ലാം കൊണ്ട് യുവജനങ്ങള്‍ക്കിടയില്‍ ഏറ്റവും അംഗീകാരം കുറഞ്ഞ പ്രസിഡന്റെന്ന ബഹുമതിയാണദ്ദേഹത്തിനു കിട്ടിയിരിക്കുന്നത്
ലോകത്തിലിന്നു ഭരണത്തിലേറിയിരിക്കുന്ന വലതുപക്ഷക്കാര്‍ക്ക് വാചകമടികള്‍ക്കപ്പുറം യഥാര്‍ത്ഥത്തില്‍ എന്ത് ചെയ്യാന്‍ കഴിയുമെന്നതിന്റെ ഒരുദാഹരണമായി ഇന്നു നമുക്ക് ട്രംപിനെ കാണാമെന്നു തോന്നുന്നു.

Studies and Blogs

കേരളത്തില്‍ പിണറായി വിജയന്‍ സര്‍ക്കാര്‍ രണ്ടുവര്‍ഷം പൂര്‍ത്തിയാക്കിയ...
28 മണിക്കൂറിനുള്ളില്‍ നിയമസഭ വിളിച്ചു ചേര്‍ത്ത് ഭൂരിപക്ഷം തെളിയിക്കണ...
എന്തു വൃത്തികെട്ട കളികളിച്ചും കര്‍ണ്ണാടക റെഡ്ഡി-യെദിയൂരപ്പ പെരുങ്കള്...
കര്‍ണ്ണാടയില്‍ വര്‍ഗ്ഗീയക്കാര്‍ഡ്, പ്രധാനമന്ത്രിയുടെ ചരിത്രസംബന്ധിയാ...
നിരായുധരായ പാലസ്തീന്‍ പ്രക്ഷോഭകര്‍ക്കു നേരെ ഇസ്രയേല്‍ സേന വെടിയുതിര്...
കണക്കില്ലാത്ത പണമൊഴുക്കിയിട്ടും നിരവധി നുണപ്രചരണങ്ങള്‍ നടത്തിയിട്ടും...
ഇറാന്‍ അണുവായുധക്കരാറില്‍ നിന്ന് അമേരിക്ക പിന്മാറുകയും യുറോപ്യന്‍ രാ...
ഉത്തര്‍ പ്രദേശിലെ ബി.ജെ.പി എം എല്‍ എ സുരേന്ദ്രസിംഗ് നരേന്ദ്ര മോഡി സാ...
2008 ല്‍ ലോകവ്യാപകമായി ആരംഭിച്ച സാമ്പത്തിക പ്രതിസന്ധിക്ക് അഞ്ചുവര്‍ഷ...
ചീഫ് ജസ്റ്റിസ് ദീപക് മിശ്ര തനിക്കെതിരെ സി ബി ഐ യുടെ അന്വേഷണത്തിലിരിക...
എടയന്നൂരിലെ കോണ്‍ഗ്രസ്സ് പ്രവര്‍ത്തകന്‍ ഷുഹൈബിന്റെ കൊലപാതകത്തെത്തുടര...
പ്രായ പൂര്‍ത്തിയായ ആണ്‍കുട്ടിക്കും പെണ്‍കുട്ടിക്കും ഒന്നിച്ചു താമസിക...
കര്‍ണ്ണാടക തെരഞ്ഞെടുപ്പില്‍ ബി ജെ പി യുടെ സ്റ്റാര്‍ കാമ്പെയിനര്‍ പ്ര...
2018 മാര്‍ച്ച് അഞ്ച് മാര്‍ക്സ് ജനിച്ചിട്ട് 200 വര്‍ഷം തികയുകയാണ്. മു...
ദേശീയ ചലച്ചിത്ര അവാര്‍ഡ് വിതരണം ചെയ്യുമ്പോള്‍ പതിനൊന്ന് പ്രമാണിമാര്‍...
'പാക്കിസ്ഥാനും ചൈനയും 'ഭാരത'ത്തിന്റെ ആജന്മ ശത്രുക്കളാണ്; ഇന്നേവരെ രാ...
കേരളത്തിലെ ക്രൈസ്തവസഭകളില്‍ അംഗസംഖ്യകൊണ്ടും രാഷ്ട്രീയ സാമ്പത്തിക സ്വ...
കര്‍ണ്ണാടക തെരഞ്ഞെടുപ്പു പ്രചരണത്തിന് തുടക്കം കുറിച്ച് ആദ്യറാലിനടത്ത...
See all Stories

Sponsored Advertisments

Facebook
Like Facebook Page and Follow